MATHIU 5:22 - NIEMNYAN Naga NT (BSI)

²² Phumma athângheh ngama nenâng thôkoh eka: Henma komin ate pho anaa demnâng rin mekhah ako ate nângmin athe loatmin, ngale henhenma ate pho anaa nâng, ‘nanga chenrãngjô senmoh!’ ngaeka atemin ngoang awang heh tânâng metloatrãng siethokmin, ngale henhenma ate pho anaa nâng nanga aba mahto ngaeka, atemin papwen nâng khâmrit katmin.

MATHIU 5:22 Iomraidhean Croise

MATHIU 10:17

Jetletma dangen, chenrãngma ngako, nea khhek lahma metloat thinnâng siethok rãng mihnyan heh tonga, ngale Sanagog nâng siethû lahma ewat hèn.

MATHIU 10:28

Phoang ritphete ran nekchei en, thinma ju taritphe mah; Ere noma phoang ngale ju wanniinii pap wendô nâng rokthhek lahma târitphete Joban ran chei en.

MATHIU 12:24

Farasi hehma erepa tatlahma, thinma dânthâng wah, “Atema juchhih junlo ekapa thin pênte bilzibul ma Atenâng chaankoh lahma junlo eka.”

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

MATHIU 18:21

Erediko Piter Jisu tânâng kalahma thôngphâ wah, “Teso, nga pho anaa ma ngarãng pap metham depmo ako, ngama Atenâng depmeroan map kohmin a? Dep engit kohminne?”

MATHIU 18:35

Ngale Jisu ma jekthô wah, “Nememin nepho anaa hehnâng nehung khenma maplekoh kenko, rangkhethung wah tôngte nga Wa memin nenâng eroh ehôanhèn.”

MATHIU 23:15

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema jodong ranka danletma ngale chentô diak akan heh dan reletma ne dijunte rãng dangthuk eken; phumma chenthu ne dijunte rãng meta dangthuk tetko, nenoma dûmnii achhih dangthuk letma nerãngrãng pap wendôko khamrii kathuk eken!

MATHIU 23:33

Nea pû! Ngale pû chha jôba! Pap wendôko khâmrit minwah epe e ngama chenroh jienthonghun eken a?

MATHIU 25:41

“Erediko atema ate dekhit wah hehnâng enga a, ‘nga tâwah taangen, nea Joban wah achhih chohte! Joak le ate ngintatte hehrãng khoakhem kotah roantang roanjêng khâmthin wendôko ka en!

MATHIU 26:59

Soam aroakte adong ngale Jews khhepho phannang hehma Jisu jienritphe rãng atenâng athe chohloatrãng hunwakwah;

MATHIU 3:17

Ngale rangkhethung wah jabkhab hongjab katwah, “Arepa ngachha, ngama Atenâng nyahrãng hun ekang, Ate demnâng nga nyahrãng rinme ekang.”

MATHIU 5:34

Rohkomin athângheh ngama thôkoh eka: chenthumin toamsem letma kah nekkhetmîn en. Rangkhethung mîn chhehlet memin neksem en, chenrãngma ngako erepa Joban tôngthin;

MATHIU 5:44

Rohkomin athângheh ngama thôkoh eka; neranko hun en, ngale nechêmsiette rãngma rangsoam koh en,

MAK MA RAANGWAH NGINKONGSEN 14:55

Soam aroakte adong ngale Jews khhepho phannang hehma Jisu jienritphe rãng atenâng athe chohloat hunwah, rohkomin thinma chenjô athe chohlo ho.

MAK MA RAANGWAH NGINKONGSEN 15:1

Rangkhah rangkhoma soam aroakte adong heh khhepho phannang, Niemarang hethôte, ngale ngoang awang heh demnâng ngin pûnthômîn wah. Thinma Jisu janruma khhek lahma Pilat nâng siethok kohwah.

LUK MA RAANGWAH NGINKONGSEN 12:5

Henran cheimin a erepa ngama nenâng khesok a: Joban ren chei en, atenâng phoang ritphe dikomin, pap wendônâng phêkatrãng chaan tonga. Nganâng puteha, ate ran lolo jôba chei en!”

LUK MA RAANGWAH NGINKONGSEN 22:66

Eredijâ rangkhahko, khhepho phannang heh, soam aroakte adong heh, ngale Niemarang hethôte heh chohmînwah, ngale ngoang awang heh tâko Jisu siethokwah.

JON MA RAANGWAH NGINKONGSEN 11:47

Ephumma Farasi le Soam aroakte adong heh ngoang awang heh demnâng chohmîn lahma ngatwah, “Nãngma chenre ea? Are mihnyan pumma patritli moatlem moeka hehnâng thatsûtan en!

JON MA RAANGWAH NGINKONGSEN 15:25

Arepa metkep dângmin, erohkoba thin Niem nâng chenni raangtah a erepa toangtang edanga: ‘Thinma nganâng ledangli nâng chhihchoh ehang.’

JON MA RAANGWAH NGINKONGSEN 7:20

Mihnyan hehma dânthâng wah, “Nangnâng juchhih tongho erepumma nang ritphehun eho?”

JON MA RAANGWAH NGINKONGSEN 8:48

Thinma Jisu nâng ngatwah, “Nanga Samaritan jat ngale nangnâng juchhih lup eho. Nima arepa punnga ekile?”

MOATLEM 17:18

Ipikurien le Stonik hethôte hehmin ate demnâng chhiakmîn wah. Atenâng chhienwah, “Are aba pumma - chenni thôthiak thôeka?” Ahan hehma dânthâng wah, “Atema mihdiak Joban ngin thôkoh ehi.” Thinma are jab ekapa, Pol ma thinnâng Jisu ngale ate ritwah ngakhînwâng ngin heh thôkoh junko jabwah.

MOATLEM 22:30

Sahhabdong pumma Pol nâng Jews hehma chenni junko sekham eka ngama senthemthem jethun wah; erohwah adijâko atema Pol dekwah janru pa janphe lahma Soam aroakte adong ngale ngoan awang heh phangtang khôansiet wah. Erediko atema Pol siethû lahma thinmako chepthuk wah.

MOATLEM 23:1

Pol ma ngoang awang hehnâng thongsûkat lahma ngatwah, “Ngalemru Isrial mihnyan heh! Thejâ tôko ngahung sâpoangpoang danglekma Joban mathahko nyãn ekang.”

MOATLEM 24:20

Roh akole ngoang awang heh tâko chenni nâng thelekma khethanga erepa are mihnyan hehma chenthô tan a -

MOATLEM 4:15

Ephumma thinma ngoang awang heh khôanthin hum kowah loatchhoen rãng chienwah, erediko thindede tungko thômîn wah.

MOATLEM 5:21

Moattat chhoante hehma erengin pa keplahma rangkhah rangkhoma Rangsoamhum nâng wãng lahma mihnyan hehnâng hethô wah. Soam aroakte adongthôan le ate lemru heh roamlahma Jews khhepho phannang heh demnâng ngoangthun dong thunrãng roowah; erediko thinma phâtekwah khhektah moattat chhoante heh nitânâng sietwênrên ngama ngin matkat wah.

MOATLEM 5:27

Thinma moattat chhoante heh siethû lahma ngoang awang heh tâko chepthuk lahma Soam aroakte adongthôan pumma thinnâng ngin chhienwah.

MOATLEM 6:12

Eroh mothô thôwak lahma thinma mihnyan heh phangtang, erediko khhepho phannang heh, ngale Niemarang hethôte heh Stifen lelatnâng chepsietwah. Ephumma thinma Stifen lolahma ngoang awang heh tânâng siethokwah.

MOATLEM 6:15

Ngoang awang heh chhangwah tôngte chentôma thinmitpa Stifen nâng sokwênwah, ngale thinma Stifen thhenphãng pa rangkhethung wah Joban ngintatte heh thhenphãng rãngrãng khewênwah.

MOATLEM 7:37

Mosa ma Isrial mihnyan hehnâng ngatwah, ‘Joban ma nga chienchhoan ehang rãngrãng atema netânâng mõng echien katra, ngale atea ne mihnyan wahjô dângmin.’

ROMAN HEHNÂNG POLMA RAANGWAH SITI 12:10

Kristan rãngrãng wathema wathe nâng senthemthem hunmînmin, ngale wathema wathe nâng rancheimîn letma khesokmîn en.

1 KORINT 6:10

ngale ahuhte, chhahnyoak, khemmok chempa, mihphoang chhihthô, ahuh heh - arerãngrãng mihnyan hehma henmemin Joban Hahsông pa leta chohmin.

1 KORINT 6:6

Eroh ledang thangma, Kristan wathepa ahan Kristan wathe lelatnâng chenmîn letma Joban nâng lepute dâlemte mihnyan hehnâng phenthôthuk eken!

1 THISALONIKA 4:6

Erediko, nelemru Kristan ahan hehrãng memin nekchhih mokoh en, ngale nekdiapchhah en. Are nginpa nima amakomin thôkotah, ngale ademin thethô koheka, henhenma ererãngrãng kaamchhih moeka ereheh nâng Joban ma metkep chêmsietmin.

TITAS 3:2

Ngale hen lelat nângjô nginchhih heh lephoang jab ajarãng thôkoh, rohkomin anga nga demnâng mêmoma lemruchha rãngrãng tuta chendangwak a, ngale roantangma anga nganâng numnene danglahma chenkhesokwak a.

HIBRU 12:25

Erohwah jetletma dangen, ngale ere hôngjabte ngin letat nekdangen. Henhenma rangkhethung wah Joban ngin are hahtokkhoh ko thôkohte heh nginlekep dangeka ere mihnyan heh henmin leta pemin. Eroh medang ako, nãngma rangkhethung ma hahtokkhoh ko jabkatte ngin lekep medang eko chenroh jienpemin a!

HIBRU 5:9

Chenthu atea chentô noma asenthôan dângthuk phumma, ate ngin kepte chentô mihnyan hehnâng atema roantang roanjêng khope pa koheka,

JEMS 2:20

Nea aba! Nenâng moatlem aho thangma putedâlem pa sekhota ngama khesok hun eken a?

JEMS 3:6

Ngale theli pemin wen rãngrãng jôba. Chentô hahtokkhoh kowah achhih heh theli nâng tongeka, ngale atema nãng phoangko tonglahma nãngphoang phangtang chhihsiet eka. Theli pumma nãngphoang phangtang wennâng thhek eka, ngale theli pumma ere wenpa papwen wah choh eka.

1 PITER 2:23

Chenthu mihnyan hehma atenâng dûmmek poatko, atema thinnâng jabkhab chhih ma ngakdân jabho; Chenthu atema chêmchoh poatko, atema ran ngakchâho, rohkomin atema toangtangma rênte Joban nâng lolo dâlem wah.

1 PITER 3:9

Nerãngma kaamchhih moatkohte hehrãng nema kaamchhih nekngak mokoh en, ngale nenâng têm athoakte hehnâng nekngak tem athoak en; erenoma, Joban ma thinnâng chenchohsûa ngama rangsoam koh en, chenrãngma ngako, Joban ma nenâng rangkoh a ngama toamsem lahma nekhu roowah.

1 JON 2:9

Phumma nãngma nia wenphiak nâng tongeki ngalihma, nãngpho anaa hehnâng mechhihchoh eko, nãnga athâng hehmin rangnyek khennâng jôba tongeki.

1 JON 3:10

Are junko nãngma henpa Joban chha a, ngale henpa Joakchha a erepa sâpoangpoang jienta jetloeki: henhen pa kaamsen lemote a ngale mihnyan hannâng lehuntea ereheh Joban Chha dangmah.

1 JON 5:16

Chenjô komin nepho anaa ma pap molahma lâkhetet, phumma atema pap moeka pa ate ritli ledang medang ako, nema Joban nâng rangsoam koh en, eko Joban ma ere mihnyanko roandông ekoh a. Arepa thinma moeka pappa rittô ledang moatte hehrãng ngaeka. Rohkomin ritli papmin tonga, phumma Ngama ere lânriiroh papkaam moatte hehrãng Joban nâng rangsoam koh en ngat dangmah.

JUD MA RAANGWAH SITI 1:9

Arerãngrãng rangkhethung wah Joban ngintatte hehwah adongthôan Mikel metômin momah. Chenthu Mikel Juchhih heh demnâng Mosa phoang henma chohmin a ngama nyenmîn tahko, Mikel ma Juchhih nâng thãjô jabkhab ma ngaho, atema “Teso ma chenjet hèn!” ngama loloba ngatwah.

LOATKHESOK 20:14

Erediko arit ngale rit amah heh wennâng phekatwah. (Are wenpa depnii thêrit pa.)