MATHIU 25:21 - NIEMNYAN Naga NT (BSI)

²¹ Tângtewa pumma haako ngatwah, ‘lâsenmotoh, nanga asen ngale dâlemli!’ ‘nangma are amãnchha ngun pumma senthemthem jienmo eko, erohwah ngama nangnâng ngun jahmõang ethienthuk e. Wãngro nga demnâng khu johhah wãnghang!’

MATHIU 25:21 Iomraidhean Croise

MATHIU 24:45

“Henpa dâlemli ngale jet ajien haa a? Atenâng ate tângte ma haa ahan hehnâng phhekchhah pa achhah sanpoatko chhahthukrãng ethien a.

MATHIU 24:47

Ngama nenâng nginlinlin thôkoh eka, ere haapa tângtewa pumma ate chhahkhem heh phangtang sokare rãng ethien a.

MATHIU 25:23

Tângte pumma haako ngatwah, ‘lâsenmotoh, nanga asen ngale toangtang, nangma amãnchha ngun pumma senthemthem jienmo eko, ngama nangnâng jahmõang ngun ethienthuk e. Wãngro nga demnâng khu johhah wãnghang!’

MATHIU 25:46

Ereheh roantang roanjêng chêmchoh thinnâng chienkatmin, phumma toangtang heh roantang roanjêng roandông chohthin nâng wângthukmin.”

LUK MA RAANGWAH NGINKONGSEN 12:44

Ngama nenâng linlin thôkoh eka, tângtewa pumma ere haako ate chhahkhem heh phangtang esû erethuk a.

LUK MA RAANGWAH NGINKONGSEN 16:10

Henhen-ma amãnchha pa senthemthem toangtangma jiensem eka erepumma ajah pemin toangtangma ejiensem a; Henhenma amãnchha pa toangtangma lejiensem dangeka erehehma ajah pemin toangtangma lejien semmin.

JON MA RAANGWAH NGINKONGSEN 12:26

Henhenma ngadijun hun ehanga erehehma chenjunhang, erohkoba nga chenko dang ekanga eretheko ngahaa pemin edanga. Ngale henma nga khoakhem ehanga erepa nga Wa memin atenâng echhoanpôan a.

JON MA RAANGWAH NGINKONGSEN 14:3

Ngale nga wãnglekma nerãng the khoakhêm kohdiko, Nga ngakka lekma nga demnâng esietwên a, ephumma nga chenko dangekanga eretheko nemin eta wãngrên.

JON MA RAANGWAH NGINKONGSEN 17:24

“Wa! thin a nangma nganâng lâkoh thang, ngale nga chenko dangekanga eretheko thinmin nga demnâng dângthuk hun ekang, erohkoba thinma nga mîndông pa ekhe hang, ere mîndông pa nangma nganâng kohwah; chenrãngma ngako, are hahtokkhoh hôan mama nangma nganâng hunwah.

ROMAN HEHNÂNG POLMA RAANGWAH SITI 2:29

Erenoma, rinken khennâng Jews dângte peba Jews linlin, erehehma, hungkhen nâng khoankhen niem linlinpa hôan eka, ngale erepa Joban Juma hôan eka, dekma raang wah Niemarang junko hôan dangmah. Ererãngrãng hôante hehma mihnyan wah ledangma Joban wah rô choh eka.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

2 KORINT 10:18

Chenrãngma ngako, chenthu Teso ma asen ngama menga hiko jôba nãnga linlin asen edange, nãng dedema asen ngatrit rãng dangmah.

2 KORINT 5:9

Are hahtokkhoh ko sôngpoatko medang akomin ba rangkhethung nâng ate demnâng songlihmejô medang akomin nãngma ate hungsênthuk ba huneki.

FILIPIEN 1:23

Nga ronghu rongkama tesiet ehang. Ngama are roandôngpa phethien lekma Krista demnâng johtong wângpa nyahrãng hun ekang, ere pejôba ajahthem asenthôan;

1 TIMOTHI 3:13

Henhenma thin moatlem heh senthemthem moeka erehehma thinmîn sensiet eka, ngale chenni ranjô lechei thangma thinma Jisu Krista nâng putedâlem eka ngin heh thôwak eka.

2 TIMOTHI 2:12

Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

HIBRU 12:2

Nãng mitma Jisu nâng thongthong sûlihma tonge, chenrãngma ngako khebengma danglahma athôan kotuk atema jôba nãng putedâlem pa senthemthem dangthuk ehi. Atea bãngphak khohko rittekrit ran cheiho! Erenoma, Joban ma ate mawah khuhah nâhah thienkoh ekapa thonghun lahma bãngphak khohko rêsê rephe rittekrit pa chenjô dangmah ngama thônghun wah, ngale erohwah atea athângheh Joban tôngthin dekchah ngeko tongeka.

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.

LOATKHESOK 21:7

Henhenma tajien eka erehehma arepa Nga ngewah chohmin: Nga a thin Joban edangang, ngale thinmin Ngachhu Ngachha edangwak a.

LOATKHESOK 3:21

Chenroh Ngama phangtang tajien lekma Ewa tôngthin tâko ate kêko tongwãng ekang rãngrãng, henhenma phangtang tajien eka erehehmin Ngama Nga tôngthinko Nga tâko etongthuk ang.

LOATKHESOK 7:17

chenrãngma ngako tôngthin mongtang kowah tôngte Saakchha pa thin sokarete dângmin, ngale thinma Saakchha ma roandông chohthin jomitko esiethûa. Ngale thinmit wah chentô mitphi heh Joban ma ehutphe koh a.”