MATHIU 25:1 - NIEMNYAN Naga NT (BSI)

¹ “Ere sanpoatko rangkhethung Hahsông pa arerãngrãng dângmin. Rekthenâng janchhô waechhi ma thin wentit semlahma nemnyanwa chohmînrãng chhoan wakwah.

MATHIU 25:1 Iomraidhean Croise

MATHIU 13:24

Jisu ma thinnâng ahan nginthakthô min thôkoh wah: “Rangkhethung Hahsông pa arerãngrãng. Mihwa pumma ate pitko chhahli lisen wênkat eka.

MATHIU 13:31

Jisu ma thinnâng eredikomin ahan nginthakthô thôkoh wah: “Rangkhethung Hahsông pa arerãngrãng. Mihnyan wathema jokangken keplahma ate pitnâng wênkat eka.

MATHIU 13:38

Pitpa are hahtokkhoh pa; chhahli lisen pa rangkhethung Hahsông nâng tâchoh wângte mihnyan heh; hinpa Juchhih rãng dângte mihnyan heh;

MATHIU 13:47

“Rangkhethung Hahsông pa arerãngrãng min dângmin. Ngahloatte mihnyan pumma ate chaakpa josiko hatkat lahma jatrup ngah loeka.

MATHIU 20:1

“Rangkhethung Hahsông pa arerãngrãng. Rekthenâng rangkhah rangkhoma wathe mihnyan ate angurthong moatrãng dekbi bite lemchhoan eka.

MATHIU 22:2

“Rangkhethung Hahsông pa arerãngrãng. Rekthenâng lowang wathema ate chharãng nemnyansiet kuhhôan khoakhêm wah.

MATHIU 25:7

Phumma janchhô waechhi pa toansat lahma thin wentit pa dôrepwah.

MATHIU 3:2

Atema ngatwah, “Nepap hehwah hungngaklit en,” “chenrãngma ngako, rangkhethung Hahsông pa lânam hûtha!”

MATHIU 5:16

Ererãngrãng newen pumma mihnyan heh mathahko phiak en, erohkoba nema moatlemsen moeken pa khelahma rangkhethung wah newa Joban nâng erôwak a.

MATHIU 9:15

Jisu ma dânthâng wah, “Nemnyan wapa thin demnâng dângpoatko nemnyansiet thinnâng hokte heh hungchhih rekmah etonga ngama thonghun eken a? eroh tongmah! rohkomin nemnyan wapa thintâwah sietchhoan rangwo ehûra, ere diphumma ba thinma lephhek lechhah thangma etonga.

JON MA RAANGWAH NGINKONGSEN 18:3

Juda ma ate demko Soam aroakte adong ngale Farasi hehma chienkatwah Roman sipâhi ngale Rangsoamhum bemte heh sietlahma penri thongko hokwah; thinma dãng apah, wentit, ngale wennan heh semlahma hokwah.

JON MA RAANGWAH NGINKONGSEN 3:29

Nemnyanwa pa nemnyannyu rãng; rohkomin nemnyanwa tâwah cheplahma atenâng jetat eka ate lemruchha pa, nemnyanwa kahra tatko khuhah eka. Ererãngrãng ngamin khuhah ekang.

MOATLEM 20:8

Rangkhohdâng kowah ni khôantongtih humko wentitmin jahmõang dôtoak lahma dângwah.

1 KORINT 11:2

Ngama nenâng rôeka, chenrãngma ngako nema nga roantangma thonghun eha, ngale ngama nenâng hethô tahpa senthemthem kepdi rôeka.

2 KORINT 11:2

Joban ma nenâng chenroh phetwân ehèn a, ererãngrãng ngamemin nenâng phetwân eka; Nea paangmih demnâng kaamchhih mathah mote janchhôsâ rãngrãng, ngama ne dela wathelolo demnâng kepmîn thukrãng kahkhetmîn koheka, ere delawapa Krista.

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

LOATKHESOK 14:4

Ere mihnyan heh thin dedema dihiaknyu heh demnâng kaamchhih lethatmo sâpoangpoang dângte heh dângwah; thin a dihiak dela ngenâng asâjû dângwah. Thinma Saakchha pa chennge nâng dangeka ere ngeko junchhoante dângwah. Thin a hahtokkhoh wah chentô mihnyan nyuchha jat hehwah khopesietwah, ngale thin jôba Joban ngale Saakchha nâng joapsoapte rãng khebeng thôan dângwah.

LOATKHESOK 19:7

Nãngkhu khuhah nâhah ngale rinroan bahsa dange; Nãngkhuma ate adongthôanpa rôe! Chenrãngma ngako Saakchha nemnyansiet sanpoat pa lâhûtha, ngale ate rãngma ate nemnyannyu ma atedede khoakhemrii eka.

LOATKHESOK 21:2

Ngale Ngama Asâthôan Hahdaang pemin khewah, erepa nemnyannyu pa ate tangwa demnâng chohmînrãng rângsôa arãngrãng sôa lahma Jeroselem nyan pa rangkhethung wah Joban tâwah jâka lahma khewah.

LOATKHESOK 21:9

Wanengit ngintatte hehma wanengit titko athôan wah khoanchet heh chongchong sêmte hehwah Ngatânâng wathe kalahma ngatwah, “Wãngro, Ngama nangnâng Sakchha tangnyu nemnyannyu pa khesok e.”

LOATKHESOK 4:5

Ere tôngthin kowah rangdeng khiapda pa liap, ngale rangmok rangphak pa hongka rewah. Ngale are tôngthin mathahko wennan wanengit dôtoak lahma dângwah, ereheh dangeka Joban Ju wanengit pa dângwah.

LOATKHESOK 8:10

Erediko wanrem kowah ngintatte pumma ate poakpopo pa rahmetwah. Phumma merit dôngmõang wennan rãngrãng dôlahma rangkhethung wah phekat lahma thiakremrãng jodongla ngale joanchha hehnâng chatjâwah.