MATHIU 24:14 - NIEMNYAN Naga NT (BSI)

¹⁴ Ngale are rangkhethung Hahsông Nginkongsen pa hahtokkhoh phangtang nâng chentô mihnyan nyuchha nâng phoangthôkoh mêngmin; erediko athôan sanpoat pa ehûra.

MATHIU 24:14 Iomraidhean Croise

MATHIU 10:7

Chhoan letma thôchhoankoh en, ‘Rangkhethung Hahsông pa lânam katha!’

MATHIU 18:19

“Ngale ngama nenâng ademin thôkoh eka: Are hahtokkhoh ko nekhu wah wanii hungjut letma chenni rãng komin rangmesoam enko, rangkhethung wah nga Wa Joban ma erepa nerãng emokohhèn.

MATHIU 24:3

Jisu Oliv Hahhokho ko tôngpoatko, ate dijunte heh ate tâko mihnâng lejetrii thangma hokwah. Thinma Jisu nâng ngatwah, “Arepa chenthu dângmin a” erepa ninâng thôkohhi, “Ngale nang ngakkat sanpoat, erediko rangle hahtokkhoh thôan sanpoat pa khesokrãng chenroh dângmin a ngama chhienwah.”

MATHIU 24:6

Nema ne kêanâ jêngkomin ngale hahtaang nângmin ranloatmîn ngin echohtat en; rohkomin neksekmah en. Athôan sanpoat hokmako eroh ebengdanga, rohkomin erepa athôan sanpoat pa dangmah.

MATHIU 4:23

Jisu ma Galili jaatang nâng phoangkhoam lahma Sanagog hehnâng hethô, Joban Hahsông Nginkongsen pa phoangthôkoh, ngale jatrup khoanchet, khun atamte heh mesiet rewah.

MATHIU 9:35

Jisu chentô diak ajaa ngale hahdaang rupnâng phoangkhôam wah, atema Joban Hahsông nginkongsen pa chentô Sanagog hehnâng phôangthôkoh wah, ngale jatrup khoanchet, khun atamte hehmin sênsietwah.

MAK MA RAANGWAH NGINKONGSEN 13:10

Rohkomin athôan sanpoat hokmako, Nginkongsen pa chentô mihnyan nyuchha nâng bengchoh thômêng kohmin.

LUK MA RAANGWAH NGINKONGSEN 2:1

Augustas pa Chofa dângpoatko Roman Chofa khenwah chentô diakwah mihnyan heh khoroakweih rãng chienwah.

LUK MA RAANGWAH NGINKONGSEN 24:47

ngale ate mînko, Jeroselem hahma bângthun lahma chentô diak akan hehnâng papmoatlem wah hungngaklit ngin ngale pap heh mapkoh ngin phoangthô kohmin.

LUK MA RAANGWAH NGINKONGSEN 4:5

Erediko juchhihma wanthe thechoang khonâng sietwên lahma dekkhîn nyekko hahtokkhoh wah chentô hahsông heh atenâng khesokwah.

MOATLEM 1:2

ate rangkhethung nâng tôansietwên tôkotuk chenni motah a ereheh raang ekang. Ate rangkhethung nâng tôansietwên mako, Asâthôanju chaanma atema ate moattat chhoante rãng rentah mihnyan hehnâng hethô thienwah.

MOATLEM 11:28

Mõng heh chhangwah wathe ate mînpa Agabas, Joban Ju chaanma toanchep lahma hahtokkhoh phangtang nâng rêmchhih hok lâthangtah ngama thôwah. (Erepa Kladias pa Chofa dâng sanpoatko hokwah.)

MOATLEM 17:31

Ade phumma atema renlahma thieneka mihnyan pumma hahtokkhoh pa toangtangma rênrãngma rangwo kahtok lahma thieneka. Are nginpa linlin ngama chentô nâng jetthuk rãng atema ere mihnyan pa ritwah ngakhinthuk lahma khesok eka!”

MOATLEM 17:6

Phumma thinma Pol le Silas nii lechoh dâng phumma Jason ngale ahan putedâlemte heh lolahma hahdaang wah thôte jabte heh tânâng siethû lahma rakwah, “Are mihnyan hehma chentô thenâng phoangjamsiet eka! Athângheh nãng hahnâng hûwak era,

MOATLEM 19:27

Are nãngma ngunbî moatlem moeki pemin chhihjâ lâthangtah, ngale erepa lolo ledang Artimis joban rangsoamhum ngale Artimis joban nâng lesoamtu emahjâa, are joban ko Asia diaktang ngale hahtokkhoh wah phangtangma soamtô eka!”

MOATLEM 20:25

“Ngama Joban Hahsông Nginkongsen pa phoangthô lekma nekhu demnâng dângwah. Ngale ade phumma ngama jet ekang nekhu henmemin nga lechoh khetumin.

ROMAN HEHNÂNG POLMA RAANGWAH SITI 10:18

Rohkomin Ngama thôngpha eka: Linlinjô thinma Nginkongsen pa chohtat hone? Thinma chohtattah - chenrãngma ngako Joban nyapraangma ngaeka: “Thin jabkhab kahra pa hahtokkhoh phangtangma khêmtattah; ngale thin jabkhab pa rangkhen hahtokma khêmtattah.”

KOLOSIEN 1:23

Erohwah, nekhuma rongtêngtêng senthemthem putedâlem en. Ngale chenthu nema Nginkongsen chohtat letma dâlemtet a erekowah nekphõngtu en. Are Nginkongsen rãngma Nga Pol min haa rãngrãng dangekang - are Nginkongsen pa hahtokkhoh ko chentô nâng phoangthô koheka.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

HIBRU 1:6

Rohkomin chenthu Joban ma ate Chha khhepho pa hahtokkhoh nâng chienkat rãng ngatko, atema ngatwah, “Chentô rangwah Joban ngintatte hehma atenâng soamtô min.”

HIBRU 2:5

Joban ma rangwah ate ngintatte hehnâng ahokmin hahtokkhoh nyan pa pênthukmah - nãngma ere hahtokkhoh nyan junma thômîn eki.

LOATKHESOK 14:6

Erediko Ngama ahan ngintatte rangkho choangwah pongwut nâng, hahtokkhoh wah mihnyan hehnâng, chentô jat apat, jab ajâ, ngale diak akan hehnâng roantang roanjêng lethôan Nginkongsen phoangthô kohrãng phoangpu lahma khewah.

LOATKHESOK 16:14

Ereheh a patritli moatlem moatte joak ajo heh ju. Are ju wanrem pa hahtokkhoh wah chentô Lowang heh tânâng chhoan lahma Joban Dongthôan Rangwo jâko aroamma danglahma loatmîn rãng khôansiet mînwah.

LOATKHESOK 3:10

Chenrãngma ngako nema Nga hôkum kepletma hungmôngmông dangletma tadô eken, ngale chentô mihnyan nyuchha heh thatsokrãng hahtokkhoh ko chêmchei hok sanpoat komin Ngama nekhu pesiet lahma ethien a.