MATHIU 5:46 - NIEMNYAN Naga NT (BSI)

⁴⁶ Joban ma chenni rãngma rang ekohhèn a, nenâng hunte mihnyan kololo nema mengak hun enko? eroh pete thãkho thâte mihnyan hehmemin moeka!

MATHIU 5:46 Iomraidhean Croise

MATHIU 11:19

Phumma chenthu Mihnyan Chhama jokphhek chhahko, anga ngama Atenâng, ‘Are mihnyan ko sûtan en! rem awak ngale jokphhek chhahte, thãkho thate ngale papi mihnyan heh lemruchha, ngama ngaeken!’ Joban wah buthi mongthem pa moatlem pumma ekhesok wênra.”

MATHIU 18:17

Ngale atema thin nginmin lekep medang ako, chentôpa Asâthem hehnâng thôkoh en, ngale atema Asâthem heh nginmin lekep medang ako, Joban lejette mihnyan ngale thãkho thâte mihnyan heh rãngrãng thinphe en.

MATHIU 5:47

Ngale ne lemruchha nânglolo merânjab enko, mihhan noma chenpa bâmsen moeken a? Ererãngrãng pete Joban lejette mihnyan hehmemin moeka.

MATHIU 6:1

“Nema mihnâng chohsok moatlem memo enko mihhehma chenkhehi ngama thonghun letma nok atang chhangko nekmo en. Nema ere moatlempa mihmathah ko memo enko, nema rangkhethung wah newa Joban wah chenjô lechohmin.

MAK MA RAANGWAH NGINKONGSEN 2:15

Ere chuthe diko Jisu ma Livi humko phhekchhah chhahwah. Thãkho thâte ngale papi mihnyan heh Jisu diko jahmõang junkhôam wah, ngale Jisu le ate dijunte heh demnâng phhekchhah jahmõang ma johchhah wah.

MAK MA RAANGWAH NGINKONGSEN 2:16

Niemarang hethôte ngale Farasi hehma Jisu papi mihnyan ngale thãkho thâte heh demnâng phhekchhah roamchhah lahma khewah, ephumma thinma Jisu dijunte hehnâng thôngphâ wah, “Arerãngrãng mihnyan heh demnâng ate chenrãngma roam phhekchhah eka?”

LUK MA RAANGWAH NGINKONGSEN 15:1

Jâthenâng thãkho thâte ngale papi mihnyan heh Jisu ngin jêtatrãng jahmõang hokwah,

LUK MA RAANGWAH NGINKONGSEN 18:13

Rohkomin thãkho thâte pa ataangnâng cheplahma ate khojô rangkhethung nâng leta toansûwên thangma ate thhenkhuhko teprii lahma soamwah, ‘Joban nga papi mihnyan, nganâng mammînchen hang!’

LUK MA RAANGWAH NGINKONGSEN 19:2

Ere hahko thãkho thâte kowah dongthôanpa dângwah, ngale ate mînpa Zakaria dângwah, atea nyahrãng techhu dângwah.

LUK MA RAANGWAH NGINKONGSEN 19:7

Erepa khête mihnyan heh phangtang jabwah, “Are mihnyan pa papi mihnyan humnâng hûeka!”

LUK MA RAANGWAH NGINKONGSEN 3:12

Thãkho thâte khuthe baptijem keprâng hûlahma atenâng thôngphâ wah, “Hethôte, nima chenremin a?”

LUK MA RAANGWAH NGINKONGSEN 5:29

Erediko Jisu nâng Livima ate humko phhekdong chhahdong ngetwah, ngale jokphhek chhahrãng rootah mihnyan heh chhangko thãkho thâte heh jahmõang dângwah, ngale mihnyan ahan hehmin dângwah.

LUK MA RAANGWAH NGINKONGSEN 5:30

Thin demwah Farasi ngale Niemarang hethôte hehma Jisu dijunte hehnâng ngatwah. “Nema thãkho thâte ngale papi mihnyan heh demnâng chenrãngma roam phhekchhah eken a?.”

LUK MA RAANGWAH NGINKONGSEN 7:29

Mihnyan chentôma ate ngin pa tatwah; ajahthem pejô thãkho thâte hehma Joban nginpa kepwah ngale thinnâng Jon ma baptijem kohwah.

LUK MA RAANGWAH NGINKONGSEN 7:34

Phumma Mihnyan Chhama jokphhek chhah lahma dângko nema, ‘Are mihnyanko sûtan en! rem awak chenmin le abanmah, ngale khemmok chempa, thãkho thâte ngale papi mihnyan heh lemruchha!’ ngaeken.