MATHIU 24:13 - NIEMNYAN Naga NT (BSI)

¹³ Phumma henhen athôankotuk rongtêngtêng putedâlem eka ereheh meba khope chohmin.

MATHIU 24:13 Iomraidhean Croise

MATHIU 10:22

Anga ngama ngajunma nenâng emitchek hèn. Rohkomin henhen pa athôan kotuk dâlemsen lektong eka ere hehba khope min.

MATHIU 24:12

Ererãngrãng achhihpa liamlahma ajahthem mihnyan wah hun achetmîn pa emahjâa.

MATHIU 24:6

Nema ne kêanâ jêngkomin ngale hahtaang nângmin ranloatmîn ngin echohtat en; rohkomin neksekmah en. Athôan sanpoat hokmako eroh ebengdanga, rohkomin erepa athôan sanpoat pa dangmah.

MAK MA RAANGWAH NGINKONGSEN 13:13

Anga ngama ngajunma nenâng emitchek hèn. Rohkomin athôan tokokiet henhenpa dâlemsen danglahma lektong eka ere hehba khopemin.

LUK MA RAANGWAH NGINKONGSEN 21:19

Putedâlem nâng rõngtângtâng dangen, erohkoba nedede eta pesietrii en.

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

1 KORINT 1:8

Atema athôanjâ tôkotuk rongtêngtêng edangthuk hèn, ere junkowah, nãng Teso Jisu Krista loathôngkat Rangwo jâko chenni nângjô lethe edangen.

HIBRU 10:39

Nãnga Joban tâwah ngakchhoan lahma mahritte mihnyan heh dangmih. Erenoma, nãnga Joban nâng putedâlem lihma khopete mihnyan.

HIBRU 3:14

Chenrãngma ngako, nãngma khebengwah putedâlemtih rãngrãng athôan kotuk rongtêngtêng medang eko, nãngkhu anga nga Krista demnâng aroamma etadange.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

LOATKHESOK 2:10

Nema chenni chêmcheijô mechoh enkomin nekchei en. Tattan en! Juchhih ma nekhuwah wawathe pa phâtek nâng khhek lahma hung ethaktoan hèn, ngale phumma ne chêm pa jâechhi rãngba eta lekchêm en. Nea lânrii rohjô mechêm enkomin, Nganâng senthemthem putedâlemha, ngale erohkoba Ngama nenâng ajien thãpa roandông ekoh a.