MATHIU 4:24 - NIEMNYAN Naga NT (BSI)

²⁴ Ate nginpa Siria diak phangtangma chohtat wah, ephumma mihnyan hehma jatrup khoanchette, khunte: juchhih lupte mihnyan heh, wobuh, kôasôte heh - ate tânâng siethû kolahma atema mesietwah.

MATHIU 4:24 Iomraidhean Croise

MATHIU 12:22

Erediko mihnyan khuthema Jisu tânâng juchhih luplahma mitdoak ngale lejienjab mihnyan siethok wah. Jisu ma ere mihnyan pa sênsietwah, erediko atema jienjab wah ngale jienkhe wah.

MATHIU 14:1

Ere sanpoatko Galili pênte Hirot ma Jisu ngin chohtat wah.

MATHIU 15:22

Ere diaknâng sôngte Kananet dihiaknyu ate tânâng hûlahma raksepwah, “Devit Chha!” “nganâng mammînchen hang! echha dihiaknya sekko juchhih lupeka, phumma nyahrãng cheili chêmeka.”

MATHIU 17:15

ngale atema ngatwah, “Teso, ngachha ko mammînchen mêngo! atea wobuhte ngale cheili loangrii lahma roantangma wen ngale jonâng chijârii eka.

MATHIU 17:18

Jisu ma juchhih ko chhoanrãng chien phumma naa sekkowah loatchhoan wah, phumma ere sanpoatko naa pa sênwah.

MATHIU 4:23

Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 8:28

Chenthu Jisu josi ranka wah Gadara diaknâng hokko, enângwah mihnyan wanii mangruk kenwah loatwãng lahma chohmîn wah. Ere mihnyan waniiko juchhih luplahma nyahrãng cheili dângwah, ngale erelem pumma henjô lechin dankhoam dângwah.

MATHIU 8:33

Wak heh sok arête mihnyan heh huhchhoan lahma hahdaang nâng wângwah, erediko thinma nginpa phangtang loatthôkoh wah, ngale juchhih lupte mihnyan heh nginpa thôkoh rewah.

MATHIU 8:6

Atema ngatwah, “Teso, ngahaa pa kôasô ma cheili chêmlahma jupthinko tonga.”

MATHIU 9:26

Are nginpa erediak phangtang nâng khêmtatwah.

MATHIU 9:35

Jisu chentô diak ajaa ngale hahdaang rupnâng phoangkhôam wah, atema Joban Hahsông nginkongsen pa chentô Sanagog hehnâng phôangthôkoh wah, ngale jatrup khoanchet, khun atamte hehmin sênsietwah.

MAK MA RAANGWAH NGINKONGSEN 1:28

Ngale Galilijaa chentô nâng Jisu nginpa lemlienma chohtat wah.

MAK MA RAANGWAH NGINKONGSEN 1:32

Sannyupdi rangjâthahko, mihnyan hehma Jisu tâko chentô khun atamte ngale juchhih lupte heh siethokwah.

MAK MA RAANGWAH NGINKONGSEN 2:3

Wabelii mihnyan ma Jisu tânâng kôasôte delawa wathe pehok wah.

MAK MA RAANGWAH NGINKONGSEN 2:4

Mihnyan heh jahmõang dâng phumma, kôasôte pa Jisu tânâng humkhen nâng lejien sietwên dângwah. Ephumma thinma Jisu tongeka punko supkho rapdoak wah. Chenthu thinma suptok khopa rapdoak diko, kôasôte mihnyan pa ate hemko jupthuk lahma waangphe katwah.

MAK MA RAANGWAH NGINKONGSEN 2:9

Are kôasôte mihnyanko, ‘nangpap heh map lâkohtih ngatpa chenjô latmah dangmahne,’ ngale, ‘Toanchep o, nang hempa toanpeo, ngale khoam o, ngamemin tanga ang’?

LUK MA RAANGWAH NGINKONGSEN 2:2

Chenthu khebângrãng mihnyan heh khoroakweih poatko, Kurinas pa Siria diakko Govono dângwah.

LUK MA RAANGWAH NGINKONGSEN 4:14

Erediko Jisu Galili nâng ngakkatwah, ngale Asâthôanju chaanpa ate demko dângwah. Ate nginpa erekowah diaktang nâng khêmtatwah.

LUK MA RAANGWAH NGINKONGSEN 4:38

Jisu Sanagog wah loatchhoan lahma Simon humnâng wângwah. Simon tangnyu nyongpa nyahrãng chaankhun lahma dângwah, ngale thinma Jisu nâng ate ngin pa thôkoh wah.

LUK MA RAANGWAH NGINKONGSEN 5:15

Rohkomin Jisu nginpa mihnyan hehma ajah jahba tatwah, ngale jahmõang mihnyan heh Jisu wah nginpa jetat erediko khoanchet hehwah sênrãng ngama hokwah.

LUK MA RAANGWAH NGINKONGSEN 5:24

Mihnyan Chha nâng are hahtokkhoh ko pap map kohrãng chaanwin, ngama nenâng ekhesok a.” Ephumma atema kôasôte mihwako ngatwah, “Ngama nangnâng chien eki, toanchep lohma nang jupthin pelohma humnâng wãngo!”

LUK MA RAANGWAH NGINKONGSEN 7:17

Are Jisu nginpa diaktangma khêmtatwah, ngale ere kêanâ wah diak akan hehmemin chohtatwah.

JON MA RAANGWAH NGINKONGSEN 10:21

Rohkomin khaka hehma ngatwah, “Juchhih lupte mihnyan ma arerãngrãng jienjabmah! Juchhih ma mihnyan mitdoak pa chenroh jiensensiet koh a?”

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 15:23

ngale are sitipa raang lahma thinnâng matkatwah: “Ni, moattat chhoante ngale khhepho phannang heh, ngale nekhu pho anaa hehma Antiok nâng, Syria, ngale Kilikia wah Jews ledangte hehnâng salem matkat eka.

MOATLEM 15:41

Atea Siria ngale Kilikia ngenâng katwah, ngale enângwah Asâthem hehnâng chohsok katwah.

MOATLEM 28:9

Chenthu erepa sen phumma, jotungwah hah wah ahan khunte chentôpa hûlahma mesiet wah.

MOATLEM 8:7

Ajahthem mihnyan wah juchhih min chaanmõang raksep lahma loatchhoan wah, ngale ajahthem kôasô khoanchette ngale dakò hehmin sênwah.