MATHIU 5:16 - NIEMNYAN Naga NT (BSI)

¹⁶ Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.

MATHIU 5:16 Iomraidhean Croise

MATHIU 23:5

Thinma chentô moatlem pa mihnyan hehma chenkhehi ngama hunlahma moeka. Thin khowah khhek eka khet ngale thin phhekthem wah khhek eka khet hehnâng sûtan en, Joban nyapraang pa raanglahma khhek eka, sûtan en chentôdông khhek eka, ngale thin khetsa wah sitkhhek eka riisa heh chentôloat thien eka!

MATHIU 23:9

Ngale nekhuma are hahtokkhoh ko hennâng min ‘Wa’ ngama leroomin, chenrãngma ngako nekhu rãngma wathe loloba ‘Wa’ rangkhethung nâng tonga.

MATHIU 5:45

Eroh koba rangkhethung wah tôngte ne Wa Joban Chharãng eta dangen. Chenrãngma ngako, Atema sanpa mihnyan chhih mihnyansen chentô nâng khoakthe sahthukrãng hôaneka, ngale rangpat pa kaamchhih moatte le kaamsen moatte waniinii rãng hôaneka.

MATHIU 6:16

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah.

MATHIU 6:9

Nema, rangsoampa, aroh soamen: ‘Rangkhethung wah nikhu Wa: Nangmîn pa Asâthôan;

MATHIU 9:8

Mihnyan hehma erepa khelahma chei rewah, ngale mihnyan nâng atô chaan kohdi Joban nâng dangkoh a, ngatwak wah.

LUK MA RAANGWAH NGINKONGSEN 11:2

Jisu ma thinnâng ngatwah, “Ne rangsoamko, aroh soam en: ‘Wa: Nangmîn Asâthôan pa toaksân e; Nang Hahsông karoo.

JON MA RAANGWAH NGINKONGSEN 15:8

Ngawa mîndông pa nema penri ajah rijunko ekhesok a; ngale erohkoba nemin ngadijunte eta dangen.

MOATLEM 9:36

Jopa nâng dihiaknyu wathe ate mînpa Tabitha ngama dângwah, ngale atemin putedâlemte dângwah. (Griik jabma ate mînpa Dorkas dângwah, are ngaeka pa “khehhe ngaeka.”) Atema roantangma moatlemsen moatwah ngale tangchhih hehnâng chîchohsok wah.

1 KORINT 14:25

thinma huhthonghun eka hehmin eloatthôa, ngale thinma Joban nâng, “Linlinjô Joban pa areko nãngmongko tonga!” ngama ngalahma, thinpap hehrãngma map thalahma khupjup nungma Joban nâng esoamwak a.

2 KORINT 9:13

Ngale nema are achohsok moatlem moeken junko, erediko nema Krista nginkongsen pa senthemthem kepletma thôeken junko, ngale nea chhahme dangletma thin demnâng ngale anga nga demnâng phenphen sensen kep eken juko ajahthem mihnyan hehma Joban nâng dangkoh a engawak a.

GALATIEN 1:24

Ngale ngajunma thinma Joban nâng rôwah.

IFISIEN 2:10

Nãng chenroh dangekia erepa Joban ma hôanehi, ngale atema nãngmin Jisu Krista demko moatlemsen heh moatrãng hôanehi, ere moatlem heh nãngma moatrãng atema lâkhoakhem kohthi.

IFISIEN 5:8

Nekhu dedemin rangnyek khenâng dângwah, rohkomin nekhua Teso mihnyan rãng dâng phumma, nea wenphiak nâng lâdang tutet. Erohwah nekhumin wenphiak nâng sôngtôngte mihnyan rãngrãng dangletma songtongen,

1 THISALONIKA 2:12

Nima nehung dongsiet eka, ngale senthuk eka, ngale neroandôngko Joban rinmeli dangletma songtongen ngama rosep eka, chenrãngma ngako, Joban ma ate Hahsông theko ate mîndôngko johroamrãng nekhu nâng rooehèn.

1 TIMOTHI 2:10

rohkomin, moatlemsen molahma, Joban nâng soam atôte dihiaknyu rãngrãng chendangwak a.

1 TIMOTHI 5:10

ngale atea moatlemsen moatte dihiaknyu ngama mînwînte dângmin: ate chhuchha heh senthemthem dôngkhêmte, ngale ate humnâng mihwun heh tãngroo lahma jekthuk hunte, Kristan hehrãngma numnene danglahma chohsokte, chêmcheite mihnyan hehnâng chohsokte, ngale atea roantangma moatlemsen moatte dângmin.

1 TIMOTHI 5:25

Ererãngrãngjô kaamsen pemin senthemthem khe eki, ngale chenchen pa senthemthem lechohkhe dangeka erehehmin tahuh tongmah.

1 TIMOTHI 6:18

Moatlem sen moatrãngma thôkoh, moatlemsen ngenâng techhu rãngrãng chendangwak a, erediko chhahme ngale mihhan heh demnâng phenphen sensen chenkep wak a.

TITAS 2:14

Nãngkhu rongrup achhih ngewah pepângrãng ate roandôngpa ate dedema kohwah, ngale ate rãngma nãngkhua mihnyansâ dangthuk ehi, ngale roantangma moatlemsen moathunte mihnyan rãng hôanehi.

TITAS 2:7

Nang dedema chentô nâng jatsen patsen danglohma khesok o. Ngale nangma nyahrãng hung arin kohlohma senthemthem hethôo.

TITAS 3:14

Nãng mihnyan hehma sanpoat roakweih moatlemsen molihma tôngmin, erohkoba nãngma chenni lem ekia ere chentôpa etachohkep e; thinma chenjô lemo thangma nekchen tongeka.

TITAS 3:4

Phumma chenthu Joban nãng Pângte ma mînchen ngale hun achet pa hôngdiko,

HIBRU 10:24

Erohwah wathema wathe nâng thonghunmîn e, ngale wathema wathe nâng chohsûmîn re e, erediko hun achet khesokmîn lihma asenli moe.

1 PITER 2:12

Joban lejette heh mathahko ne jat apat heh sênmõang dangen, erohkoba chenthu thinma nenâng kaamchhih moeken ngama mesekham hènko, nema kaamsen moeken heh thinma chenkhe hèn, ngale erohkoba thinma Joban ngakkatjâ Rangwo ko atenâng erôa.

1 PITER 2:9

Rohkomin nekhua arênwah mihnyan nyuchha, ngale Lowang rãngrãng soam aroakte, Asâthôan mihnyan nyuchha, Joban mihnyan linlin, ngale Joban ma patritli moeka heh phoangthô kohrãng ren ehèn, ngale atema rangnyek khenwah atedede patritli wenphiak ko loatsietkat ehèn.

1 PITER 3:1

Ererãngrãng tangnyu hehmin ne tangwa nginngin ko dangen, erohkoba henma akomin Joban jabkhab ko leputedâlem medang ako, ne jatsen patsen pa khelahma eputedâlem a. Nema jabkhab mejô chêmngatthin dangmah.

1 PITER 3:16

rohkomin ere thôngphâte hehnâng numnene ngale senthemthem danthangen. Ngale nehung nerin sâpoangpoang thien en, erohkoba nea Krista dijunte dângdi ne jatsen patsen pa thinma mechhihthô hènko, thinma chenni jab ajaeka erethã rêsê erewak a.

1 PITER 4:11

Henhenma ngin phoangthô eka ereheh memin Joban nginkongsen pa chenphoang thôa; ngale mihnâng chohsokte hehmemin Joban ma kohthen chaan junma chohsû en, eroh medang enkoba Jisu Krista junma chentô ngema Joban mîn edonga, chenrãngma ngako, ate jôba mîndông chohte ngale roantang roangjêng rãng chaan ahang demnâng tongeka. Amen.

1 PITER 4:14

Nea Krista dijunte dângdi mihhehma mechhihchoh hènko nema rang ekepen; ngale Joban Ju, mîndongthôan Jupa nekhoh nâng tongka ehèn.