MATHIU 23:5 - NIEMNYAN Naga NT (BSI)

⁵ Thinma chentô moatlem pa mihnyan hehma chenkhehi ngama hunlahma moeka. Thin khowah khhek eka khet ngale thin phhekthem wah khhek eka khet hehnâng sûtan en, Joban nyapraang pa raanglahma khhek eka, sûtan en chentôdông khhek eka, ngale thin khetsa wah sitkhhek eka riisa heh chentôloat thien eka!

MATHIU 23:5 Iomraidhean Croise

MATHIU 9:20

Dihiaknyu wathe echhi pânii heichhoan khoanchetma chêmte Jisu tokdiko hûlahma Jisu khetsako sahloatwah.

LUK MA RAANGWAH NGINKONGSEN 16:15

Jisu ma thinnâng ngatwah, “Nea nededema mihnyan heh mitsokko toangtang rãngrãng dangrii eken, rohkomin nehung pa Joban ma ajet. Chenrãngma ngako chenre pa mihnyan rãngma nyahrãng alemli thôan dangeka erepa Joban rãngma sekhota.

LUK MA RAANGWAH NGINKONGSEN 20:47

Thinma janthoinyu heh helêmrãng keplahma thin humpa longchhah rewak eka, ngale thinnâng rang lolili soamlahma khesok rewak eka. Erethã thinma ajahthem chêmchhih echohwak a!”

JON MA RAANGWAH NGINKONGSEN 12:43

Thinma Joban wah rô chohhun noma mihnyan hehwah rô chohba hunwah.

JON MA RAANGWAH NGINKONGSEN 5:44

Nema wathema wathe rângthômin hun eken, rohkomin nema wanthe lolo Joban pumma rângthô pa hunmet; eroh medang enko nema nganâng chenroh ejien putedâlem ha?

JON MA RAANGWAH NGINKONGSEN 7:18

Henhenma thindede chaanko jabeka erepumma atedede mîndôngpa ehun a. Rohkomin henma ate chienkatte mîndôngrãng huneka erepa toangtang, ngale atenâng chenni athejô aho.

FILIPIEN 1:15

Khaka hehma thin a mihphet mihwan danglahma Krista nginkongpa phoangthô tadangthem a, rohkomin khaka hehma linlin hungsen rinsen ma phoangthô eka.

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

2 THISALONIKA 2:4

Atema chentô joban ngale soamtô rewak eka heh lelatnâng danglahma atedede thin khohko dongrii lahma etonga. Atea Joban Rangsoamhum khennângmin tonghu lahma Joban ngama engariia.