MATHIU 23:8 - NIEMNYAN Naga NT (BSI)

⁸ Phumma nenâng ‘hethôte’ ngama leroomin, chenrãngma ngako, nekhua pho anaa tuta, ‘hethôte’ pa wathe loloba tonga.

MATHIU 23:8 Iomraidhean Croise

MATHIU 10:25

Erohwah ahete pa hethôte rãngrãng dângko rinmemin, ngale haapa ate tângtewa rãngrãng dângko rinmemin. Humkâ kowah khhepho thôanko Bilzibul ngama menga ako, humkhen kowah ahan mihnyan heh nângjã chentô chhih ngatmin a!”

MATHIU 17:5

Ate jabmîn thuko, thinkhoko phoam phiakjaja bukhok wah, ngale phoam kowah jabkhab hongjab lahma ngatwah, “Arepa nga Chha linlin, ngama Atenâng nyahrãng hun ekang, ngale nga ate demnâng nyahrãng rinme ekang-ate ngin tat en!”

MATHIU 23:10

Ngale nenâng ‘lemsênte khhepho’, ngamemin leroomin, chenrãngma ngako nekhurãng ‘lemsênte khhepho’ wathelolo tonga, arepa Krista.

MATHIU 23:7

Thinma bôjat nângmin mihnyan hehma thin ranchei nungma rânjab huneka, ngale ‘hethôte’ ngama roohun wakeka.

MATHIU 26:25

Chen asãngte Juda hongjab lahma chhienwah, “Hethôte, nangma nganâng lenga ehanga?” “Nangma lâpun jabtoh,” ngama Jisu ma dânthâng wah.

MATHIU 26:49

Juda Jisu tâko tintin wãng lahma, “salem hethôte”, ngama ngatwah, ngale erediko atema Jisu nâng chupwah.

MAK MA RAANGWAH NGINKONGSEN 10:51

Jisu ma atenâng chhienwah, “Ngama nangrãng chenni moatkoh hun eko?” Mitdoakwa pumma dânthâng wah, “Hethôte,” “Nga mitma khehun ekang.”

MAK MA RAANGWAH NGINKONGSEN 11:21

Piter ma chhemthonghun lahma Jisu nâng ngatwah, “Sûtan, Hethôte, nangma temtoh phukbãngpa choakjâtah!”

MAK MA RAANGWAH NGINKONGSEN 14:45

Juda hokkhôam rienrien Jisu tâko wãng lahma, “Hethôte!” ngama roowah, ngale atenâng chupwah.

MAK MA RAANGWAH NGINKONGSEN 9:5

Piter ma hongjab lahma Jisu nâng ngatwah, “Hethôte, nãng aretheko tôngpa chentôsên a! Nima tembu humwah phangrem hoan e, nangrãng phangthe, Mosa rãng phangthe, ngale Ilija rãng phangthe hoan e.”

LUK MA RAANGWAH NGINKONGSEN 22:32

Simon, rohkomin ne putedâlem pa nekchen chhihjâ eken ngama rangsoam koh eka. Ngale chenthu nanga ngatânâng mengak huthoko nangpho anaa heh hung dongsiet o.”

JON MA RAANGWAH NGINKONGSEN 1:38

Jisu ma litphong lahma ngiaksok katko ate diko junkhoam lahma khewah, ephumma atema chienwah, “Nema chenni lemsû eken a?” Thinma dânthâng wah, “Rabi, Nanga chenko songkoa?” (Are ngaeka pa “Hethôte” nâng ngaeka.)

JON MA RAANGWAH NGINKONGSEN 1:49

Nathaniel ma dânthâng wah, “Hethôte, Nanga Joban Chha! Nanga Isrial heh Lowang!”

JON MA RAANGWAH NGINKONGSEN 11:8

Dijunte hehma dânthâng wah, “Hethôte,” “Enângwah mihnyan hehma nang longma ritpetrãng phungtahwah chentô mataang eka; phumma nanga enâng ngakwâng phung ekoa?”

JON MA RAANGWAH NGINKONGSEN 20:16

Jisu ma atenâng, “Mariam” ngama roowah. Mariam ma Jisu ngeko litphong kalahma Hibru jabma, “Raboni!” ngama ngatwah, (Arepa “Hethôte” ngaeka.)

JON MA RAANGWAH NGINKONGSEN 3:2

Jâthe rangpen nâng Jisu tânâng wãng lahma atenâng ngatwah, “Rabi, nima ajet nanga Joban ma chienkatwah hethôte. Henmemin nangma moeko rãngrãng patritli heh leta momin chenthu ate demnâng Joban chaan letong kako.”

JON MA RAANGWAH NGINKONGSEN 3:26

Ephumma Jon tânâng wãng lahma thinma thôkoh wah, “Hethôte, nangma thonghun ekole Jordanjo rãngma sankat ngewah nang demko mihnyan wathe dangtah pa, nangma mihnyan hehnâng ate junma thôkotoh pa? atema athângheh baptijem koheka, ngale anga nga ate tânâng hûeka!”

JON MA RAANGWAH NGINKONGSEN 4:31

Ere sanpoatko dijunte hehma Jisu nâng ngatwah, “Hethôte, chenni komin phhekchhah o!”

JON MA RAANGWAH NGINKONGSEN 6:25

Chenthu mihnyan hehma Jisu josi rankanâng chohkhe phumma thinma atenâng ngatwah, “Hethôte, nang aretheko chenthu katoh a?”

JON MA RAANGWAH NGINKONGSEN 9:2

Ate dijunte hehma atenâng chhienwah, “Hethôte, Hen pap junma atea mitdoak chhaeka? Atedede pap junko ale ate nyong awa heh pap junko mitdoak chhaeka?”

2 KORINT 1:24

Nima nenâng metkepkep putedâlem min jôba ngama khetlomah; Nima ajet nea putedâlem nâng rongtêngtêng dangletma tongeken. Rohkomin nekhu dede khuhah nâhah dângrãngma jôba nekhu demnâng johroam moeka.

2 KORINT 4:5

Chenrãngma ngako arepa nidede ngin phoangthô dangmih; Nima Jisu Krista pa nãng Teso ngama phoangthôeki, ngale nikhua Krista mînko nekhu haa ngama phoangthôeki.

IFISIEN 3:15

ate ngewah jôba rangkhethung wah ngale hahtokkhoh wah chentô humkâ hehma toangtang mînpa choh eka.

FILIMON 1:16

Ngale ade phumma atea haa lolo dangtumah, haa nomemin asen lâdangtah: ngale atea Krista mînko naa rãng lâdangtah. Ngama atenâng chentô hun ekanga! Ngale nangmemin atenâng erenoma ajah ehun o, nangma atenâng haa rãngrãngmin ehun o, ngale Teso mînko naa rãngrãngmin hun o!

JEMS 3:1

Ngalemruchha heh, nekhuwah ahethôte ajah nekdangen. Nema ajet, ni ahethôte dangeki hehnâng achhih asenpa mihhan heh noma abâm erenhi.

1 PITER 5:3

Nema sokare rãng kohthen mihnyan heh khoko pênletma nekngam poarii en, rohkomin ere mihnyan hehnâng nema asen khesok en.

LOATKHESOK 1:9

Nga a nepho Jon, ngale Jisu dijunte dângjunko ngale ate Hahsông rãng dângte hehnâng chêmchei hûeka heh nekhu demnâng aroamma hung arin môngsiet lekma tadôekang. Ngama Joban Jabkhab ngale Jisu ma loatkhesokthi toangtang nginpa phôangthôkoh junko jotungwah Patmos hahko thienwên wah.

LOATKHESOK 19:10

Ngama atenâng soamtô rãng ate dathongko khupjup wah, rohkomin atema Nganâng ngatwah, “Aroh nekmo! Ngamin nang rãngrãng erediko putedâlemte mihnyan ahan, ngale Jisu ma loatsiet eka hehnâng toangtangko rongtêngtêng danglahma tôngte heh rãngrãng haa jôba. Joban nângba soamtô o!” Chenrãngma ngako, Jisu ma loatsiet eka toangtang junma Mõng heh Joban ngin phoangthô rãng chaan choh eka.

LOATKHESOK 22:9

Rohkomin ngintatte pumma Nganâng ngatwah, “Aroh nekmo! Ngamin nang rãngrãng erediko nangpho anaa, ngale mõngheh, erediko are titab kowah jabkhab heh nginkepkep dângte heh rãngrãng haa jôba. Joban nângba soamtôo!”