MATHIU 5:45 - NIEMNYAN Naga NT (BSI)

⁴⁵ Eroh koba rangkhethung wah tôngte ne Wa Joban Chharãng eta dangen. Chenrãngma ngako, Atema sanpa mihnyan chhih mihnyansen chentô nâng khoakthe sahthukrãng hôaneka, ngale rangpat pa kaamchhih moatte le kaamsen moatte waniinii rãng hôaneka.

MATHIU 5:45 Iomraidhean Croise

MATHIU 5:9

Mêmo dângrãngma moatlem moatte heh rangkepte dângmin; Thinnâng Joban Chha ngatmin!

LUK MA RAANGWAH NGINKONGSEN 6:35

Eroh dangmah! Neran hehnâng hun en ngale thinrãng kaamsen mokoh en; ngakchohrãng ledâlem thangma nêmthuk en. Eroh koba nema rangdong ekepen, ngale nea nyahrãng achoangthôan wah Joban chha eta dangen. Chenrãngma ngako atea dangkoh a ngama lengate heh demnâng min asen ngale mihnyan chhih heh demnâng min asen.

JON MA RAANGWAH NGINKONGSEN 13:35

Nema wathema wathe nâng mehunmîn enko, anga ngama nea ngadijunte ngama ejet hèn.”

MOATLEM 14:17

Rohkomin atema roantangma nga a ahin ngama moatlemsen molahma khesok eka: atema nenâng rangkho wah rangpat patthuk era ngale too achhah heh amun sanpoatko munthuk eka; atema nenâng phhekchhah kohlahma nehung nâng khuhahthuk ehèn.”

IFISIEN 5:1

Nekhunâng Joban ma ate chha rãngrãng nyahrãng hun ehèn, erohwah nekhumin ate rãngrãng dangen.

FILIPIEN 2:15

eroh medang enkoba nea Joban chhuchha rãngrãng chenni achhihjô aho sâpoangpoang edangen, chenrãngma ngako nea hahtokkhoh chhih kowah papi mihnyan heh demnâng songtong eken. Rangkhopa merit ma chhumphiak rãngrãng thinkhu chhangko nema phiak en,

1 JON 3:9

Phumma Joban chha hehma papkaam thammo tumah, chenrãngma ngako, Joban ma koheka roandông nyan pa thinnâng tongeka; ngale Joban pa thin Wa dâng phumma, thinma papkaam thammo tumah.