MATHIU 27:19 - NIEMNYAN Naga NT (BSI)

¹⁹ Metloatthin hum kowah tôngthinko Pilat tông thuko, ate dihiak pumma atenâng ngin matkatwah: “Are toangtang mihnyanko nangma chenjô nekre, chenrãngma ngako ate junma thepen metmãngnâng ngama nyahrãng chêmchoh ekang.”

MATHIU 27:19 Iomraidhean Croise

MATHIU 1:20

Josep ma aroh themawa poatko, Teso ngintatte kalahma Josep nâng metmãngnâng ngatkatwah, “Josep Devit chha, Mariam pa nang tangnyurãng keprãng nekchei. Chenrãngma ngako atema wun eka naapa Asâthôanju chaanma wun eka.

MATHIU 2:19

Hirot ritdiko Teso ngintatte ma Josep nâng Igip diaknâng sôngthuko metmãngnâng ngatwah

MATHIU 2:22

Chenthu Josep ma Achitas pa atewa litko Lowang danglahma Judia diak pa pên eka, ngama tatphumma Josep enâng wângrãng chei rewah. Rohkomin ate metmãngnâng thôkoh phumma, Galilijaa nâng wângwah.

MATHIU 27:18

Pilat ma senthemthem jetlahma dângwah, Jews heh khhepho phannang hehma Jisu nâng phetwan mitchek junko nganâng lohûkoh ehang ngama.

MATHIU 27:24

Chenthu Pilat ma mihnyan heh demnâng ngin thamlek thômînpa sekhotu, ngale aroh metham thômîn angko rinba ekhahwak a ngama jetlahma, atema jo toanlahma thin mathahko atedek sâsoan lahma ngatwah, “Are mihnyan ritpa ngamet dangmah! arepa nemaba ritphe eken!”

MATHIU 27:4

Atema ngatwah, “Ngama toangtang mihnyan pa ritphethuk lekma pap lâmotek!” Thinma dânthâng wah, “Are nginpa nima chenni ejet ea?” “Arepa nangma jetthin ba!”

LUK MA RAANGWAH NGINKONGSEN 23:41

Nãngheh a, nãnghehma chhihmoat thãba rittek kohehi; rohkomin atea chenjô lechhihmo nâng rittek eka.”

LUK MA RAANGWAH NGINKONGSEN 23:47

Ereko chenni dangtah a erepa Sipâhi sahhabwa pumma khelahma atema Joban nâng rôwah, atema ngatwah, “Linlinjô atea mihnyansen dângwah!”

JON MA RAANGWAH NGINKONGSEN 19:13

Chenthu Pilat ma are jabkhab heh tatphumma, atema Jisu rangsâ nâng sietkat lahma “Longwah hôanwah the” ngamamîn eka kowah nginpatte tôngthinko tôngkatwah. (Areko Hibru jabma “Gabbatha” ngaeka.)

MOATLEM 12:21

Jâthe rangwo khôanwak lahma Hirot ma lowang khet keplahma lowang tôngthinko tonglahma mihnyan hehnâng thôkoh wah.

MOATLEM 18:12

Phumma chenthu Galio pa Akaia wah Rom hah Govono dângpoatko, enângwah Jews heh khôan lahma Pol loatwah, ngale thinma ngoangthun thinnâng siethû lahma sekhamwah.

MOATLEM 18:16

Ngale atema ngoangthunthîn hum kowah junloatwah.

MOATLEM 18:17

Phumma thinma Sanagog kowah khhepho ate mînpa Sosthen lolahma ngoangthun thin hum thakhoko watwah. Rohkomin erejunko Galio roanchemin chêmpatriiho.

MOATLEM 25:10

Pol ma dânthâng wah, “Nga a Chofa nginpat thinko chep ekang, areko jôba nga nginpa thômînmin. Nangdede memin senthemthem ajet, ngama Jews hehrãng chenmin chhihmomek.

MOATLEM 25:17

Chenthu thin anâng hokphumma, ngama, rangwolo lelekthien thangma, eredijâko ngin patte tôngthinko tonglekma mihnyan pa siethok rãng chienwah.

MOATLEM 25:6

Fistus thin demnâng jâesat ba jâechhi rãng johtôngthien lahma Kasaria nâng ngakwâng wah. Eredijâko ate tôngthinko nginpatrãng tonglahma Pol thintâko siethok rãng chienwah.

1 PITER 2:22

Atema pap moho, ngale henmemin ate thunkhap wah mothô loatjab lahma chohtat ho.

1 JON 2:1

Ngachhu Ngachha heh, Ngama nenâng are sitipa raangeka, erohkoba nema papkaam lemo edangen; phumma henma komin papkaam memo enko, nãngrãngma Wa Joban ngewah rosep lahma mapthâkohte wathe tonga, erepa Jisu Krista, atea toangtang thôan.