MATHIU 27:54 - NIEMNYAN Naga NT (BSI)

⁵⁴ Chenthu Jisu bemte Sipâhi sahhab ngale ate demwah sipâhi hehma hahtii ngale ere sanpoat kowah chentô dangtah heh khelahma chei rewakwah, ngale thinma, “Linlinjo atea Joban Chha dângwah!” ngama ngatwah.

MATHIU 27:54 Iomraidhean Croise

MATHIU 26:63

Rohkomin Jisu kihchepchep tôngwah. Eredikomin soam aroakte adong pumma atenâng ngatwah, “Ahinte Joban mînko toamsem lekma nangnâng ngaeki: Ninâng thôkohhi, nanga Joban Chha Misaia ne.”

MATHIU 27:36

Erediko thinma eretheko tonglahma bemwah.

MATHIU 27:40

“Nangma Rangsoamhum pa chhihsiet lohma jârem khenko tangak hoan ang ngatohni! Joban Chha medang oko nangdede pepângriio! ngale bãngphak khokowah jâkhoam katanrõ!”

MATHIU 27:43

Atema Joban nâng tok anaa lahma atedede Joban Chha ngarii eka. Thatsu tan e, athângheh Joban ma ate pepâng chenhun ale!”

MATHIU 27:51

Jisu ritdiko Rangsoamhum wah khet tintahpa rangkhoh pumma daphang tôko khanii korãng khâjâwah. Erediko hahtii, longjan heh chhupjâ rewah,

MATHIU 4:3

Ephumma Jisu tânâng juchhih pa hûlahma ngatwah, “Nanga Joban Chha medang oko, are longheh nâng phhekchhah rãng litjârãng chien o.”

MATHIU 8:5

Chenthu Jisu Kaparnam hahnâng hokko, Roman sipâhi sahhab chohmînhû lahma Jisu nâng chohsok rãng roatsep wah:

MAK MA RAANGWAH NGINKONGSEN 15:39

Bãngphak mathah ngekowah cheplahma dangtah Sipâhi sahhab pumma Jisu chenroh riitah a erepa khewah. “Are mihnyan pa linlinjô Joban Chha dângwah!” ngama atema ngatwah.

LUK MA RAANGWAH NGINKONGSEN 22:70

Thin phangtangma ngatwah, “Eroh medang oko nanga Joban Chhane?” Atema danthâng, “Nema Joban Chha ngama lâpun ngatha.”

JON MA RAANGWAH NGINKONGSEN 19:7

Mihnyan hehma ngakdânthâng wah, “Ninâng niem tonghi, ngale ere niem junko ate ritphe rêmin, chenrãngma ngako, atema Joban Chha ngariieka.”

MOATLEM 10:1

Kasaria nâng mihnyan wathe ate mînpa Kornilas dângwah, atea, “Itali Regimen,” ngaeka Roman sipâhi heh kepten dângwah.

MOATLEM 2:37

Chenthu mihnyan hehma arepa tatphumma, thinhung nâng nyahrãng keklahma Piter le moattat chhoante hehnâng ngatwah, “Pho anaa heh nima chenni rêmin a?”

MOATLEM 21:32

Lemlienma sipâhi sahhabdong pumma ate lemru sahhab khuthe ngale sipâhi sietlahma mihnyan heh tânâng katwah. Chenthu mihnyan hehma sahhabdong pa ate sipâhi demnâng khe phumma Pol nâng watpa jekwah.

MOATLEM 23:17

Erediko Pol ma sipâhi sahhab wathe roolahma atenâng ngatwah, “Are paangmih pa sahhab dongthôan tâko sietwênkoh; atema chenni akomin thôkohthin tonga.”

MOATLEM 23:23

Erediko sahhabdong thôan pumma ate dikowah sahhab wanii roolahma ngatwah, “Chânii sipâhi Kasaria nâng katrãng chep achã thuk en, thindemko Moknâng chhangte sipâhi roakengit, ngale pah semte sipâhi chânii chepthuk letma, thejâ rangpenpen wanekhu sanpoatko jâkhoam en.

MOATLEM 27:1

Chenthu nia Jogarii ma Itali nâng katrãng ngatko, thinma Pol ngale ahan phâtek nâng tôngte heh Julius, “Chofa Regimen” ngamemin eka Roman regimen sahhab nâng kohwah.

MOATLEM 27:43

Rohkomin Sipâhi sahhab pumma Pol pepâng hunwah, erohwah atema leritphe thuk wah. Enoma henhen jojûjet a ereheh jogari kowah jâtoakka letma sârannâng bengdãn juwãngen ngama chienwah;

ROMAN HEHNÂNG POLMA RAANGWAH SITI 1:4

roh-komin atea Asâthôanju junma, ritwah ngakhinsiet lahma Joban Chha ngama khesokwah.

LOATKHESOK 11:13

Ere sanpoat poatko hah dôngmõang tiiwah; phumma thiak echhi rãng hahdaang heh chhihsiet wah, ngale hahjat engit mihnyan heh ritwah. Ngale mihnyan ahan hehma chei nungma rangkhethung wah Joban dongnâng rôwakwah.