MATHIU 6:10 - NIEMNYAN Naga NT (BSI)

¹⁰ Nang Hahsông karo; Rangkhethung wah rãngrãng hahkho komin Nanghung junko chendanga.

MATHIU 6:10 Iomraidhean Croise

MATHIU 12:50

Hen-henma rangkhethung wah nga Wa Joban ma huneka ere moatlem heh moeka ere hehba nga pho, nga nya, ngale nga nyong.”

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 26:42

Eredikomin rekthe Jisu chhoan lahma rangsoam wah, “Ewa are ngawah chêmcheipa leta repheli medang ako, ngama hèn ang, nanghung junko chendanga.”

MATHIU 3:2

Atema ngatwah, “Nepap hehwah hungngaklit en,” “chenrãngma ngako, rangkhethung Hahsông pa lânam hûtha!”

MATHIU 4:17

Ere sanpoat pumma Jisu ma Joban nginkong bengphoang thôwah: “Ne papwah hunglit en, chenrãngma ngako rangkhethung Hahsông pa lânam hûtha!”

MATHIU 7:21

“Teso, Teso, ngama nganâng roote chentôpa rangkhethung nâng leta wãngmin, rangkhethung wah tôngte Joban ma huneka moatlem moatte heh loloba tâwâng min.

MAK MA RAANGWAH NGINKONGSEN 11:10

Joban ma ahokmin wah nãngwa Devit Lowang Hahsôngko rangkoh eka! Joban nângrôe!”

MAK MA RAANGWAH NGINKONGSEN 3:35

Henhenma Joban ma huneka moatlem moeka erehehba nganaa delachha, nganaa dihiaknya, ngale nga nyong.”

LUK MA RAANGWAH NGINKONGSEN 19:11

Mihnyan hehma are nginpa jetat poatko, Jisu ma thinnâng nginthakthô wanthe thôkoh wah. Ere sanpoatko atea Jeroselem nâng hunemnem dângwah, ngale thinma Joban Hahsông pa arohroh ehongka themra ngama thônghun wah.

LUK MA RAANGWAH NGINKONGSEN 19:38

“Teso mînko hokte lowang ko Joban ma rangkoh eka! Rangkhethung nâng mêmo dangeka ngale Joban mîn dongthuk eka!”

LUK MA RAANGWAH NGINKONGSEN 22:42

Atema ngatwah, “Ewa, nangma mehun oko are ngawah chêmchei pa rephe kohhang. Rohkomin ngama hun ekang junko dangmah, nangma chenroh hun eko erejunko chendanga.”

JON MA RAANGWAH NGINKONGSEN 4:34

Jisu ma thinnâng ngatwah, “Nga phhekchhah pa, nga chienkatte nginkepkep danglekma atema chien ehang moatlem heh râmoatpa.

JON MA RAANGWAH NGINKONGSEN 6:40

Chen-rãngma ngako Ewa ma huneka pa henhenma Chhapa khelahma atenâng putedâlem eka erehehma roantang roanjêng roandông chohrãng huneka. Ngale athôanjâ rangwo ko ngama thin engak hinsiet ang.”

JON MA RAANGWAH NGINKONGSEN 7:17

Henhenma Joban ma chenni huneka erepa moat huneka erehehma, ngama Joban junko hethô ekang ale ngadede chaanmajab ekanga erepa ejet a.

MOATLEM 13:22

Sol Lowang wah rephe diko, Joban ma thin Lowang rãng Devit lithôan wah. Joban ma ate junma aroh jabwah: ‘Ngama Jisi chha Devit pa nga hungma lem ekang rãngrãng mihnyan lâchohtek, ngama atenâng chenni moathuk hun ekanga ereheh phangtang atema emoa.’

MOATLEM 21:14

Nima ate leta jektang phumma, letangtu thangma, “Teso hung junko chendanga” ngama ngatwah.

MOATLEM 22:14

Atema ngatwah, ‘Nãngte nãngwa heh Joban pumma atema chenni huneka erepa jetrãng ren eho, ngale Joban haa toangtang thôanpa kherãng ren eho, ngale atema jabkhab rahjab pa chentat a ngama ren eho.

ROMAN HEHNÂNG POLMA RAANGWAH SITI 12:2

Nededema are hahtokkhoh kowah mihnyan heh rãngrãng nekdangen, rohkomin Joban ma nehung nerin phangtang khenwah chenlitsiet hèn. Erediko ba Joban ma hun ekapa nema eta jetlo en - chenrepa asen a ngale chenre pumma Joban rinme thukeka ngale chenrepa apunlia erepa etajetlo en.

IFISIEN 6:6

Erepa thinma chensen chohhi ngama thonghun letma, thinma nenâng sokpoatko lolo nekmo en; phumma, Krista haa rãngrãng dangletma nehung nerin phangtang kohletma Joban ma chenroh huneka eroh mo en.

KOLOSIEN 1:13

Atema rangnyek chaan kowah pepâng lahma atema nyahrãng ahun ate Chha Hahsông theko senthemthem sietwên ehi,

KOLOSIEN 1:9

Erohwah chenthu nima ne ngin chohtat tihwah roantangma rangsoam koheka. Ngale Joban ma ate hungkhen wah huneka heh nenâng chenjet thukhèn ngama rosep eki, erediko ate Juma nenâng chentô buthi mongthem heh chenkohhèn.

1 THISALONIKA 4:3

Joban ma nea Sâpoangpoang chendanga, ngale dihiak dela tungko kaamchhih lemo thangma chentonga ngama hun ehèn.

1 THISALONIKA 5:18

Chentô rangkuh sanha roakweih Joban nâng dangkoh a nga en. Ngale ne roandôngpa Jisu Krista demnâng roamletma areheh Joban ma ne roandôngko moat huneka.

HIBRU 1:14

Eroh medang ako, ngintatte heh chennia? Thin a Joban nâng soam atôteju, ngale Joban ma khope chohte mihnyan hehnâng chohsokrãng chienkat era.

HIBRU 10:36

Joban hung junko jienmoatrãng ngale Joban ma toamsem tahpa tâchohrãng nea hungmôngmông dangletma tôngmin.

HIBRU 10:7

Ephumma Ngama ngatwah, ‘O joban nanghung junko moatrãngma, Nga etongang, Eroh jôba Nga junma Niemarang titab nâng raangeka.’ ”

1 PITER 2:15

Chenrãngma ngako nema kaamsen moletma mihnyan chhih hehma aba rãngrãng phoangjab eka heh kihsietrãng hun ehèn.

1 PITER 4:2

Erohwah ade phumma, are hahtokkhoh wah ne roandôngko mihnyan nyuchha hung arin junko ledang Joban hung junko songtongtu en.

LOATKHESOK 11:15

Erediko wanengit kowah ngintatte pumma ate poakpopa rahmetwah, ngale ephumma rangkhethung nâng aroh chaanmõang rakjab lahma dângwah, “Ade phumma rangkhen pênrãng chaanpa nãng Teso ngale ate Misaia niinâng tonga, ngale atema roantang roangjêng rãng epên a!”

LOATKHESOK 12:10

Erediko Ngama rangkhethung nâng chaanmõang rakjab lahma tatwah, “Athângheh Joban ngewah khope pa lâkatha! Athângheh Joban ma ate chaanpa Lowang danglahma khesok eka! Athângheh ate Misaia pumma ate chaanpa khesok eka! Chenrãngma ngako nãng Joban mathahko cheplahma rangwo rangnyek Joban nâng putedâlemte mihnyan hehnâng sekhamte pa rangkhethung wah petphetah.

LOATKHESOK 19:6

Erediko Ngama jahmõang mihnyan heh jab rãngrãng tatwah, ngale longchhakwah jo jâjen katko rahwah rãngrãng tatwah, ngale rangmok rangphakwah rãngrãng tatwah. Thinma, “Joban nâng rôe! ngama ngawak lahma tatwah. Chenrãngma ngako, Teso nãng Joban Adongthôan pa Lowang! ngama ngawak lahma tatwah.

LOATKHESOK 20:4

Erediko Ngama tôngthin heh khewah, ngale tôngthinko tôngte mihnyan hehnâng arên rãng chaan kohwah. Eredikomin Jisu ma loatsiettah toangtang ngin phoangthôte mihnyan ngale Joban jabkhab phoangthôte mihnyan ritphetah Ju hehmin khetek. Thinma ngemchhih ngale ate moang hehnâng soamtô mah, ngale thinma thin kheng nâng ngale dek hehnâng ngemchhih nemboat hehmin tungmah. Thin ngakhin lahma Krista demnâng Lowang rãngrãng danglahma hahjatthe rangpâ pên eka.