MATHIU 3:11 - NIEMNYAN Naga NT (BSI)

¹¹ Ngama joma hunglit rãng baptijem koheka, rohkomin ngadiko nganoma bâmbâm adong wathe ekara; nga a ate dapheng sêmkoh rãngjô punmek. Atema Asâthôanju ngale Wenma baptijem ekohhèn.

MATHIU 3:11 Iomraidhean Croise

MATHIU 3:6

Mihnyan hehma thinma chentô pap motah heh loatthô rewah, ngale Jon ma thinnâng Jodan joko baptijem kohwah.

MAK MA RAANGWAH NGINKONGSEN 1:4

Jon baptis sehahkho nâng hong lahma baptijem phoangkoh wah ngale Joban nginpa phoangthôkoh rewah. “Ne papwah hungngaklit letma baptijem kepen,” ngama atema mihnyan hehnâng thôkoh wah, erohkoba “Joban ma nepap heh map ekohhèn.”

LUK MA RAANGWAH NGINKONGSEN 1:17

Atea Teso mako ekala a, ngale atea Ilija mõng rãngrãng chaanwin edanga. Atema wa achha heh ethe ngakroapsiet a; ngale ngin lekepte mihnyan heh toangtang lemkhôko engak thonghun thuk a; ngale atema mihnyan heh Teso rãngma khoakhem lahma ethienkoh a.”

LUK MA RAANGWAH NGINKONGSEN 3:16

Ephumma Jon ma thinnâng ngatwah, “Ngama Joma baptijem koheka, rohkomin nganoma abâmbâm adongpa ekara. Nga ate daphâng putkohrãng memin punmek. Atema Asâthôanju ngale wenma baptijem ekohhèn.

LUK MA RAANGWAH NGINKONGSEN 3:3

Ephumma Jon ma Jordan jokemwah chentô diak hehnâng Joban ngin phoangthô kohwah, “Ne papwah hungngaklit letma baptijem kepen, ngale erohkoba Joban ma nepap heh map ekohhèn.”

JON MA RAANGWAH NGINKONGSEN 1:15

Jon ma ate junma jabwah. Atema ngatwah, “Ngama ngatekpa ate junma ngatwah, ‘Atea ngadiko ekara, rohkomin atea nga noma adong, chenrãngma ngako ngachhat mama ate dângwah.’ ”

JON MA RAANGWAH NGINKONGSEN 1:30

Ngama ngatekpa ate junma ngatwah, ‘Ngadiko wathe ekara, rohkomin atea nganoma adong, chenrãngma ngako atea ngachhat mama dângwah.’

MOATLEM 1:5

Jon ma joma baptijem kohwah, phumma jâthe jânii diko nenâng Asâthôanju ma baptijem kohmin.”

MOATLEM 19:4

Pol ma thinnâng ngatwah, “Jon baptijem pa papi mihnyan heh thinpap moatlem wah hung lângaklittih ngama khesokrãng kep eka; ngale atema Isrial mihnyan hehnâng ngadi kowah kaerako putedâlem en ngama thôkoh wah - erepa Jisu nâng putedâlem en ngama thôkoh eka.”

MOATLEM 8:36

Atenii lemko katjenjenko, jo roanche tônglâwah, phumma sahhabwa pumma ngatwah, “Are theko jo roanche tonga. Ngama baptijem keppa chennima tâtângmin a?”

MOATLEM 8:38

Sahhabwa pumma mokgari pa chepthuk wah, ngale Filip le sahhabnii joko jâkhoam kalahma atenâng Filip ma baptijem kohwah.

1 KORINT 12:13

Ererãngrãng, nãngkhu anga ngamin, Jews dangkolih, Jews ledangte heh dangkolih, mihhu mihhaa dangkolah, ngale mihhu mihhaa ledangte dangkolah, mãnthe Ju pumma wanthe phoang mînko baptijem kohehi, ngale nãngkhu anga nganâng Ju wanthejo kowah jokthuk ehi.

IFISIEN 3:8

Chentô Joban mihnyan khuchhang wah rinthôan nomemin nga jôba rinthôan; rohkomin Jews ledangte hehnâng leta thôanli Krista Nginkongsen pa thôchhoan kohrãng nganâng koh ehang,

TITAS 3:5

atema nãngkhu pêpângwah. Rohkomin erepa nãngkhu dedema chenni akomin kaamsenmoat junko dangmah, erepa atedede ngewah mînchenchaan junma pepâng ehi, ngale Asâthôanju junma nãngkhu sâsiet lahma anyan rãng ngakchhathuk lahma roandông nyan kohehi.

1 PITER 5:5

Ererãngrãng leta lechhih hehmin ne khhepho phannang heh khenko thin nginkepkep dangen. Ngale wathema wathe nâng jienchohsok mînrãng nekhu anga nga numnene tuta dangen; chenrãngma ngako Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dangte mihnyan hehnângba senchoh eka.”