MATHIU 25:34 - NIEMNYAN Naga NT (BSI)

³⁴ Erediko Lowang pumma ate dekchahwah mihnyan hehnâng enga a, ‘wãngrên, nenâng nga Wama rang lâkohthen! rangbâng hahbâng thuwah nerãng khoakhem kohthen Hahsông pa kepwãngrên.

MATHIU 25:34 Iomraidhean Croise

MATHIU 13:35

Arepa atema mõng hehma jabtah nginpa toangtang dângrãng moatwah: “Nga thin demnâng jabmînko nginthakthô demnâng ejabmîn ang; Rangbâng hahbâng thuwah lelep jetthin heh ngama thinnâng ethôkoh ang.”

MATHIU 19:29

Ngale henhenma ngarãngma ate hum ahah, pho nya, nyong awa, chhuchha, ngale pitthin jolem heh thînphe eka, erehehma châthe nomemin depjah engakchoh a, ngale roantang roanjêng roandôngmin echohwak a.

MATHIU 20:23

Jisu ma thinnâng thôkoh wah, “Ngama chohmin chêmchei pa linlin nechhe memin etatha en”, “Rohkomin nga dekchahko hentôngmin a, ngale dekhitko hentôngmin a arepa rênrãng nganâng chaan aho. Erethepa nga Wa Joban ma henrãng khoakhem koheka ereheh rãngba.”

MATHIU 21:5

“Zion chha hehnâng thôkoh en, sû en, ne Lowang pa netânâng hûera! atea numnene ngale Gado khohko chhang eka Ngale Gado chha khohko chhang eka.”

MATHIU 25:21

Tângtewa pumma haako ngatwah, ‘lâsenmotoh, nanga asen ngale dâlemli!’ ‘nangma are amãnchha ngun pumma senthemthem jienmo eko, erohwah ngama nangnâng ngun jahmõang ethienthuk e. Wãngro nga demnâng khu johhah wãnghang!’

MATHIU 25:23

Tângte pumma haako ngatwah, ‘lâsenmotoh, nanga asen ngale toangtang, nangma amãnchha ngun pumma senthemthem jienmo eko, ngama nangnâng jahmõang ngun ethienthuk e. Wãngro nga demnâng khu johhah wãnghang!’

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MATHIU 25:41

“Erediko atema ate dekhit wah hehnâng enga a, ‘nga tâwah taangen, nea Joban wah achhih chohte! Joak le ate ngintatte hehrãng khoakhem kotah roantang roanjêng khâmthin wendôko ka en!

MATHIU 27:37

Ate khotokko atenâng dûmmek nyapraang raang lahma bãngphakko betkohwah: “Are Jisu pa Jews heh Lowang” ngama raanglahma betkohwah.

MATHIU 3:2

Atema ngatwah, “Nepap hehwah hungngaklit en,” “chenrãngma ngako, rangkhethung Hahsông pa lânam hûtha!”

MATHIU 5:19

Erohwah, henhenma Niemarang kowah moatrãng chieneka arinthôan moatlem pa lemo thangma mihnângmin eroh lemorãng hethôeka, erepa rangkhethung nângmin arinthôanrãng hôanmin. Ngale henhenma Niemarang kowah chieneka moatlem pa phangtang molahma mihnângmin eroh moatrãng hethôeka, erepa rangkhethung nângmin adong thôanrãng hôanmin.

MAK MA RAANGWAH NGINKONGSEN 10:17

Erethe kowah Jisu loatchhoan rãng ngatko, mihwa wathe chhoanhû lahma atemako khupjup hokwah, ngale atenâng ngatwah, “Hethôte Sen, ngama roantang roanjêng roandông chohrãng chenni moatmin a?”

MAK MA RAANGWAH NGINKONGSEN 10:40

Rohkomin nga dekhit dekchah ko hentôngmin a arepa ngama tarenmek. Joban ma henrãng khoakhem kotah a erehehnâng atema ekoh a.”

LUK MA RAANGWAH NGINKONGSEN 11:28

Phumma Jisu ma dânthâng wah, “Ere nomemin khengraangsen pa, henhenma Joban ngin tatlahma senthemthem kep eka ereheh dângmin!”

LUK MA RAANGWAH NGINKONGSEN 11:50

Erohwah rangbeng hahbeng thuma mõngama heh ritphe tahthã, arerôan wah mihnyan hehma chêm echoh a,

LUK MA RAANGWAH NGINKONGSEN 12:32

“Loangnejô medang enkomin nekchei en, chenrãngma ngako ne Wa Joban ma nenâng ate Hahsông pa kohhun ehèn.

LUK MA RAANGWAH NGINKONGSEN 19:38

“Teso mînko hokte lowang ko Joban ma rangkoh eka! Rangkhethung nâng mêmo dangeka ngale Joban mîn dongthuk eka!”

JON MA RAANGWAH NGINKONGSEN 1:49

Nathaniel ma dânthâng wah, “Hethôte, Nanga Joban Chha! Nanga Isrial heh Lowang!”

JON MA RAANGWAH NGINKONGSEN 12:13

Ephumma thinma Pam bãngphak heh semlahma Jisu chohmînrãng katwah, thinma, “Joban nâng rôe! Teso mînko hokte nâng Joban ma rangkoh eka! Joban ma Isrial Lowang nâng rangkoh eka!” ngama rakwah.

JON MA RAANGWAH NGINKONGSEN 17:24

“Wa! thin a nangma nganâng lâkoh thang, ngale nga chenko dangekanga eretheko thinmin nga demnâng dângthuk hun ekang, erohkoba thinma nga mîndông pa ekhe hang, ere mîndông pa nangma nganâng kohwah; chenrãngma ngako, are hahtokkhoh hôan mama nangma nganâng hunwah.

JON MA RAANGWAH NGINKONGSEN 19:15

Phumma thinma danrakwên wah, “Aritphe re en! Aritphe re en! Arittekre en!” Pilat ma thinnâng chhienwah, “Ngama ne Lowang pa rittek chenrea ngama huneha?” Soam aroakte adong pumma dânthâng wah, “Nirãngma Lowang pa Chofa loloba etonga!”

MOATLEM 15:18

Arepa Teso ma jabeka, ngale atema areheh khema thuma jetthukwah.’

MOATLEM 3:26

Phumma Joban ma ate Haa pa renlahma khebengko netânâng chienkatwah, erepa nekhu anga nga kaamchhih moatwah ngaksietrãng chienkatwah.”

ROMAN HEHNÂNG POLMA RAANGWAH SITI 8:17

Nãnga ate Chha dâng phumma, Joban ma ate Chha hehrãng thienkotah rangpa nãngma kepmin, ngale Joban ma aterãng chenni thienkotah a ereheh nãngma Krista demnâng ejohchoh e; chenrãngma ngako nãng Krista demnâng mejohchêm eko, ate mîndông komin ejohroam e.

1 KORINT 15:50

Ngalemruchha heh, ngama ngaekang pa dangeka, hei angem junma Joban Hahsông pa leta chohmin, ngale amahritthin phoang pumma lemah riithin phoangpa tachohmah.

1 KORINT 2:9

Rohkomin, Joban nyapraangma ngaeka, “Chenpa henmemin mathat chohkhe ngale chohtat a, ngale chenpa henmemin mathat thonghunli pa edanga, erepa Joban ma atenâng hunte hehrãngma khoakhem eka.”

1 KORINT 6:9

Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

GALATIEN 5:21

chhahnyoak, khemmok chempa, kuhhoan lahma jokphhek chhah, ngale arerãngrãng lihân hehmin ephoang mowak a. Amawah rãngrãng ngama nenâng athâng hehmin thôkoh eka: henhenma arerãngrãng moatlem heh moeka erehehma Joban Hahsông pa leta chohmin.

IFISIEN 5:5

Nema senthemthem jet en, dihiak dela kaamchhih moatte, lihân achhihli moatte, chhahnyoak (chhahnyoak pa moangachaang hehnâng soamtô nâng ngaeka) hehma Krista ngale Joban Hahsông thepa lechohmin.

1 THISALONIKA 2:12

Nima nehung dongsiet eka, ngale senthuk eka, ngale neroandôngko Joban rinmeli dangletma songtongen ngama rosep eka, chenrãngma ngako, Joban ma ate Hahsông theko ate mîndôngko johroamrãng nekhu nâng rooehèn.

2 TIMOTHI 2:12

Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

HIBRU 1:14

Eroh medang ako, ngintatte heh chennia? Thin a Joban nâng soam atôteju, ngale Joban ma khope chohte mihnyan hehnâng chohsokrãng chienkat era.

HIBRU 11:16

Rohkomin, thinma erenoma bâmbâm sen hahdaang pa lêmwah, erepa rangkhethung wah hahdaang pa lemwak eka. Ngale erohwah, Joban ma atea thin Joban ngama ngatrãng rêsêmah, chenrãngma ngako atema thinrãng hahdaang pa khoakhemkoh eka.

HIBRU 4:3

Rohkomin nãngkhuwah henhenma ereko putedâlem ekia, erehehma Joban ma boanjek kohrãng toamsem tahpa choheki. Erepa atema chenroh jabtah a ererãngrãng jôba, “Ngama rinkhah lekma toamsêm wah: ‘Ngama thinnâng boanjek tôngrãng koh ekang hahko thin chenthumin leta hûmin!’ ” Atema moatlem pa rang ahah hôan thuma tamo chhoan medang akomin atema arepa jabwah.

HIBRU 9:26

eroh dângngako, atemin rang ahah hôanthu mejô butbut chêmrii lahma dângmin wah. Phumma, chentô rangkuh sanha hehrangma athôan sanpoat pa namhok phumma, atema roantang roangjêng rãng rekthe lolo kalahma, atedede roandôngpa kohlahma pap heh sâsiet kakoh ehi.

JEMS 2:5

Ngalemruchha heh, tattan en! Joban ma are hahtokkhoh wah tangchhih heh putedâlem ngenâng techhu dângrãng reneka, ngale henhenma atenâng hun achhâeka ereheh nâng kohrãng toamsem tah thepa thinnâng kohrãng reneka.

1 PITER 1:9

chenrãngma ngako nema atenâng putedâlem thã nejunâng khope choh eken.

1 PITER 3:9

Nerãngma kaamchhih moatkohte hehrãng nema kaamchhih nekngak mokoh en, ngale nenâng têm athoakte hehnâng nekngak tem athoak en; erenoma, Joban ma thinnâng chenchohsûa ngama rangsoam koh en, chenrãngma ngako, Joban ma nenâng rangkoh a ngama toamsem lahma nekhu roowah.

LOATKHESOK 13:8

Hahtokkhoh wah sôngte chentô mihnyan hehma atenâng esoam a, rohkomin rang ahah hôan mama henhen mînpa ahîn titab nâng raangthientah a, ngale henhen pa ritphe retah Saakchha rãng dângtea erehehma loloba lesoam edanga.

LOATKHESOK 17:8

Ngemchhih pa poattheko ahîn dângwah, rohkomin ade phumma ahîn dangtumah; erepa chenthujô lethôanthin hahkenlu kowah loatwâng lâthângtah, ngale atea amahjâ erea. Hahtokkhoh wah sôngte mihnyan henhen mînpa rang ahah hôan mama ahîn titab nâng leraangthien dangtah a ere mihnyan hehma ngemchhih pa khelahma bârit erea. Arepa poattheko ahîn dângwah; phumma athângheh ahîn dangtumah, rohkomin erepa ngakhong eka.

LOATKHESOK 19:16

Ate khetko ngale ate da komin raanglahma dângwah: Ere mînpa “Lowang kowah Lowangdong thôan, ngale Teso kowah Teso dongthôan.” Ngama raangwah.

LOATKHESOK 21:7

Henhenma tajien eka erehehma arepa Nga ngewah chohmin: Nga a thin Joban edangang, ngale thinmin Ngachhu Ngachha edangwak a.

LOATKHESOK 5:10

Nangma thin a nang Joban nâng soamtô rãngma soam aroakte Hahsông rãng hôan eko, ngale thinma hahtokkhoh pa epên a.”