MATHIU 5:8 - NIEMNYAN Naga NT (BSI)

⁸ Hungsâ rinsâte mihnyan heh rangkepte dângmin; Thinma Joban echohkhea!

MATHIU 5:8 Iomraidhean Croise

MOATLEM 15:9

Atema thin ngale nãngkhu tungko chenjô mâmâ hôanmahhi; atema thinpap heh map koheka chenrãngma ngako thinmemin putedâlem eka.

1 KORINT 13:12

Athângheh nãngma chenni khekia erepa dâpha sokminnâng minmôangraang kheritwah rãngrãng; khediko nãngma thhenphãng linlin echohkhe e. Athângheh ngama chenni jetkanga erepa mãnchhaba jet ekang; khediko ngama phangtang elaangjet ang - chenroh Joban ma nga senthemthem thôanlep ehanga ererãngrãng ethôanjet ang.

2 KORINT 7:1

Ngalemruchha heh, are chentô toamsem ekapa nãngkhu demnâng sem ehi. Erohwah, nãngphoang ngale nãng Ju ngeksietthin chentô hehwah sâpoangpoang danglihma tonge, ngale Joban ran chei lihma sâpoangpoang danglihma songe.

TITAS 1:15

Hen mâmâ dede sâpoangpoang dangeka ereheh demnâng chentôpa asâ tuta; rohkomin henhen ngeksietrit reka, ngale lepute dâlemte a ereheh rãngma chenjô asâ aho, chenrãngma ngako, thinma thin kheri ngale hung arin heh ngeksiet eka.

HIBRU 10:22

Erohwah nãnghung ma achhih thonghunki hehwah sâsietrii ngale nãng phoangpa josâma sâsoan wah rãngrãng danglihma hungsâ ngale senthemthem putedâlem lihma Joban tânâng namhûe.

HIBRU 12:14

Chentô demnâng mêmo dângrãng thonghun en, ngale roandôngko Asâma dângrãng thonghun en, chenrãngma ngako, eroh ledang kako henmemin Teso leta chohkhemin.

HIBRU 9:14

Phumma arepa toangtang medang ako, Krista hei pummajã chentôjah bâmsâsiet eka! Roantang roanjêng Ju junma atedede roandôngpa Joban nâng sâpoangpoang kohriieka. Ate hei pumma nãnghung arin heh ledangli niemarang hehwah esâsiet hi, erohkoba nãngma ahîn Joban nâng eta soamtôe.

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

JEMS 4:8

Joban tânâng hûren, ngale erohkoba netânâng Joban enamra. Papi mihnyan heh nedek pa sâsoan en! ngale ahuh khoanglep heh, nehung pa sâsietre en!

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

LOATKHESOK 22:4

Thinma ate thhenphãng pa echohkhe wak a, ngale ate mînpa thinkhengko eraanga.