MATHIU 23:13 - NIEMNYAN Naga NT (BSI)

¹³ “Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mihnyan hehrãngma rangkhethung Hahsông lempa tangsekkoh eken, ngale nededemin ereko wãngmet, erediko eretheko wânghunte hehmin nema wãngthukmet!

MATHIU 23:13 Iomraidhean Croise

MATHIU 23:16

“Mitdoak dangletma lemsente heh, nekhu rãngma chentô chhih dângmin a! nema aroh hethô eken, ‘Henma komin Rangsoamhum mînchheh lahma toam mesem ako, atema sekho nâng sem eka; phumma Rangsoamhum khenwah kem mînchheh lahma mesem ako arepa sekwin nâng sem eka.’

MATHIU 23:23

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema chentô rangkuh sanha roakweih rongrup pôari, pheru wahra, hehwah Joban nâng thãkho kohhu eken, phumma Mosa Niem kowah alemthôan Niem pa nema momet, mihbab mihbâm ledang, mihnâng mînchen, ngale toangtang ererãngrãng heh nema momet. Ahan heh moatleko nema ereheh bengmoatmin dângwah.

MATHIU 23:25

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema ne wankhoang ngale bâti heh tokkhoh pa sâpa eken, phumma, akhenpa nema mihnâng phetwan letma nyenkep wahheh lolo.

MATHIU 23:27

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nea rongma pôhut wah mangruk rãngrãng, tokkhohko sokko sênmõang, phumma akhenko mangrok mangrã sânjâwah lolo.

MATHIU 23:29

“Niemarang hethôte ngale Farasi heh nekhu rãngma chentô chhih dângmin a! Nea ahuhkhoanglep! Nema mõng heh rukpa senthemthem hôankoh eken, ngale toangtang mihnyan riitah heh rukpa soangraang letma khoakhem eken;

MATHIU 3:7

Jon baptisma ate tânâng Farasi le Saduki heh jahmõang baptijem keprãng hok khelahma, thinnâng ngatwah, “Pû heh - Joban ma chêmchei hokthukrãng ngaeka kowah etape en ngama henma thôkoh ehèn a?

LUK MA RAANGWAH NGINKONGSEN 11:52

“Niemarang hethôte heh nerãngma chentô cheili dângmin a! Nema Joban buthi mongthem hethin humko wângthin sâbipa sem eken; phumma nededemin wãngmet, ngale hen wânghun eka erehehmin wãngthukmet!”

JON MA RAANGWAH NGINKONGSEN 9:22

Ate nyong awa hehma arepa Jews heh thôte jabte heh rancheima ngatwah, chenrãngma ngako Jews heh thôte jabte hehma henhenma Jisu nâng atea Misaia ngama putedâlem eka ereheh Sanagog wah junloatmin ngama nginpatwah.

JON MA RAANGWAH NGINKONGSEN 9:24

Eredikomin mitdoak dângwah sentah pa rekthe thengak roolahma atenâng ngatwah, “Joban mathahko toangtang thôang ngama toamsem o! Nima ajet are nang sênsiette mihnyan pa papi mihnyan.”

JON MA RAANGWAH NGINKONGSEN 9:34

Thinma dânthâng wah, “Nanga achhat mejû papi chhaeho - phumma nangma ninâng hethô hun ehia?” Ephumma thinma atea Sanagog wah junloat rewah.

MOATLEM 13:8

Rohkomin jâdu jette Ilimas ma atenii lelatnâng danglahma jektâng wah (arepa Bar - Jisu nâng Griik jabma mîn lahma dângwah), ngale Govono ma Jisu nâng putedâlem pa atema jeksietrãng phungwah.

MOATLEM 5:28

Atema ngatwah, “Nima nenâng are mihnyan mînpa kepletma mihnyan hehnâng nekphoang hethôtu en ngama jektengtah dangmahne,” “Phumma sûtan en nema chenni moeken a! Nema Jeroselem phangtang nâng lâphoang hethôtet, ngale nema are mihnyan riitahpa nikhonâng phehun ehia!”

MOATLEM 5:40

Thinma moattat chhoante heh humkhen nâng ngakroo lahma watlahma Jisu mînko chenthumin nekthe phoangthôtu en ngama ngalahma thînphêwah.

MOATLEM 8:1

Ngale Sol memin Stifen ritphe pa asen ngama ngatwah. Erejâ phumma Jeroselem wah Asâthem hehma nyahrãng chêmchhih bengchohwah. Putedâlemte heh phangtang Judia ngale Samaria diaktang nâng phoangphân chhoanwah, moattat chhoante heh loloba lephanchhoan thangma tôngwah.

2 TIMOTHI 3:8

Janis le Jambris nii Mosa lelatnâng dangtah rãngrãng, are mihnyan hehmin toangtang lelatnâng dangwak eka - are mihnyan heh kheri ma senthemthem momah, ngale thin a putedâlem nângmin achhih.

2 TIMOTHI 4:15

Nangmin atema nekchen chêmsiet ehoma atewah jetlohma dango, chenrãngma ngako atea nãngma thôeki nginkong heh lelatnâng nyahrãng cheili dangeka.