MATHIU 3:2 - NIEMNYAN Naga NT (BSI)

² Atema ngatwah, “Nepap hehwah hungngaklit en,” “chenrãngma ngako, rangkhethung Hahsông pa lânam hûtha!”

MATHIU 3:2 Iomraidhean Croise

MATHIU 10:7

Chhoan letma thôchhoankoh en, ‘Rangkhethung Hahsông pa lânam katha!’

MATHIU 11:20

Jisu ma ajahthem patritli moatlem motah hahdaang hehwah mihnyan heh thin papwah hung lengaklit dâng phumma, Jisu ma ere hahdaang hehnâng ritngat wah.

MATHIU 12:41

Metloat rangwo jâko, Ninivi wah mihnyan heh ne mathahko toanchep lahma nenâng achhih engahèn, chenrãngma ngako Jona ma Joban nginthô tatlahma thinpap wah hungngaklit wah; ngale ngama nenâng thôkoh eka, Jona noma ajahthem adongpa thejâ ako tonga!

MATHIU 13:11

Jisu ma dânthâng wah, “rangkhethung Hahsông nginpa thinnâng ledang nenâng jetthuk rãng kepekãng.

MATHIU 13:24

Jisu ma thinnâng ahan nginthakthô min thôkoh wah: “Rangkhethung Hahsông pa arerãngrãng. Mihwa pumma ate pitko chhahli lisen wênkat eka.

MATHIU 13:31

Jisu ma thinnâng eredikomin ahan nginthakthô thôkoh wah: “Rangkhethung Hahsông pa arerãngrãng. Mihnyan wathema jokangken keplahma ate pitnâng wênkat eka.

MATHIU 13:33

Jisu ma eredikomin thinnâng ahan nginthakthô thôkoh wah: “Rangkhethung Hahsông pa arerãngrãng. Dihiaknyu wathema wichhi pa toak roakbelii pheban demko sakmîn lahma pheban pa phangtang mabiet bietja thien eka rãngrãng.”

MATHIU 13:47

“Rangkhethung Hahsông pa arerãngrãng min dângmin. Ngahloatte mihnyan pumma ate chaakpa josiko hatkat lahma jatrup ngah loeka.

MATHIU 13:52

Ephumma atema thinnâng dânthâng wah, “Are ngaeka pa chentô, niemarang hethôte hehma rangkhethung Hahsông dijunte rãng dangwak eka, erepa hum tângte wama ate pum wah chhahkhem anyan ngale apã aroamma loatsiet rãngrãng dangeka.”

MATHIU 18:23

Chenrãngma ngako, rangkhethung Hahsông pa arerãngrãng. Rekthenâng lowang wathema ate haaheh demnâng thãpê phênsietmîn rãng phungwah.

MATHIU 20:1

“Rangkhethung Hahsông pa arerãngrãng. Rekthenâng rangkhah rangkhoma wathe mihnyan ate angurthong moatrãng dekbi bite lemchhoan eka.

MATHIU 22:2

“Rangkhethung Hahsông pa arerãngrãng. Rekthenâng lowang wathema ate chharãng nemnyansiet kuhhôan khoakhêm wah.

MATHIU 23:13

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mihnyan hehrãngma rangkhethung Hahsông lempa tangsekkoh eken, ngale nededemin ereko wãngmet, erediko eretheko wânghunte hehmin nema wãngthukmet!

MATHIU 25:1

“Ere sanpoatko rangkhethung Hahsông pa arerãngrãng dângmin. Rekthenâng janchhô waechhi ma thin wentit semlahma nemnyanwa chohmînrãng chhoan wakwah.

MATHIU 25:14

“Ere sanpoatko rangkhethung Hahsông pa arerãngrãng dângmin. Rekthenâng mihnyan wathema ate hum phethien lahma hahtaang nâng chhoanwah; phumma ate haaheh roolahma ate chhahkhem heh sokare thukthien wah.

MATHIU 4:17

Ere sanpoat pumma Jisu ma Joban nginkong bengphoang thôwah: “Ne papwah hunglit en, chenrãngma ngako rangkhethung Hahsông pa lânam hûtha!”

MATHIU 4:23

Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 5:10

Joban ma chenni huneka ere moatlem moatjunko mihnyan hehma chêmthuk eka heh rangkepte dângmin; Rangkhethung Hahsông pa thinrãng!

MATHIU 5:3

“Ju rãngma numrii lahma sekmah patritte mihnyan heh rangkepte dângmin; Rangkhethung Hahsông pa thinthiak!

MATHIU 6:10

Nang Hahsông karo; Rangkhethung wah rãngrãng hahkho komin Nanghung junko chendanga.

MATHIU 6:33

Ere noma khebeng thôanko Joban Hahsông pa benglem mêngen, ngale atema newah hun ehèn moatlem heh momêngen, erediko nema lemeken chentôpa atema ekohhèn.

MAK MA RAANGWAH NGINKONGSEN 1:15

Atema ngatwah, “Sanpoat pa lâthângtah,” “ngale Joban Hahsông pa lânam hutha! nepapwah hungngaklit letma Nginkongsen ko putedâlem en!”

MAK MA RAANGWAH NGINKONGSEN 1:4

Jon baptis sehahkho nâng hong lahma baptijem phoangkoh wah ngale Joban nginpa phoangthôkoh rewah. “Ne papwah hungngaklit letma baptijem kepen,” ngama atema mihnyan hehnâng thôkoh wah, erohkoba “Joban ma nepap heh map ekohhèn.”

MAK MA RAANGWAH NGINKONGSEN 6:12

Ephumma thin chhoan lahma mihnyan hehnâng thin papwah hunglit rãng Joban nginpa phoangthô kohwah.

LUK MA RAANGWAH NGINKONGSEN 1:16

ngale atema ajahthem Isrial mihnyan heh Teso Joban tânâng engaksiet hûa.

LUK MA RAANGWAH NGINKONGSEN 11:20

Eroh dangmah, ngama Joban chaan junma juchhih junlo ekang, ngale erejunko netânâng Joban Hahsông pa lâkatha ngama khesok ehèn.

LUK MA RAANGWAH NGINKONGSEN 13:3

Erohwah ritphe dangmah! Ngale ngama nenâng thôkoh eka, nemin nepap wah hung lengaklit kenko erohjô eriien.

LUK MA RAANGWAH NGINKONGSEN 13:5

Eroh dangmah! Ngale ngama nenâng thôkoh eka, nemin nepapwah hung lengaklit kenko erohjô eriien.”

LUK MA RAANGWAH NGINKONGSEN 15:10

Ererãngrãng, Ngama nenâng thôkoh eka, wathe papi mihnyan hungngak litko rangkhethung wah Joban ngintatte heh khuhah eka.”

LUK MA RAANGWAH NGINKONGSEN 15:7

Ererãngrãng, Ngama nenâng thôkoh eka, roak ekhu waekhu hung lelitte mihnyan heh noma papi mihnyan wathe hungmelit ako rangkhethung nâng ajah khuhah nâhah dangeka.

LUK MA RAANGWAH NGINKONGSEN 16:30

Techhuwa pumma dânthâng wah, ‘Ewa Abraham! erepumma lolo thôkoh pa lemah, Hen komin ritwah ngaksat lahma thinnâng lethôkoh kako thinpap wah hung lelitmin.’

LUK MA RAANGWAH NGINKONGSEN 21:31

Ererãngrãngjô, chenthu nema areheh danglahma mekhetet ko, nema Joban Hahsông pa lânam hûtha ngama ejet en.

LUK MA RAANGWAH NGINKONGSEN 24:47

ngale ate mînko, Jeroselem hahma bângthun lahma chentô diak akan hehnâng papmoatlem wah hungngaklit ngin ngale pap heh mapkoh ngin phoangthô kohmin.

LUK MA RAANGWAH NGINKONGSEN 6:20

Jisu ma ate dijunte hehnâng sûlahma ngatwah, “Rangkepte pa tangchhih heh dângmin; Joban Hahsông pa nethiak!

LUK MA RAANGWAH NGINKONGSEN 9:2

Erediko atema Joban Hahsông nginpa phoangthô ngale khoanchette min mesiet en ngama chienchhoan wah,

MOATLEM 11:18

Chenthu thinma are nginpa tatphumma, chhiakmîn pa jeklahma Joban nâng rôwakwah, “Eroh medang ako Jews ledangte hehnângmin Joban ma hunglitthuk lahma roandông koheka!”

MOATLEM 17:30

Khemako mihnyan hehma Joban lejet sanpoat wahpa Joban ma lâlien sûtah, rohkomin ade phumma chentô thewah mihnyan hehnâng thin kaamchhih hehwah hungngaklit rãng chieneka.

MOATLEM 2:38

Piter ma thinnâng ngatwah, “Nekhu phangtang mâmâ papmoatlem heh thinphe letma Jisu Krista mînko baptijem kepen, erohkoba nepap heh map tâchohmin; ngale erediko nema Joban wah Asâthôanju hînhô echoh en.

MOATLEM 20:21

Jews le Jews ledangte hehnâng khoakthema nepap moatlem wah jekletma Joban tânâng ngakhûren ngale Teso Jisu nâng putedâlem en ngama thôkotah.

MOATLEM 26:20

Ngama khebengko Damaskas nâng, ngale Jeroselem erediko Judia diaktang wah Jews ledangte hehnâng, Ngama thinpap wah hungngaklit letma Joban tânâng ngakhû ren, ngale papwah hung littih ngama kheli moatlem mo en ngama phoangthôkoh ekang.

MOATLEM 3:19

Erohwah hunglit letma Joban tânâng ngakhûren, erohkoba atema nepap heh map ekohhèn. Nema eroh memo enko,

2 KORINT 7:10

Chenrãng-ma ngako Joban ma huneka junko hung mechhih eko nãnghung pa asen ngenâng engaklitsiet hi, ngale eroh hunglit junko jôba khope eki - ngale ererãngma hungkê thin dangmah! Rohkomin mihnyan nyuchha hei angem hung arin junko hung mechhih eko rit rêmin.

KOLOSIEN 1:13

Atema rangnyek chaan kowah pepâng lahma atema nyahrãng ahun ate Chha Hahsông theko senthemthem sietwên ehi,

2 TIMOTHI 2:25

ngale ate lelatnâng dângte heh numnene danglahma pûnsiette dângmin, chenrãngma ngako, thinmin Joban ma hunglitthuk lahma toangtangko engakhu wak ra.

HIBRU 6:1

Erohwah, nãngma khebeng thuwah Kristan nginkong chohtattih ngin heh thâmthômîn pa jeklihma Jisu Krista ngin asenli heh ajahjah jetrãng thonghun e. Ngale nãngma kaamchhih moatwah jeklihma Joban nâng putedâlem min;

2 PITER 3:9

Wanwanthe ma thonghun eka rãngrãng, atema moatrãng toamsem tah pa Teso ma lemoma lekthien dangmah. Erenoma, ate hungpa nedemnâng môngsiet lahma tongeka, chenrãngma ngako atema henjô chhihsiet hunmah, anga nga papwah hunglit lahma chenngak hûra ngama huneka.

LOATKHESOK 2:21

Ngama atenâng ate pap wah hung ngaklitrãng sanpoat kohtek, rohkomin atema kaamchhih moatwah jekpa hunmah.

LOATKHESOK 2:5

Thatthong hun tan en, nea chentô taangnâng mejârii chhoan en a! Nepap hehwah hungngaklit letma khemako chenroh motet a ererãngrãng mo en. Rohkomin nepap hehwah hung lengaklit thangma medang enko, Nga netânâng kalekma ne wentit toakthin heh erethe kowah ngaktôan chhoan ere ang.