MATHIU 5:12 - NIEMNYAN Naga NT (BSI)

¹² Khuhah nâhah dangen, chenrãngma ngako rangkhethung nâng nerãngma nyahrãng hînhô dong thienko lahma tonga. Erohjôba nemawah Mõng dangtah hehmin chêmthuk wah.

MATHIU 5:12 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 6:16

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah.

LUK MA RAANGWAH NGINKONGSEN 13:34

“Jeroselem, Jeroselem! nema mõngama heh ritphe re eken, ngale Joban ma ate nginmatte netânâng chienkat era hehnâng longma ritpetre eken! Chenroh wonyong ma ate chha heh ate rangkhenko rângwok arãngrãng, ngama nemin ngadek khenko khôansiet rãng chentô thathuntek a, rohkomin nema nganâng eroh khoansietthuk mahha!

LUK MA RAANGWAH NGINKONGSEN 6:23

Chenthu eroh mechhihchoh hènko, rinroan bahsa dangen ngale khuhah nâhah boangen, chenrãngma ngako rangkhethung nâng nerãngma nyahrãng khopedong thienko lahma tonga. Thin te awa hehmemin mõng hehnâng erohjô hôanjôanwah.

LUK MA RAANGWAH NGINKONGSEN 6:35

Eroh dangmah! Neran hehnâng hun en ngale thinrãng kaamsen mokoh en; ngakchohrãng ledâlem thangma nêmthuk en. Eroh koba nema rangdong ekepen, ngale nea nyahrãng achoangthôan wah Joban chha eta dangen. Chenrãngma ngako atea dangkoh a ngama lengate heh demnâng min asen ngale mihnyan chhih heh demnâng min asen.

MOATLEM 16:25

Rangpen mongtangko Pol le Silas niima rangsoam nungma Joban nâng rangsoamsê selahma dângwah, ngale thindemwah khhekritte ahan hehma atenii nâng jetat lahma dângwah.

MOATLEM 5:41

Moattat chhoante heh ngoang awang heh tâwah khuhah nâhah chhoan wah, chenrãngma ngako, Joban ma thin a Jisu rãngma rêsê tathangte rãng rêndi khuhah wah.

ROMAN HEHNÂNG POLMA RAANGWAH SITI 5:3

Nãngkhuma nãng chêmchei hehmin rângthôe chengrãngma ngako nãngma ajet chêmchei junko atâdo re eki,

1 KORINT 3:8

Bãngkhiette ngale bãngko jo kohte nii mãnthe; Joban ma henma chenroh motah a eroh waniinii nâng ekoh ehi.

2 KORINT 4:17

Ngale nãngma athâng wah amãnchha sanpoat rãng chemchoh eki pumma, athâng wah chemchoh ko tâthakli ledangdông roantang roanjang rãng khuhah ekep hûkohhi.

FILIPIEN 1:29

Chenrãngma ngako, nekhu nâng Krista nâng soamtô thuk ehènpa, Krista nâng putedâlem lolo dangmah, ate rãngma chêmchei min chohmin.

FILIPIEN 2:17

Ne putedâlem junko ne roandôngpa Joban nâng koh eken demko, Nga roandông hei pemin joapsoap rãng rangtêmmin kohwah rãngrãng nedemnâng ejoh danga. Eroh medang ako, Nga rin eroan ang ngale erepa nekhu anga nga demnâng ejohroan a.

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

KOLOSIEN 3:24

Thonghun en Teso ma ate mihnyan hehrãng thienkohtah heh nenâng ekohhèn. Chenrãngma ngako, alinlin Tângte Krista pa nema khoakhem eken.

1 THISALONIKA 2:15

Thinma Teso Jisu Krista ngale mõng hehmin ritphe wah, ngale nãngmin chêmthuk ehi. Thin demnâng Joban hungsenmah! ngale thin a chentô mihnyan heh lelatnâng achhih dangeka!

HIBRU 10:34

Nema phâtek nâng khhekritte mihnyan hehnângmin mînchen letma chohsûtet, ngale chenthu ne chhahkhem heh nyenthenko, hung leke dangtet, chenrãngma ngako, nema roantang roangjêng rãng lechhihli, ngale newah nyenthen chhahkhem noma abâmbâm asenli chenni komin choheki ngama jet eken.

HIBRU 11:26

Atema Igip wah chentô chhahkhem le ngun akem heh noma Misaia rãng chêmchoh peba asen ngama hunwah, chenrãngma ngako, atema khedi wah rangkep pa adong thônghun wah.

HIBRU 11:33

Putedâlem junma thinma diaktang demnâng ranloatmîn lahma jienwah. Thinma chenpa toangtanga erepa molahma Joban ma toamsem tahpa chohwah. Thinma Sahdong hinhoo thunkâmin tâtâng hepwah,

HIBRU 11:6

Henmemin putedâlem aho thangma Joban rin leta methukmin, chenrãngma ngako, henhen Joban tânâng hûeka erehehma Joban pa tonga, ngale ate lêmte hehnâng Joban ma thã kohmin ngama putedâlem min.

JEMS 1:2

Ngalemruchha heh, chenthu nekhoh nâng chentô chêmchei heh mehûrako nea khuhah nâhah dangen,

JEMS 5:10

Ngalemruchha heh, Teso mînko jabte mõng hehnâng thatthong hun tan en. Thin chenroh hung arin môngmông dangtah a, ngale chêmchei heh chenroh tadô tah a, ereheh nâng thatsû letma nemin thin rãngrãng dangen.

1 PITER 4:13

Erenoma nema Krista demnâng atema chêmchoh tahko johchêm ekang ngama thonghun letma rinroan en, erohkoba chenthu Krista mîndong lahma hôngkat jâko nemin nyahrãng khuhah nâhah edangen.