MATHIU 25:32 - NIEMNYAN Naga NT (BSI)

³² ngale chentô diak akan wah mihnyan heh ate mathahko ekhôanhûa. Erediko kien chhangwah saak rângrephea rãngrãng, mihnyan heh atema khunii korãng ephansiet a.

MATHIU 25:32 Iomraidhean Croise

MATHIU 13:49

Rangle hah thôan sanpoat komin erohjô dângmin: rangwah Joban ngintatte heh chhoan lahma mihnyan chhih heh mihnyansen chhang wah ekhôansiet a

2 KORINT 5:10

Chenrãngma ngako nãngkhu phangtang Krista mathahko atema rênrãngma chepmin. Nãng hei angem roandông poatko henma chenroh motih a erejunko chohmin, asen medang akomin, achhih medang akomin, erejunko anga ngama chohmin.

MATHIU 3:12

Ate chhah chaaprãng ate dekko wenkhoang sem eka, chhahsek sekpa pumko ekhôanthien a, ngale chhahphathoak heh chenthujô lemut wenko erokthhek a.”

JON MA RAANGWAH NGINKONGSEN 10:14

Nga a saaksokte sen. Ewa ma nga jet ehang rãngrãng, ngamemin Ewa jet ekang, ererãngrãngjô ngama ngasaak heh jet ang, ngale ngasaak hehmemin nga jethang. Ngamin ngasaak hehrãngma ritmin tariiang.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

ROMAN HEHNÂNG POLMA RAANGWAH SITI 2:16

Ngale, Ngama thôekãng Nginkongsen junko, chenthu Jisu Krista junma Joban ma mihnyan hungkhen nâng huhthonghun eka heh rênjâ Rangwo ko eroh dângmin.

ROMAN HEHNÂNG POLMA RAANGWAH SITI 2:12

Jews ledangte hehnâng Mosa Niemarang pa aho; thinma pap molahma Niemarang junko ledangma mahrii eka. Rohkomin Jews hehnâng Mosa Niemarang win; thinma pap molahma Niemarang junko athe loeka.

JON MA RAANGWAH NGINKONGSEN 10:27

Ngasaak hehma ngakahra pa tateka; Ngamemin thin jet ang, ngale thinma ngadijun ehang.

MATHIU 28:19

Erohwah chentô mihnyan nyuchha, ngale chentô thenâng chhoan en, ngale ngadijunte rãng dangthukwak en: Ngale Wa mînko, Chha mînko, erediko Asâthôanju mînko baptijem koh en,