MATHIU 21:41 - NIEMNYAN Naga NT (BSI)

⁴¹ Thinma dânthâng wah, “Ere mihnyan chhih heh atema ritphe erea”, “ngale angurthong pa angur chum sanpoatko atenâng senthemthem kohte mihnyan hânnâng aroamrãng engak mothuk a.”

MATHIU 21:41 Iomraidhean Croise

MATHIU 21:34

Chenthu angur chum lahma khôanpûn rangkuh hokphumma, tângte pumma aroamrãng mothuk thientah heh tâko ate thiak thârãng ate haaheh chienkat wah.

MATHIU 21:40

Jisu ma thinnâng chhienwah. “Phumma, angurthong tângte wapa mehû theko, atema aroamrãng mothuktah mihnyan hehnâng chenni rêmin a?”

MATHIU 21:43

Jisu ma ngatwah, “Ngama nenâng thôkoh eka,” “Joban Hahsông pa newah toanchhoan lahma kaamsen moatte hehnâng ekoh a.”

MATHIU 3:12

Ate chhah chaaprãng ate dekko wenkhoang sem eka, chhahsek sekpa pumko ekhôanthien a, ngale chhahphathoak heh chenthujô lemut wenko erokthhek a.”

LUK MA RAANGWAH NGINKONGSEN 20:16

“Ate kalahma ere mihnyan heh phangtang eritpheka a, ngale angurthongpa mihhan demnâng eroam motûa.” Mihnyan hehma erengin pa tatlahma, “Aroh chenthumin dangmah!,” ngama ngatwah.

MOATLEM 15:7

Ajahthem lekchiakmîn diko Piter toanchep lahma ngatwah, “Lemruchha heh, nemajet, melâng rangpâ mako, nekhuchhang wah Joban ma nga Jews ledangte hehnâng Nginkongsen pa thôchhoan kohrãng renwah, erohwah thinma chohtat lahma putedâlem wakeka.

MOATLEM 18:6

Chenthu Jews hehma ate nginlekep thangma atenâng nginchhih ngat phumma, Pol ma ate khet wah bum heh fidoh lahma thinnâng ngatwah, “Nekho lepe medang enko, erepa nedede junmaba lepe dangeken! Erepa ngamet dangmah. Ade phumma nga Jews ledangte heh tânâng echhoan ang.”

MOATLEM 28:28

Ngale pol ma jekthôwah: “Nema arepa jet en, Joban ngewah khope nginpa Jews ledangte hehnâng matchhoan eka. Thinma ejetat a!”

MOATLEM 28:8

Publius wa pa khun ngale heichhoan ma ate jupthinko dângwah. Pol ate jupthinko wãng lahma, ate khohko dekma sahlo lahma rangsoam kolahma mesietwah.

1 THISALONIKA 2:16

Thinma ninâng Jews ledangte hehnâng thin khope chohthin nginkongsen phoangthôkoh pa jektang ehi. Eroh thinma thinpap khohko pap dêchong moeka. Ngale ade phumma Joban rinkhah pa thin khohnâng kaera!

HIBRU 12:25

Erohwah jetletma dangen, ngale ere hôngjabte ngin letat nekdangen. Henhenma rangkhethung wah Joban ngin are hahtokkhoh ko thôkohte heh nginlekep dangeka ere mihnyan heh henmin leta pemin. Eroh medang ako, nãngma rangkhethung ma hahtokkhoh ko jabkatte ngin lekep medang eko chenroh jienpemin a!

HIBRU 2:3

Eroh medang ako, nãngma areto khope dongthôanpa lekep medang eko chenroh jienpemin a? Khebengko are khope pa Teso ma ate dedema bengloatthô kohwah, ngale henhenma ate ngin chohtattah a ereheh memin nãngnâng arepa toangtang ngama khesok ehi.