MATHIU 26:64 - NIEMNYAN Naga NT (BSI)

⁶⁴ Jisu ma atenâng dânthâng wah, “Nangma lâpun jabtoh. Rohkomin ngama nekhu phangtang nâng thôkoh eka: Are sanpoat pumma nema Mihnyan Chhapa Achaanthôan Joban dekchahko tonglahma phoamkhohnâng kalahma ekhe en!”

MATHIU 26:64 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 22:44

‘Teso ma nga Teso nâng ngaeka: Ngama nangran heh nang daphâ khenko mathien thienkoh are nga dekchahko tongo.’

MATHIU 24:30

Erediko Mihnyan Chha ngakkat sanpoat pa jetrãng rangkho nâng ajatjat hong lahma ekhe e; ngale Mihnyan Chhapa rangkho wah phoam khohko tonglahma chaan ahâng ngale phiakto phiakja katpa khelahma hah khohwah mihnyan heh phangtang esepwak a.

MATHIU 25:31

“Chenthu Mihnyan Chhapa rangkhethung wah ngintatte heh phangtang demnâng Lowang danglahma katko, atea Lowang tôngthinko etonga,

MATHIU 26:25

Chen asãngte Juda hongjab lahma chhienwah, “Hethôte, nangma nganâng lenga ehanga?” “Nangma lâpun jabtoh,” ngama Jisu ma dânthâng wah.

MATHIU 27:11

Roman Govono mako Jisu chepwah, eko atenâng “Nanga Jews heh Lowang dangoa?” ngama chhienwah. “Nangma lâpun jabtoh” ngama Jisu ma dânthâng wah.

MATHIU 28:18

Jisu thintâko hehka lahma thinnâng ngatwah, “Nganâng Rangkhethung le hahtokkhoh kowah chentô Chaanpa lâkoh thang.

MATHIU 8:20

Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MAK MA RAANGWAH NGINKONGSEN 14:62

Jisu ma dânthâng wah, “Dengang,” “ngale nema Mihnyan Chhapa Achaanthôan Joban dekchahko tonglahma rangkhethung wah phoam demnâng kalahma ekhe en!”

LUK MA RAANGWAH NGINKONGSEN 21:27

Erediko Mihnyan Chhapa phoamkhoh nâng chaan ahâng demnâng ehong kara.

LUK MA RAANGWAH NGINKONGSEN 22:69

Rohkomin ade phumma Mihnyan Chhapa Achaanthôan Joban dekchahko etonga.”

LUK MA RAANGWAH NGINKONGSEN 22:70

Thin phangtangma ngatwah, “Eroh medang oko nanga Joban Chhane?” Atema danthâng, “Nema Joban Chha ngama lâpun ngatha.”

JON MA RAANGWAH NGINKONGSEN 18:37

Ephumma Pilat ma atenâng chhienwah, “Eroh medang ako nanga lowangne?” Jisu ma dânthâng wah, “Nangma Nga a Lowang ngama lâpun ngathang. Ngama toangtang thôrãng, ngale ererãngma lolo jôba nga chhatwah, ngale ererãngma lolo jôba are hahtokkhoh ko kaerâng. Erohwah henhen toangtangko dangeka erehehma ngangin etathang.”

MOATLEM 1:11

ngale thinma ngatwah, “Galili wah mihnyan heh, rangnâng sûwên letma aretheko chenrãngma chep eken a? Netâwah toansietwên eka are Jisu pa, nema chenroh rangkhethung nâng wãng lahma khe eken a ererãngrãngjô engak kara.”

ROMAN HEHNÂNG POLMA RAANGWAH SITI 14:10

Erohwah nemin, henhen pharu lolo phhek eken a erehehma - mihhan heh khohnâng chenrãngma athe ngaeken a? Ngale rongrup phhekchhahte heh memin - ne lemru putedâlemte ahan hehnâng achhih ngama chenrãngma ngaeken a? Nangkhu anga ngajô Joban mathahko atema rênrãng chepmin.

1 THISALONIKA 4:16

Joban ngintatte adongthôan pumma ehongrak a, ngale Joban ngewah poakpopo pa rahmet erea, ngale rangkhethung wah Teso atedede ekara. Henhenma Krista nâng putedâlem lahma riitah a ereheh khebeng engakhin a;

HIBRU 1:3

Joban mîndong lahma phiak ekapa atenâng chohkhe eki, ngale atea alinlin Joban rãngrãng, ngale ate jabkhab chaan pumma rangkhen pa roieka. Chentô mihnyan nyuchha heh pap rãngma map thâkoh diko, chentô noma achaanthôan Joban dekchah ngeko rangkhethung nâng tongwãng eka.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

LOATKHESOK 1:7

Sûtan en, atea phoamkhoh nâng kaera! Anga ngama ate ekhe e, atenâng pahma suhtah hehmemin ekhea. Hahtokkhoh wah mihnyan nyuchha heh phangtang ate junma asep erewak a. Linlinjô eroh pa edanga!

LOATKHESOK 20:11

Erediko Ngama tôngthin po dôngmõang ngale ere tôngthinko tôngtepa khewah. Hahkho ngale rangkhopa ate tâkowah huhchhoan lahma lechoh khetu mahchhoan wah.