MATHIU 5:30 - NIEMNYAN Naga NT (BSI)

³⁰ Nedek dekchah pumma pap medangthuk hènko, thahdoak letma petphe en! chenrãngma ngako, nephoang phangtang papwendô nâng khâmritkat noma, dekka aho peba ajahthem asen edanga.

MATHIU 5:30 Iomraidhean Croise

MATHIU 11:6

Nganâng henma letûngmaang thangma dâlem ehanga, erehehma rangkepmin!”

MATHIU 13:21

Rohkomin erengin pa thinhung khennâng lulitlit lupmah, erohwah thin lekrõngmah. Erohwah, chenthu Joban jabkhab junma chêmchei ba mihma chêmthukko, thinma lemlienma ethinphea.

MATHIU 16:23

Jisu ma tokdi litphong lahma Piter nâng ngatwah, “joak! ngatâwah taangchhoan o nanga nga lemnâng tângbâng thukte, chenrãngma ngako nangma are thonghun ekopa Joban wah dangmah, mihnyan hei angem hungwah thonghun eko”

MATHIU 17:27

Rohkomin nãngma are mihnyan heh hungkethuk hunmih. Erohwah ngahnôan janphoan pa kepletma josiko noankat en. Nema khebâng thôan chohnôan eken ngah thunkâko ngunpha echoh en, ere ngunphapa ngarãngmin, ngale nekhu rãngmin rangsoamhum thãkho lânle thumroh edanga. Erepa kepletma nãngkhu anga ngarãng thumwên en.”

MATHIU 18:8

“Nedek ba neda ma ne putedâlem pa memah phethuk hènko, erepa thahdoak letma petphe en! nerãngma dektu datu dangletma khope choh peba, dek ada kaniinii thienletma chenthujô lemutthin papwendô nâng khâmrit rãng phekat noma asen edanga.

MATHIU 22:13

Erediko lowang pumma ate haaheh nâng ngatwah, ‘Ate dek ada heh khhek letma rangsâ wah rangnyek khenko petphekat en. Ereko ate pâchupkek lahma seplahma chentonga.’ ”

MATHIU 25:20

Hahjat bangâ kohtah haapa hûlahma atema chohbitah ahan hahjat bangâ pemin kohwah. Haa pumma ngatwah, ‘Tângte nangma hahjat bangâ kohthang.’ ‘Sûtan! phumma ngama ahan hahjat bangâ chohbila ekang.’

MATHIU 26:31

Erediko Jisu ma thinnâng ngatwah, “Thejâ rangpen nekhu phangtang huhchhoan letma ngalolo ephethienha, chenrãngma ngako Joban nyapraang nâng ngaeka, ‘Joban ma saaksoktepa eritphea, ngale saak chhangpa mâmâ phânchhoan ephan chhoan a.’

MATHIU 5:22

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MATHIU 5:29

Erohwah ne dekchahnge mitma pap medangthuk hènko, ne mitpa loatletma petphe en! chenrãngma ngako nephoang phangtang pap wendônâng khâmritkat noma, nephoang wah chupthe chhihjâ peba ajahthem asen edanga.

MAK MA RAANGWAH NGINKONGSEN 9:43

Erohwah, nedek pumma ne putedâlem pa memah phethuk hènko, thahdoakphe en, nerãngma dek kaniinii thienletma roantang roanjêng lemutthin pap wendô nâng khâmritkat noma, dektu dangletma ju khope chohpeba asen.

LUK MA RAANGWAH NGINKONGSEN 12:5

Henran cheimin a erepa ngama nenâng khesok a: Joban ren chei en, atenâng phoang ritphe dikomin, pap wendônâng phêkatrãng chaan tonga. Nganâng puteha, ate ran lolo jôba chei en!”

LUK MA RAANGWAH NGINKONGSEN 17:2

Are chentô noma arinthôan mihnyan hehwah wathe pap dângthuk noma ate bohko longdong khhek lahma josiko mejâtoakka akoba ate rãngma asen edanga.

ROMAN HEHNÂNG POLMA RAANGWAH SITI 9:33

ngale erejunma Joban nyapraangma ngaeka: “Sû en, Ngama Zion nâng longthien ekang, ere longko mihnyan heh dakho ethutrii a, ngale ere longjan pumma thin kôanritthuk erea. Rohkomin henhenma atenâng putedâlem eka erehehma rêsê lechohmin.”

1 KORINT 8:13

Erohwah, phhekchhah pumma putedâlemte pa pap medangthuk ako, ere putedâlemte pa pap ledang thukrãng, ngama chenthumin ngem phhektumek.

GALATIEN 5:11

Ngalemruchha heh, Ngarãng ma dangeka, Ngama khoankhen niem pa hôanmin jôba ngama mephoangthô angko, Nganâng athâng hehmin chenrãngma thamchêmsiet eha? Ere nginpa toangtang medang ako, Ngama Krista bãngphak junma phoangthô ekang ngin pumma chenjô chêmsiet mahhi.

1 PITER 2:8

Ngale Joban nyapraang thehân nângmin aroh ngaeka, “Are long pumma mihnyan heh dakho ethutthuk a, ngale are longjan pumma ekôanriithuk wak a.” Thinma jabkhab ko lepute dâlemdi dakho thutwak eka; erepa Joban ma ate hung junko thin khohnâng eroh chendanga ngama moeka.