MATHIU 24:3 - NIEMNYAN Naga NT (BSI)

³ Jisu Oliv Hahhokho ko tôngpoatko, ate dijunte heh ate tâko mihnâng lejetrii thangma hokwah. Thinma Jisu nâng ngatwah, “Arepa chenthu dângmin a” erepa ninâng thôkohhi, “Ngale nang ngakkat sanpoat, erediko rangle hahtokkhoh thôan sanpoat pa khesokrãng chenroh dângmin a ngama chhienwah.”

MATHIU 24:3 Iomraidhean Croise

MATHIU 13:36

Chenthu Jisu loangchhang pa phethien lahma humkhen nâng lupwângko, ate dijunte heh ate tânâng junwãng lahma Atenâng ngatwah, “Pitwah hin nginthakthô pa chenni nâng ngaeka erepa ninâng ngaksen thôkohhi.”

MATHIU 13:49

Rangle hah thôan sanpoat komin erohjô dângmin: rangwah Joban ngintatte heh chhoan lahma mihnyan chhih heh mihnyansen chhang wah ekhôansiet a

MATHIU 15:12

Erediko dijunte heh ate tânâng hûlahma Atenâng ngatwah, “Nangma jet ekole, nangma chennijab eko erepumma Farasi heh hungnâng chet reka?”

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 17:19

Erediko dijunte heh Jisu tânâng thin lolo hûlahma Atenâng thôngphâ wah, “Nima chenrãngma juchhih pa letajunlo rekia?”

MATHIU 21:1

Jisu le ate dijunte heh Jeroselem nâng hunemnem dângko, Oliv hahho wah Batphas theko hokwah. Erethe kowah Jisu ma ate dijunte wanii pa thinmako chienwên lâwah

MATHIU 24:27

Chenrãngma ngako Mihnyan Chha katpa rangdeng khiapda sankatma sannyup nâng rângdanliap arãngrãng katmin.

MATHIU 24:30

Erediko Mihnyan Chha ngakkat sanpoat pa jetrãng rangkho nâng ajatjat hong lahma ekhe e; ngale Mihnyan Chhapa rangkho wah phoam khohko tonglahma chaan ahâng ngale phiakto phiakja katpa khelahma hah khohwah mihnyan heh phangtang esepwak a.

MATHIU 24:37

Mihnyan Chha ngakkat pa Noa sanpoatko chenroh dangtah a ererãngrãng dângmin.

MATHIU 24:39

Jodông pumma malumlumko thinma chenni dangeka ere pejô lethonghun dângwakwah. Mihnyan Chha katjâ komin ererãngrãng dângmin.

MATHIU 24:43

Hum tângtewa pumma ahuhte hok sanpoat pa mejet ako, atema bemtong lahma ahuhteko humpa lehuh thukmin.

MATHIU 28:20

Ngale ngama nenâng chentô thôkotah ngin heh keprãng hethô en. Ngale nga nedemnâng roantang roanjêngma athôan kotuk ejoh tonga.”

LUK MA RAANGWAH NGINKONGSEN 21:7

Thinma thôngphâ wah, “Hethôte, arepa chenthu dângmin a? ngale areheh dângrãng sanpoat pa lâthângtah ngama jetrãng chenni dângmin a?”

MOATLEM 1:7

Jisu ma thinnâng ngatwah, “Rangkuh sanhapa ngawama ate chaan koba hôaneka, erepa chenthu dângmin a epa nema jetthin dangmah.

HIBRU 9:26

eroh dângngako, atemin rang ahah hôanthu mejô butbut chêmrii lahma dângmin wah. Phumma, chentô rangkuh sanha hehrangma athôan sanpoat pa namhok phumma, atema roantang roangjêng rãng rekthe lolo kalahma, atedede roandôngpa kohlahma pap heh sâsiet kakoh ehi.