MATHIU 25:40 - NIEMNYAN Naga NT (BSI)

⁴⁰ Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 25:40 Iomraidhean Croise

MATHIU 10:40

“Henma komin ne metãngroo hènko, erepa nganâng tãngroo ehang; ngale henma nga tãngroo ehanga, arepa nga chienkatte pa tãngroo eka.

MATHIU 10:42

Erediko henma komin, ngadijunte dângthã, ngadijunte hehwah arinthôan wathe nâng jokih koapthe mejokthuk ako, ere thãpa atema metkep chohmin.”

MATHIU 18:10

“Jetletma dangen, nema are arinchha thôan hehnângmin thã nekjõ en. Ngama nenâng thôkoh eka, thin nângmin rangkhethung nâng thin ngintatte tonga, ereheh rangkhethung wah nga Wa Joban demko roantangma johtong eka.

MATHIU 25:34

Erediko Lowang pumma ate dekchahwah mihnyan hehnâng enga a, ‘wãngrên, nenâng nga Wama rang lâkohthen! rangbâng hahbâng thuwah nerãng khoakhem kohthen Hahsông pa kepwãngrên.

MATHIU 25:39

Chenthu nanga akhun khetih a, ngale phâtek nâng tonglohma chohsû hûtih a?’

MATHIU 25:45

Ephumma Lowang pumma edânthanga, ‘Ngama nenâng thôkoh eka, chenthu nema arinthôan wathe nâng lenyoak chohsû dangtet a, arepa nganâng lenyoak chohsû dangeha.’

MATHIU 28:10

Jisu ma thinnâng ngatwah, “Nekchei en,” “Wãngletma nga naa hehnâng Galili nâng wângrãng thôkoh en, ngale enâng thinma nga echoh khewak hang.”

MAK MA RAANGWAH NGINKONGSEN 9:41

Ngama linlin thôkoh eka, henma akomin ngadijunte dângthã nenâng jowah koapthe mejokthuk hènko atema erethãpa metkep echoh a.

LUK MA RAANGWAH NGINKONGSEN 19:38

“Teso mînko hokte lowang ko Joban ma rangkoh eka! Rangkhethung nâng mêmo dangeka ngale Joban mîn dongthuk eka!”

JON MA RAANGWAH NGINKONGSEN 20:17

Jisu ma atenâng ngatwah, “Nganâng neksahlo hang,” “Chenrãngma ngako, Nga a Ewa tânâng mangak wãngekang. Rohkomin wãnglohma nganaa hehnâng thôkoh, nga a Ewa, ngale thin Wa min danga, erediko nga Joban, ngale thin Joban min danga, ate tânâng ngakwãng ekang.”

ROMAN HEHNÂNG POLMA RAANGWAH SITI 8:29

Henhen pa Joban ma renlahma thieneka ere mihnyan heh ate Chha rãngrãng dângrãngma araangraang reethien eka, erohwah ate Chhapa humkâdong kowah khhepho chha dangeka.

2 KORINT 4:5

Chenrãngma ngako arepa nidede ngin phoangthô dangmih; Nima Jisu Krista pa nãng Teso ngama phoangthôeki, ngale nikhua Krista mînko nekhu haa ngama phoangthôeki.

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

IFISIEN 5:30

chenrãngma ngako nãngmin ate phoangko roam eki.)

HIBRU 6:10

Joban pa mothô khoanglep dangmah. Nema motet moatlem heh atema lekphemah, ngale nema atenâng hun achet junko atenâng putedâlemte hehnâng chohsûtet hehmin lekphemah, ngale athâng hehwah chohsû eken hehmin atema lekphemah.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 JON 4:20

Nãngma Joban nâng huneki ngalihma, nãngpho anaa hehnâng memitchek eko, nãnga mothô. Chenrãngma ngako, nãngma mitma khe mihnyan hehnâng lehun medang eko, mitma lekhe Joban nângjã chenthujô jienhunmih.

LOATKHESOK 17:14

Thin Saakchha demnâng eloatmîn a; rohkomin Saakchha pumma atema aren reka mihnyan, ngale senthemthem putedâlem lahma ate dijunte mihnyan heh demnâng roamlahma thinma ejien a, chenrãngma ngako, atea teso hehwahmin Teso dongthôan, ngale lowang hehwah min Lowang dongthôan.”

LOATKHESOK 19:16

Ate khetko ngale ate da komin raanglahma dângwah: Ere mînpa “Lowang kowah Lowangdong thôan, ngale Teso kowah Teso dongthôan.” Ngama raangwah.