MATHIU 5:9 - NIEMNYAN Naga NT (BSI)

⁹ Mêmo dângrãngma moatlem moatte heh rangkepte dângmin; Thinnâng Joban Chha ngatmin!

MATHIU 5:9 Iomraidhean Croise

MATHIU 5:45

Eroh koba rangkhethung wah tôngte ne Wa Joban Chharãng eta dangen. Chenrãngma ngako, Atema sanpa mihnyan chhih mihnyansen chentô nâng khoakthe sahthukrãng hôaneka, ngale rangpat pa kaamchhih moatte le kaamsen moatte waniinii rãng hôaneka.

MATHIU 5:48

Rangkhethung wah ne Wa Joban pa asen dangeka rãngrãng nemin asen dangen!

LUK MA RAANGWAH NGINKONGSEN 20:36

Thin a rangkhethung wah Joban ngintatte heh rãngrãng dângmin ngale ritmin lerii tumin. Thin a Joban chharãng dângtûmin, chenrãngma ngako thin a ritwah ngakhin eka.

LUK MA RAANGWAH NGINKONGSEN 6:35

Eroh dangmah! Neran hehnâng hun en ngale thinrãng kaamsen mokoh en; ngakchohrãng ledâlem thangma nêmthuk en. Eroh koba nema rangdong ekepen, ngale nea nyahrãng achoangthôan wah Joban chha eta dangen. Chenrãngma ngako atea dangkoh a ngama lengate heh demnâng min asen ngale mihnyan chhih heh demnâng min asen.

MOATLEM 7:26

Eredijâko atema Isrial mihnyan wanii loatmîn lahma khewah, ephumma atema ere wanii mênpa pâsiet lahma mêthukrãng thônghun wah. Atema ngatwah, ‘Tattan en,’ ‘Nechhea waniinii Isrial mihnyan tuta; phumma aroh chenrãngma mên eken a?’

ROMAN HEHNÂNG POLMA RAANGWAH SITI 12:18

Nema anga nga demnâng mêmoma tuta sôngtông rãngma mo en.

ROMAN HEHNÂNG POLMA RAANGWAH SITI 8:14

Ngale henhen Joban Juma seneka ereheh Joban chha.

ROMAN HEHNÂNG POLMA RAANGWAH SITI 8:16

Joban Jupa ate dedema Ju demnâng roaplahma nãnga Joban Chha ngama loatjab eka.

ROMAN HEHNÂNG POLMA RAANGWAH SITI 8:19

Hahtokkhoh wah chentô hînjebjeb pumma Joban ma ate chha heh chenthu khesokkatmin a ngama nyahrãng ngiaklahma bemeka.

1 KORINT 6:6

Eroh ledang thangma, Kristan wathepa ahan Kristan wathe lelatnâng chenmîn letma Joban nâng lepute dâlemte mihnyan hehnâng phenthôthuk eken!

2 KORINT 13:11

Ngale ngalemruchha heh, ade dangeka, atô kojô jekmêng ekang! senthemthemjô dângrãngma latrii en; Ngama rosep eka komin mamjetat ha; wathema wathe demko jutjut jaangjaang dangletma tongen; mêmoma songtongen. Eroh koba Ahunte ngale mêmo Joban pa nekhu demnâng etonghèn.

2 KORINT 5:20

Erohwah nima Krista rãngma jabeki, ngale Joban ma ate dedema roatsep wah rãngrãng nikhu junma rosep ehèn. Nima Krista mînko rosep eki: Joban ma ate ran dangtet pa ate lemruchha rãng chenlitsiet hèn!

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

IFISIEN 4:1

Erohwah, Ngama nenâng rosep eka - Ngama Teso nâng soam atôdi Nga phâtek nâng khhekthien ehang: Joban ma nea chenroh sôngtôngrãng rooehèn a eroh songtongen.

FILIPIEN 4:2

Iuodia ngale Sentiki, Ngama nechhe nâng Teso mînko nya anaa rãngrãng thonghunmîn letma mamsenmîn en ngama rosep eka.

KOLOSIEN 3:13

Wathema wathe nâng lietmîn re en, ngale hentung nângjô mechhihmîn en komin map kohmîn en. Chenroh Teso ma nenâng mapkoh ehèn a ererãngrãng wathema wathe nâng map kohmîn en.

HIBRU 12:14

Chentô demnâng mêmo dângrãng thonghun en, ngale roandôngko Asâma dângrãng thonghun en, chenrãngma ngako, eroh ledang kako henmemin Teso leta chohkhemin.