MATHIU 4:23 - NIEMNYAN Naga NT (BSI)

²³ Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 4:23 Iomraidhean Croise

MATHIU 11:5

Mitdoak ma jienkhe eka, dakò heh jienkhoam, angêm khoanchet ma chêmte heh sen rewak eka nâba hehma tat, ritte heh ngakhinsiet, ngale Joban nginkongsen pa tangchhih naadi hehma chohtat reka.

MATHIU 12:9

Jisu erethe kowah loatchhoan lahma Sanagog nâng wângwah,

MATHIU 13:19

Hen akomin rangkhethung Hahsông nginpa chohtat lahma lejetlo dangeka, ere mihnyan heh lemkông nâng chatjâte chhah rãngrãng. Juchhih hûlahma thinhung nâng Joban ngin wêntah heh nyen chhoan eka.

MATHIU 13:54

ngale ate songtah hahdaangko ngakhok wah. Atema Sanagog nâng hûlahma hethô wah, ngale ate ngin chohtatte heh bârit rewakwah. Thinma thôngphâ wah, “Atema are ngin ariat pa chenko wah chohjet eka?” “ngale are patritli moatlem heh chenroh jienmo eka?

MATHIU 14:14

Jisu khôankho kowah loatkhôam ko, mihnyan heh jahmõang chohkhe wah, phumma thinnâng atema nyahrãng mînchen wah, ngale khun atamte heh atema mesiet wakwah.

MATHIU 24:14

Ngale are rangkhethung Hahsông Nginkongsen pa hahtokkhoh phangtang nâng chentô mihnyan nyuchha nâng phoangthôkoh mêngmin; erediko athôan sanpoat pa ehûra.

MATHIU 3:2

Atema ngatwah, “Nepap hehwah hungngaklit en,” “chenrãngma ngako, rangkhethung Hahsông pa lânam hûtha!”

MATHIU 9:35

Jisu chentô diak ajaa ngale hahdaang rupnâng phoangkhôam wah, atema Joban Hahsông nginkongsen pa chentô Sanagog hehnâng phôangthôkoh wah, ngale jatrup khoanchet, khun atamte hehmin sênsietwah.

MAK MA RAANGWAH NGINKONGSEN 1:14

Jon pa phâtek nâng sekdiko, Galili nâng Jisu kalahma Joban wah Nginkongsen pa phoangthô katwah.

MAK MA RAANGWAH NGINKONGSEN 1:21

Jisu le ate dijunte heh Kaparnam hahnâng hokwah, ngale eredijâ wah Pientông jâko Sanagog nâng hûlahma hethô wah.

MAK MA RAANGWAH NGINKONGSEN 1:39

Ephumma Galilijaa phangtang nâng phoangkhoam lahma Sanagog hehnâng Joban ngin phoangthô kohwah, ngale juchhih hehmin junloat kohwah.

MAK MA RAANGWAH NGINKONGSEN 3:10

Atema jahmõang mihnyan khoanchet mesietwah, ngale khoanchette mihnyan heh atenâng sahloatrãng khema nâng thinmîn wângwah.

MAK MA RAANGWAH NGINKONGSEN 6:2

Phumma Pientông jâko Jisu ma thinnâng hethô wah. Ereko jahmõang mihnyan dângwah; ngale chenthu thinma ate ngin chohtatko, phangtang bârit rewah. Thinma ngatwah, “Atema areheh chenwah chohjet eka?” “Henma are buthi mongthem heh atenâng kohlahma areheh jeteka?” ngale are patritli heh chenroh jienmo eka?

MAK MA RAANGWAH NGINKONGSEN 6:6

Ate nyahrãng patritwah, chenrãngma ngako, mihnyan hehnâng putedâlem hothangma dângwah. Erediko erethe tûm arien wah hahdaang hehnâng Jisu phoangkhoam lahma Joban ngin phoang hethô wah.

LUK MA RAANGWAH NGINKONGSEN 10:9

ere sumhah kowah khoanchette heh sensiet re en, ngale erekowah mihnyan hehnâng, ‘Joban Hahsông pa netânâng lânam hutha’ ngama thôkoh en.

LUK MA RAANGWAH NGINKONGSEN 13:10

Pientông jâko Jisu ma Sanagog nâng hethô lahma dângwah.

LUK MA RAANGWAH NGINKONGSEN 16:16

“Mosa Niemarang le Mõng hehma raangwah heh Jon baptis sanpoat tôko lolo mihnyan hehma kepwah; phumma chenthu Joban Hahsông Nginkongsen pa hongthô phumma chentô mihnyan heh Joban Hahsông Nginkongsen lemkhôko anga nga jienhokrãng latriieka.

LUK MA RAANGWAH NGINKONGSEN 20:1

Jâthenâng Jisu ma Rangsoamhum nâng mihnyan hehnâng hethô ngale Joban wah nginkongsen pa thôkoh rewah, phumma ere sanpoatko Soam aroakte adong ngale Niemarang hethôte erediko khhepho phannang heh hûlahma

LUK MA RAANGWAH NGINKONGSEN 4:14

Erediko Jisu Galili nâng ngakkatwah, ngale Asâthôanju chaanpa ate demko dângwah. Ate nginpa erekowah diaktang nâng khêmtatwah.

LUK MA RAANGWAH NGINKONGSEN 5:17

Jâthenâng Jisu ma hethô poatko, Galilijaa chentôwah, Judia, ngale Jeroselem wah hûlahma Farasi ngale Niemarang hethôte heh tônghokwah. Ngale Jisu nâng khoanchette heh mesietrãng Teso wah chaanpa kohwah.

LUK MA RAANGWAH NGINKONGSEN 6:17

Jisu hahhokho wah ate moattat chhoante heh demko jâkhoam kalahma, hahthungko jahmõang ate dijunte heh demko chepkatwah. Judia diak phangtangwah, Jeroselem, ngale Tair le Sidon diakwah jokêm nâng sôngte mihnyan heh eretheko jahmõang dângwah;

LUK MA RAANGWAH NGINKONGSEN 6:6

Erediko wah Pientông jâko Jisu Sanagog nâng wãng lahma hethô wah. Eko mihwa wathe ate dekchah ngepa kolahma dângwah.

LUK MA RAANGWAH NGINKONGSEN 7:21

Ere sanpoat poatko Jisu ma jahmõang khun atamte, lihân khoanchette, ngale juchhih lupte mihnyan heh sênsietwah, ngale mitdoak hehnângmin khethukwah.

LUK MA RAANGWAH NGINKONGSEN 7:22

Atema Jon wah nginmatte hehnâng dânthâng wah, “Ngakwãng letma Jon nâng nema chenni khetet a ngale tattet a ereheh thôkoh en: Mitdoak hehma jienkhe reka, dakò heh jienkhoam reka, angêm khoanchette heh sen reka, nâba hehma tateka, ritte heh ngakhin reka, ngale tangchhih naadi hehnâng Joban Nginkongsen pa phoangthôkoh reka.

LUK MA RAANGWAH NGINKONGSEN 8:1

Ere poatthe diko Jisu ma Joban Hahsông Nginkongsen pa phoangthô lahma sumhah ngale hahdaang hehnâng phoangkhoam wah. Dijunte echhi wanii pemin ate demnâng johchhoan wah,

LUK MA RAANGWAH NGINKONGSEN 9:11

Chenthu mihnyan hehma erepa leptat phumma thinmin Jisu diko junchhoan wah. Ngale Jisu ma tãngroo lahma thinnâng Joban Hahsông nginpa thôkoh wah, ngale henhenma khoanchetsên huneka ereheh mesiet rewah.

LUK MA RAANGWAH NGINKONGSEN 9:60

Jisu ma dânthâng wah, “mangpa mang rôande chenrumîn a. Nangma chhoan lohma Joban Hahsông nginpa phoangthô chhoan o.”

JON MA RAANGWAH NGINKONGSEN 18:20

Jisu ma dânthâng wah, “Ngama roantangma mihnyan heh nâtatko chentô nâng thôkotek; Ngama chentôpa mihnyan heh anga nga roamkhôan thin Sanagog ngale Rangsoamhum nâng hethô wah. Ngama chenthumin ngale chennimin huhchhama thôho.

JON MA RAANGWAH NGINKONGSEN 6:59

Jisu ma arepa Kaparnam wah Sanagog ko hethô nungma ngatwah.

JON MA RAANGWAH NGINKONGSEN 7:1

Arediko Jisu Galilijaa nâng phoangkhôam wah; atema Judia ngenâng wângpa lehun dângwah, chenrãngma ngako Jews heh thôte jabte hehma ate ritphe rãng hunwah.

MOATLEM 10:38

Nema Nazarat wah Jisu pa ejet en ngale Joban ma atenâng Asâthôanju ngale chaan chenroh kohtah a erepemin jet en. Atema chentô nâng phoangchhoan lahma asenli heh moatwah, ngale chentô juchhihma loeka heh sensiet rewah, chenrãngma ngako Joban pa ate demnâng dângwah.

MOATLEM 18:4

Pientôngjâ roakweih atema Sanagog nâng chîthômîn hokwah, ngale Jews le Griik heh phangtang Joban putedâlemte rãng dângthuk hunwah.

MOATLEM 20:25

“Ngama Joban Hahsông Nginkongsen pa phoangthô lekma nekhu demnâng dângwah. Ngale ade phumma ngama jet ekang nekhu henmemin nga lechoh khetumin.

MOATLEM 28:31

Atema Joban Hahsông ngin ngale Teso Jisu Krista nginpa, lechei thangma ngale lesoang thangma phoang hethô wah.

ROMAN HEHNÂNG POLMA RAANGWAH SITI 10:15

Ngale nginpa chenroh jienphoang thôkohmin a nginmatte pa lechienchhoan medang ako? Joban nyapraangma ngaeka, “Nginkongsen keplahma nãngnâng thôkoh rãng nginmatte hokpa chentôsên a!”