MATHIU 5:29 - NIEMNYAN Naga NT (BSI)

²⁹ Erohwah ne dekchahnge mitma pap medangthuk hènko, ne mitpa loatletma petphe en! chenrãngma ngako nephoang phangtang pap wendônâng khâmritkat noma, nephoang wah chupthe chhihjâ peba ajahthem asen edanga.

MATHIU 5:29 Iomraidhean Croise

MATHIU 10:28

Phoang ritphete ran nekchei en, thinma ju taritphe mah; Ere noma phoang ngale ju wanniinii pap wendô nâng rokthhek lahma târitphete Joban ran chei en.

MATHIU 11:6

Nganâng henma letûngmaang thangma dâlem ehanga, erehehma rangkepmin!”

MATHIU 16:26

Nema rangkhen hahtok pa phangtang tachoh letma nedede roandôngpa memahphe enko nema chenni echoh ena?

MATHIU 17:27

Rohkomin nãngma are mihnyan heh hungkethuk hunmih. Erohwah ngahnôan janphoan pa kepletma josiko noankat en. Nema khebâng thôan chohnôan eken ngah thunkâko ngunpha echoh en, ere ngunphapa ngarãngmin, ngale nekhu rãngmin rangsoamhum thãkho lânle thumroh edanga. Erepa kepletma nãngkhu anga ngarãng thumwên en.”

MATHIU 19:12

Chenrãngma ngako mihnyan nâng mâmâ jat apat junko dihiak lekep thangma tôngte hongeka: wawathe pa achhat mejû lekepjat hongchha eka; wawathe pa mihnyan hehma dihiak lekepte dangthuk eka. Ngale wawathe pa rangkhethung Hahsông rãngma sênrãngma lekep thangma tongwak eka. Are niem pa chente ma takep eka erehehma chenkep a.”

MATHIU 23:15

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema jodong ranka danletma ngale chentô diak akan heh dan reletma ne dijunte rãng dangthuk eken; phumma chenthu ne dijunte rãng meta dangthuk tetko, nenoma dûmnii achhih dangthuk letma nerãngrãng pap wendôko khamrii kathuk eken!

MATHIU 23:33

Nea pû! Ngale pû chha jôba! Pap wendôko khâmrit minwah epe e ngama chenroh jienthonghun eken a?

MATHIU 5:22

Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MATHIU 5:30

Nedek dekchah pumma pap medangthuk hènko, thahdoak letma petphe en! chenrãngma ngako, nephoang phangtang papwendô nâng khâmritkat noma, dekka aho peba ajahthem asen edanga.

MAK MA RAANGWAH NGINKONGSEN 8:36

Nema rangkhen kowah chentô sêmmak heh phangtang nerãng takep letma ne roandôngpa memahphe enko, nema chenni echoh en a? chenjô chohmet!

LUK MA RAANGWAH NGINKONGSEN 12:5

Henran cheimin a erepa ngama nenâng khesok a: Joban ren chei en, atenâng phoang ritphe dikomin, pap wendônâng phêkatrãng chaan tonga. Nganâng puteha, ate ran lolo jôba chei en!”

ROMAN HEHNÂNG POLMA RAANGWAH SITI 6:6

Ngale nãngma ajet, nãng roandông apã pa Krista demnâng ate bãngphak ko lâjoh rittektah, erepa nãnghung wah papchaan pa chhihsiet rãng johrittek eka, erohwah nãnga paphaa dangtûmih.

ROMAN HEHNÂNG POLMA RAANGWAH SITI 8:13

Ne hei angem hung arinma chenroh huneka eroh medang enko, nea rit rêmin; rohkomin Ju junma ne phoangwah pap moatlempa meritphe enko, ne ehin en.

1 KORINT 9:27

Ngale mihheh toatloam mînrãng roolekma nga leta toatloam mîntu nekchen dangekang ngama ngaphoangpa tungbuhrii lekma chehsiet ekang.

GALATIEN 5:24

Ngale henhen Jisu Krista demnâng johdang eka erehehma mihnyan nyuchha hei angem jat apat, ngale atema huneka chentô heh ritphe rêmin.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).