MATHIU 5:18 - NIEMNYAN Naga NT (BSI)

¹⁸ Thonghun en rangle hah chentô lektong eka, eretôko Niemarang nyapraang kowah phathemin ngale phatû chhamin lemahmin - chentôpa toangtang madang dangkako lemahmin.

MATHIU 5:18 Iomraidhean Croise

MATHIU 10:15

Ngama nenâng linlin thôkoh eka, Joban ma metloat rangwo jâko erehah kowah mihnyan hehnâng mînchen noma Sodom ngale Gomora wah mihnyan hehnâng ba ajah emînchèn a!

MATHIU 10:23

Chenthu thinma hahdaang wantheko mechêmsiet hènko, hahdaang ahan wantheko danchhoan en. Ngama linlin thôkoh eka, Mihnyan Chha ngakkat mako Isrial hahdaang kowah nemoatlem pa chenthumin leta thôanmin.

MATHIU 10:42

Erediko henma komin, ngadijunte dângthã, ngadijunte hehwah arinthôan wathe nâng jokih koapthe mejokthuk ako, ere thãpa atema metkep chohmin.”

MATHIU 11:11

Ngama nenâng nginlinlin thôkoh eka, Jon baptis noma adong mihnyan nyuchha mahongchha eka. Rohkomin henpa rangkhethung wah hahsôngko arinthôan dangeka arepa Jon noma dong.

MATHIU 13:17

Ngama nenâng nginlinlin thôkoh eka, ajahthem mõngama hehma ngale toangtang mihnyan hehmemin, nema chenni khe eken a, erepa khehun eka, rohkomin thinma chohkhe mah, ngale nema chenni tat eken a, erepa chohtat huneka, rohkomin thinma chohtatmah.

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 17:20

Jisu ma dânthâng wah, “Nenâng putedâlem pa ajah aho dângkowah nema letajunlo reken” “Ngama nenâng nginlinlin thôkoh eka, nenâng jokangken dôngtô putedâlem metong hènko, nema are hahkong komin, ‘arekowah ireko kao!’ ngama tanga en, eko are hahkong pa eka a. Nema chenmin tamo en!”

MATHIU 18:18

“Ngale ngama nekhu anga nganâng thôkoh eka: Nekhuma are hahtokkhoh ko chenpa lemothin moatlem a erepa rangkhethung nângmin lemomin, ngale nekhuma are hahtokkhoh ko chenpa moeken a arepa rangkhethung nângmin moatmin.

MATHIU 18:3

ngale atema ngatwah, “Ngama nenâng nginlinlin thôkoh eka, nemin hung arin litletma are letachha rãngrãng ledang kenko, rangkhethung Hahsông thenâng chenthumin leta chohwãngmin.

MATHIU 19:23

Erediko Jisu ma ate dijunte hehnâng ngatwah, “Ngama nenâng nginlinlin thôkoh eka: Techhu hehrãngma rangkhethung Hahsông thenâng wângpa nyahrãng alat.

MATHIU 19:28

Jisu ma thinnâng ngatwah, “Ngama nenâng nginlinlin thôkoh eka, chenthu roannyan pa mehong tahko, Mihnyan Chhapa ate tôngthin phiakko etonga, ngale ngadijunte nekhu echhi wanii pa, ngademko johtong letma echhi jatnii Isrial mihnyan heh pênmin.

MATHIU 21:21

Jisu ma dânthâng wah, “Ngama nenâng nginlinlin thôkoh eka, nememin meputedâlem enko, ngama are phukbãngpa chenroh jienchoaksiet ekanga ererãngrãng nememin tamo en. Atô lolo ledang, nema are hahkong komin, ‘josi ko rutjâkao’ ngama tanga en, eko hahkõngpa erutjâka a.

MATHIU 21:31

Are chhepho wanii kowah henma thinwa ngin kepeka?” “Khhepho chha pumma,” ngama thinma dânthâng wah. Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.”

MATHIU 23:36

Ngama nenâng nginlinlin thôkoh eka: Ere mihnyan heh ritphethã chêmchei pa arerôan wah mihnyan heh khohnâng ehûra!

MATHIU 24:2

“Edenga,” ngama atema ngatwah, “nema are heh sênmõang khe eken. Ngama nenâng arepa thôkoh eka: long phangthemin ate theko letongtumin; phangtang runjâ erea.”

MATHIU 24:47

Ngama nenâng nginlinlin thôkoh eka, ere haapa tângtewa pumma ate chhahkhem heh phangtang sokare rãng ethien a.

MATHIU 25:12

Nemnyanwa pumma ‘lupwãng thukmah, ngama ne jetmah’ ngama dânthâng wah.”

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 25:45

Ephumma Lowang pumma edânthanga, ‘Ngama nenâng thôkoh eka, chenthu nema arinthôan wathe nâng lenyoak chohsû dangtet a, arepa nganâng lenyoak chohsû dangeha.’

MATHIU 5:26

Ngama thôkoh eka, nema chêngpa phangtang mata tathum eretheko etongen.

MATHIU 6:16

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah.

MATHIU 6:2

“Erohwah chenthu nema tangchhih hehnâng chenni komin mechohsû enko, ahuhkhoanglep hehma rangsoamhum ngale noknyu lemdong hehnâng phoang khesok lahma moat rãngrãng rângthôrii letma nekmo en. Thinma arepa mihhehma rângthô chenrehi ngama moeka. Ngama linlin thôkoh eka, thinma chohthinpa phangtang râchohtah.

MATHIU 8:10

Chenthu Jisu ma erepa chohtatko, ate bârit rewah, erediko Jisu ma ate diwah junkhôamte hehnâng ngatwah, “ngama linlin thôkoh eka, Isrial diak khenko are mihnyan rãngrãng dâlemsen machohkhe ekang.

MAK MA RAANGWAH NGINKONGSEN 10:15

Ngama linlin thôkoh eka, henhenma Joban Hahsôngpa are letachha heh rãngrãng danglahma lekep dangeka, ereheh chenthumin rangkhethung nâng leta wãngmin.”

MAK MA RAANGWAH NGINKONGSEN 10:29

Jisu ma thinnâng ngatwah, “Danga,” “Ngale ngama nenâng linlin thôkoh eka, nekhu henhenma mâmâ humte tangkâ, pho anya, nyong awa, chhuchha, pit ajo heh ngarãng ngale Nginkongsen rãngma thinphe thien eken a,

MAK MA RAANGWAH NGINKONGSEN 11:23

Ngama nenâng linlin thôkoh eka, henma komin ate hungnâng letûngmaang thangma are hahkongko nangdede josiko rutjâkao, ngama chien lahma atema jab ekapa metkep edanga, ngama meputedâlem ako, erepa metkep erutjâa.

MAK MA RAANGWAH NGINKONGSEN 12:43

Phumma Jisu ma ate dijunte heh khôanroo lahma thinnâng ngatwah, “Ngama linlinthôkoh eka, are tangchhih janthoinyu pumma Joban chohse ngun bâkoatko chentô noma ajahthôan sek eka.

MAK MA RAANGWAH NGINKONGSEN 13:30

Thonghun en, are chentôpa athângwah ahînte mihnyan heh phangtang târitmako edanga.

MAK MA RAANGWAH NGINKONGSEN 14:18

Thin-khu khoangko tonglahma phhekchhah chhah thuko, Jisu ma ngatwah, “Ngama nenâng thôkoh eka, nekhuwah wathema nga echen esengha - nga demwah roam chhahte pumma echen eseng hang.”

MAK MA RAANGWAH NGINKONGSEN 14:25

Ngama nenâng thôkoh eka, Ewa Hahsông theko nedemnâng angurti anyan maroam roamjokko, ngama arepa lethejok tumin”.

MAK MA RAANGWAH NGINKONGSEN 14:30

Jisu ma piter nâng ngatwah, “Ngama nangnâng thôkoh eki, thejâ rangpen wo khapnii wênmako, nangma nga jetmahhang ngama ditrem enga hang.”

MAK MA RAANGWAH NGINKONGSEN 14:9

Ngama nenâng nginlinlin thôkoh eka, rangkhenko chenriang nângmin are nginkongsen pa phoangthô eka, ereko atema chenni moeka erepemin ate thônghunrãng thômin.”

MAK MA RAANGWAH NGINKONGSEN 3:28

“Ngama nenâng linlin thôkoh eka, mihnyan nâng ate pap heh phangtang map tâkohmin, ngale atema chentô jabchhih jabkhah jabtah hehmin map tâkohmin.

MAK MA RAANGWAH NGINKONGSEN 6:11

Ne letangroote ba ne ngin lekepte heh hahdaang nâng mehûkhoam enko, erethe kowah loatchhoan re en, ngale neda wah bum khep eka pemin finekthien re en. Erepa thinnâng achhih ngama ngat ranchâ thiakpa edanga!”

MAK MA RAANGWAH NGINKONGSEN 8:12

Phumma Jisu ma khòreksiet rãngrãng rowa lahma ngatwah, “Chenrãngma arerôan wah mihnyan hehma patritli moatlem khehun eka? ngama nenâng thôkoh eka! arerãngrãng patritli moatlempa are mihnyan hehnâng lekhesokmin!”

MAK MA RAANGWAH NGINKONGSEN 9:1

Ngale eredikomin atema ngatwah, “Ngama nenâng linlin thôkoh eka, aretheko chepte khuthe Joban Hahsông pa chaan demnâng kalahma makhe kheko leriite tongen.”

MAK MA RAANGWAH NGINKONGSEN 9:41

Ngama linlin thôkoh eka, henma akomin ngadijunte dângthã nenâng jowah koapthe mejokthuk hènko atema erethãpa metkep echoh a.

LUK MA RAANGWAH NGINKONGSEN 11:51

Abel bengrit phetah pumma danglahma, joapsoapthin chaam ngale Asâthôan the tungko Zakaria ritphetah thãpa. Ngama, nenâng thôkoh eka, arerôan wah mihnyan hehnâng chêmchoh thukmin!

LUK MA RAANGWAH NGINKONGSEN 12:37

Chenthu tângtewa pa ngakhokko lejuplek thangma bemtongla lahma khehû eka haaheh chentô khuhah dângmin a! Ngama nenâng thôkoh eka, tângtewa pumma ate khetpa putphe lahma, ate haaheh tongthuk lahma, thinnâng enget a.

LUK MA RAANGWAH NGINKONGSEN 13:35

Ngale erohwah nema ne Rangsoamhum pa mahto nâng erãphe en. Ngama nenâng linlin thôkoh eka, nema ‘Teso mînko katteko Joban ma rangkoh eka ngama ngat sanpoat mahûhû erako nema nga lechoh khetumin.’ ”

LUK MA RAANGWAH NGINKONGSEN 16:17

Rohkomin Joban jabkhabwah mitchhuptô wanthe mahjâ noma rangle hah ba eta mahjâa.

LUK MA RAANGWAH NGINKONGSEN 18:17

Arepa thonghuntan en! Henhenma Joban Hahsông pa are naachha heh hung arin rãngrãng danglahma lekep dangeka ereheh chenthumin Joban Hahsông theko leta chohwãngmin.”

LUK MA RAANGWAH NGINKONGSEN 18:29

Jisu ma thinnâng ngatwah, “Ngama nenâng thôkoh eka, henma komin Joban Hahsông rãngma ate humte tangkâ, ate tangnyu, pho anaa, nyong awa, ba chhuchha, heh phethien eka

LUK MA RAANGWAH NGINKONGSEN 23:43

Jisu ma atenâng ngatwah, “Ngama nangnâng toamsem eki, thejâ phumma nanga nga demnâng rangkhethung nâng tôngmin.”

LUK MA RAANGWAH NGINKONGSEN 4:24

Jisu ma thinnâng ngatwah, Ngama nenâng arepa thôkoh eka,” “Mõng hehnâng thinnok ahah wah hehma putedâlem mah.

JON MA RAANGWAH NGINKONGSEN 1:51

Ngale atema thinnâng ngatwah, “Ngama nenâng toangtang ngin thôkoh eka: Nema rangkhethung pa laang lahma ekhe en, ngale Mihnyan Chha khohko rangwah Joban ngintatte heh awângte akatte ditkhoam lahma ekhe en.”

JON MA RAANGWAH NGINKONGSEN 10:1

Jisu ma ngatwah, “Ngama toangtang thôkoh eka: Hen komin Saak heh tânâng kâsek pumma ledang lemhânma mekohûako, erepa ahuhte.

JON MA RAANGWAH NGINKONGSEN 10:7

Ephumma Jisu ma wîenthe ngatwah, “Ngama toangtang thôkoh eka: Nga a saak hehrãngma kâsek.

JON MA RAANGWAH NGINKONGSEN 12:24

Ngama toangtang thôkoh eka: chhahpha pa hahko wênkat lahma leriikako phathelolo jôba dângmin. Erepa meriiako jôba, erekowah chhahpha ahan ajah ehonga.

JON MA RAANGWAH NGINKONGSEN 13:16

Ngama toangtang thôkoh eka: haaheh henjô ate tângtewa noma adong dangmah, ngale ngintat chhoante heh henmin ngintat chiente noma adong dangmah.

JON MA RAANGWAH NGINKONGSEN 13:38

Jisu ma dânthâng wah, “Nanga linlin ngarãng ritmin tariioa? Ngama toangtang thôkoh eki: wowên mako nangma nga jetmah hang ngama ditrem engao.

JON MA RAANGWAH NGINKONGSEN 14:12

Ngama toangtang thôkoh eka: henhenma nganâng putedâlem ehanga erehehma ngama chenni moatlem moekanga ereheh emowak a, ngale erenoma moatlem dongmin eta mowak a, chenrãngma ngako Nga a Wa tânâng wãngekang.

JON MA RAANGWAH NGINKONGSEN 16:20

Ngama toangtang thôkoh eka: Nea sep ajoang ere en, rohkomin hahtokkhoh pa khuhah nâhah edanga; nea hungchhih rekmah edangen, rohkomin ne hungchhih rekmah dang ekenpa khuhah nâhahrãng elitjâa.

JON MA RAANGWAH NGINKONGSEN 16:23

“Chenthu ere rangwo pa mehû theko, nema nga ngewah chenmin letha tumin. Ngama toangtang thôkoh eka: Nema Ngamînko chenni komin Wa ngewah metha enko atema nenâng ekohhèn.

JON MA RAANGWAH NGINKONGSEN 21:18

Ngama toangtang thôkoh eka: Chenthu nea roandông lochaan poatko, nedede hungsiko chennâng chhoan hun eken a ereko rângchhoan en; phumma chenthu ne teka phannang medang tetko, nema nedek pa loatsiet ere en, ngale mihhanma khhek lahma chenko ne chhoan lehunthe a eretheko esiet chhoanhèn.”

JON MA RAANGWAH NGINKONGSEN 3:11

Ngama nangnâng toangtang thôkoh eki: Nima chenni jet ekia erepa thôeki, ngale chenni khe ekia erepa jôba thôeki, rohkomin nekhuma henmemin ni nginko putemet.

JON MA RAANGWAH NGINKONGSEN 3:3

Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 3:5

Jisu ma dânthâng wah, “Ngama nangnâng toangtang thôkoh eki” “Henmin jo ngale Juma lechha kako Joban Hahsông thenâng leta wãngmin.

JON MA RAANGWAH NGINKONGSEN 5:19

Ephumma thinnâng Jisu ma dânthâng wah, “Ngama nenâng toangtang thôkoh eka: Chhama ate dedema chennimin tamomah; Ate Wama chenni molahma kheka erepaba moeka. Wama chenni moeka erepa Chha memin moeka.

JON MA RAANGWAH NGINKONGSEN 6:26

Jisu ma dânthâng wah, “Ngama nenâng toangtang thôkoh eka: Nema bankên phoatphoat chohphhek junko nga lemsû eha, ngama patritli moatlem motekpa jetloat junkolêm dangmahha.

JON MA RAANGWAH NGINKONGSEN 6:32

Jisu ma ngatwah, “Ngama toangtang thôkoh eka,” “Mosa ma chenni kohthen a erepa rangkhethung wah phhekchhah dangmah; Ewa meba rangkhethung wah phhekchhah linlinpa nenâng koh ehèn.

JON MA RAANGWAH NGINKONGSEN 6:47

Ngama toangtang thôkoh eka: henhenma putedâlem eka ereheh nâng roantang roanjêng lethôan roandông tonga.

JON MA RAANGWAH NGINKONGSEN 6:53

Jisu ma thinnâng ngatwah, “Ngama tongtang thôkoh eka: Nema Mihnyan Chha phoang kowah lephhek kenko, ngale ate hei lejok kenko, nededema roandông leta chohmin.

JON MA RAANGWAH NGINKONGSEN 8:34

Jisu ma thinnâng ngatwah, “Ngama nenâng toangtang thôkoh eka: Henhenma pap moeka ereheh paphaa.

JON MA RAANGWAH NGINKONGSEN 8:51

Ngama nenâng toangtang thôkoh eka: Henhenma nga nginkep eka ereheh chenthumin leriimin.”

JON MA RAANGWAH NGINKONGSEN 8:58

Jisu ma dânthâng wah, “Ngama toangtang thôkoh eka, Abraham mako ‘NGA’ dângwah.”

1 PITER 1:25

rohkomin Teso jabkhab pa roantang roanjêng lechhihmin.” Are jabkhab pa nenâng thôkohthen Nginkongsen pa.

LOATKHESOK 20:11

Erediko Ngama tôngthin po dôngmõang ngale ere tôngthinko tôngtepa khewah. Hahkho ngale rangkhopa ate tâkowah huhchhoan lahma lechoh khetu mahchhoan wah.