MATHIU 26:28 - NIEMNYAN Naga NT (BSI)

²⁸ “arepa ngahei, areko Joban wah toamsemwin, ngahei pa ajahthem mihnyan heh pap mapkoh rãng hongeka.

MATHIU 26:28 Iomraidhean Croise

MATHIU 20:28

Mihnyan Chha pemin mihnyan hehma atenâng khoakhêm rãng katwah dangmah, atema mihnâng khoakhêm rãng ngale ate roandông pa kohlahma ajahthem mihnyan heh pêsietrãng katwah.”

MATHIU 26:27

Erediko atema bâti toanlahma Joban nâng dangkoh a ngat rangsoam lahma thinnâng kohwah, atema ngatwah, “nekhu chentôma arepa jok en,”

MATHIU 26:29

Ngama nenâng thôkoh eka, Ewa Hahsông theko nedemnâng angurti anyan maroam roamjokko, ngama arepa lethe ngakjok tumin.”

MATHIU 6:12

Nirãngma kaamchhih moatte hehnâng nima mapkoh eki rãngrãng, Nipap heh map kohhi.

MAK MA RAANGWAH NGINKONGSEN 1:4

Jon baptis sehahkho nâng hong lahma baptijem phoangkoh wah ngale Joban nginpa phoangthôkoh rewah. “Ne papwah hungngaklit letma baptijem kepen,” ngama atema mihnyan hehnâng thôkoh wah, erohkoba “Joban ma nepap heh map ekohhèn.”

MAK MA RAANGWAH NGINKONGSEN 14:24

Jisu ma ngatwah, “Arepa ngahei, ajahthem mihnyan hehrãng hongeka, are ngahei demko Joban toamsem pa tonga.

LUK MA RAANGWAH NGINKONGSEN 22:19

Erediko atema bankên chhupthe toanlahma Joban nâng dangkoh a ngat rangsoam lahma chhupsietwah, ngale thinnâng kohlahma ngatwah, “Arepa ngaphoang, nekhurãng koh ekang. Arepa nema nganâng chhemhunrãng mo en.”

LUK MA RAANGWAH NGINKONGSEN 22:20

Ererãngrãngjô, rangjâ phhekchhah chhah diko atema aroh ngalahma thinnâng bâti kohwah, “Are bâti kowah ngahei demko Joban wah toamnyan semlahma tonga, are ngahei pa nekhurãng hongeka.

ROMAN HEHNÂNG POLMA RAANGWAH SITI 5:15

Rohkomin are wanii pa khoakthe dangmah, chenrãngma ngako Joban ma thãhoma khope koh ekapa Adam pap rãngrãng dangmah. Arepa toangtang ngin, wathe mihnyan pap rekwah ajahthem mihnyan lâriitah. Rohkomin Joban mînchenchaan pa ere nomemin bâmbâm adong, ngale wathe mihnyan erepa Jisu Krista mînchenchaan junma Joban ma atewah thãho hînhô pa ajahthem mihnyan hehnâng koheka.

ROMAN HEHNÂNG POLMA RAANGWAH SITI 5:19

Ngale wathe mihnyan ma Joban nginlekep dângdi chentô mihnyan nyuchha heh papi dangthuk eka, ererãngrãngjô wathe mihnyan erepa Jisu Krista ma Joban ngin kepdi chentô mihnyan nyuchha heh Joban demnâng toangtang dangthuk eka.

1 KORINT 11:25

Ererãngrãngjô, thinma rangjâ phhekchhah tâchhah diko, atema bâti toansem lahma ngatwah, “Are bâti kowah hei demko Joban ma toamnyan sem eka. Chenthu nema arepa jokko, nganâng thonghun letma jok en.”

IFISIEN 1:7

Chenrãngma ngako Krista hei junma nãngpap khenwah loatsiet ehi, ngale nãngpap heh mapkoh ehi. Joban mînchenchaan pa chentô dônga,

KOLOSIEN 1:14

ngale atema nãngkhu pesiet ehi, ngale ate junma nãngpap heh map choheki.

KOLOSIEN 1:20

Erohwah, Chha junma Joban ma hahtokkhoh phangtang ate tânâng ngaksiet hokrãng thonghun eka. Joban ma ate Chha hei junma nome thukeka ngale hahtokkhoh wah hehmin erediko rangkhethung wah hehmin chentôpa ate tânâng ngaksiet hûeka.

HIBRU 10:29

Eroh medang ako, Joban Chha lekepte mihnyan heh jãtanga chenroh dângmin a? ngale Joban ma thinpap heh sâsietrãng hei hongsiet ekapa thãjõ rãng kepte heh chenroh dângmin a? Ngale thinnâng mînchenchaan kohte Ju thãsete heh chenroh dângmin a? Thatthong hun tan en, thinma chentô chhih chêmchohmin a!

HIBRU 13:20

Joban ma nãng Teso Jisu Krista ritwah ngakhinsiettah, ngale ate hei junma atea Saaksokte Adongthôan dangeka, ngale erejunma roantang roangjêng rãng toamsem eka. Ate hung junko moatrãng mêmo kohte Joban ma chentô asenli heh chenchoh kohhi, ngale Jisu Krista junma atema nãngnângmin ate hungsênli moatlem moatrãng chenmam hôanhi. Erediko Krista mîn roantang roangjêng rãng chendonga! Amen.

HIBRU 9:28

Ererãngrãng ajahthem mihnyan heh pap sâsiet kohrãng Krista ma atedede roandôngpa kohlahma ritwah. Phumma ate ademin rekthe engak kara, rohkomin erepa pap sâsietrãng dangmah, rohkomin ate bemlâte mihnyan heh papwah pêsietrãng engak kara.

1 JON 2:2

Ngale Krista junma jôba nãngpap heh mapkoh ehi, ngale nãngkhu pap heh lolo mapkoh dangmah, chentô mihnyan heh pap mapkoh eka.

LOATKHESOK 7:14

Ngama dânthâng wah, “Hethôte, Ngama jetmek, nangma jet ole.” Atema Nganâng ngatwah, “Are mihnyan heh dangeka thinma nyahrãng cheli chêmchoh lahma khope lahma wângte mihnyan heh. Thinma thin khet pa Saakchha heinâng lâposettah.

LOATKHESOK 7:9

Arediko Ngama sûtekpa, loangchhang dôngmõang khewah - ere mihnyan heh henmemin lephangleng roakweihtô dângwah! Thin a chentô mihnyan nyuchha jat apat, diak akan, jab ajâ, hehwah dângwah, ngale thin a khetpo pa kep ngale thin dekko pam bãngdek heh semlahma Saakchha tôngthin mathahko cheplahma dângwah.