MATHIU 21:31 - NIEMNYAN Naga NT (BSI)

³¹ Are chhepho wanii kowah henma thinwa ngin kepeka?” “Khhepho chha pumma,” ngama thinma dânthâng wah. Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.”

MATHIU 21:31 Iomraidhean Croise

MATHIU 12:50

Hen-henma rangkhethung wah nga Wa Joban ma huneka ere moatlem heh moeka ere hehba nga pho, nga nya, ngale nga nyong.”

MATHIU 18:3

ngale atema ngatwah, “Ngama nenâng nginlinlin thôkoh eka, nemin hung arin litletma are letachha rãngrãng ledang kenko, rangkhethung Hahsông thenâng chenthumin leta chohwãngmin.

MATHIU 20:16

Ngale Jisu ma jekthôwah, “Erohwah henhen khedinâng dangeka, ereheh khema nâng edangwak a, ngale henhen khema nâng dangeka, ereheh khedinâng edangwak a.”

MATHIU 21:30

Erediko wapa naadiwa tâko kalahma erohjô ngatkatwah. Phumma naadiwa pumma ‘moka ang’ ngama dânthang lahma mokaho.

MATHIU 5:18

Thonghun en rangle hah chentô lektong eka, eretôko Niemarang nyapraang kowah phathemin ngale phatû chhamin lemahmin - chentôpa toangtang madang dangkako lemahmin.

MATHIU 5:46

Joban ma chenni rãngma rang ekohhèn a, nenâng hunte mihnyan kololo nema mengak hun enko? eroh pete thãkho thâte mihnyan hehmemin moeka!

MATHIU 6:5

“Chenthu ne rangsoamko, ahuhkhoanglep heh rãngrãng neksoam en! thinma anga ngama chenkhêm khehi ngama, rangsoamhum nâng toanchep lahma soamhun eka, ngale noknyu lemdong hehnâng soamhun eka. Ngama linlin thôkoh eka thinma chohthinpa phangtang râchohtah.

MATHIU 7:21

“Teso, Teso, ngama nganâng roote chentôpa rangkhethung nâng leta wãngmin, rangkhethung wah tôngte Joban ma huneka moatlem moatte heh loloba tâwâng min.

MATHIU 9:9

Jisu erethe kowah loatkhoam chhoan thuko, thãkho thâte mînpa Mathiu ate Ofic ko tonglahma khewah. Phumma, Jisu ma Atenâng ngatwah, “ngadijun hang.” Mathiu toanchep lahma ate dijun wah.

LUK MA RAANGWAH NGINKONGSEN 15:10

Ererãngrãng, Ngama nenâng thôkoh eka, wathe papi mihnyan hungngak litko rangkhethung wah Joban ngintatte heh khuhah eka.”

LUK MA RAANGWAH NGINKONGSEN 19:22

Tângte pumma atenâng ngatwah, ‘Nanga haachhih! Nangdede jabkhab junko ngama nangnâng echêmsiet e! Nangma ajet nga mihchhihjat ngama, ngale chenpa ngarãng ledanga erepemin ngama rângkep ang ngama, erediko ngama lekhiat leliwah hehmin rângkep ang ngama.

LUK MA RAANGWAH NGINKONGSEN 7:29

Mihnyan chentôma ate ngin pa tatwah; ajahthem pejô thãkho thâte hehma Joban nginpa kepwah ngale thinnâng Jon ma baptijem kohwah.

JON MA RAANGWAH NGINKONGSEN 3:3

Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 3:5

Jisu ma dânthâng wah, “Ngama nangnâng toangtang thôkoh eki” “Henmin jo ngale Juma lechha kako Joban Hahsông thenâng leta wãngmin.

MOATLEM 17:30

Khemako mihnyan hehma Joban lejet sanpoat wahpa Joban ma lâlien sûtah, rohkomin ade phumma chentô thewah mihnyan hehnâng thin kaamchhih hehwah hungngaklit rãng chieneka.

ROMAN HEHNÂNG POLMA RAANGWAH SITI 3:19

Nãngma ajet, Niemarang kowah chentôpa Niemarang khenko sôngte hehrãngma raangeka, ngale Niemarang pumma mihnyan heh phangtang kihtong thuk eka ngale hahtokkhoh mihnyan phangtang Joban ma eren a.

ROMAN HEHNÂNG POLMA RAANGWAH SITI 5:20

Niemarang pa mihnyan nyuchha hehma papkaam jahmoat rãngmaba hongeka; rohkomin papkaam pa jahmoat phumma, Joban wah mînchenchaan pemin erenoma ajah bâmhong eka.

2 PITER 3:9

Wanwanthe ma thonghun eka rãngrãng, atema moatrãng toamsem tah pa Teso ma lemoma lekthien dangmah. Erenoma, ate hungpa nedemnâng môngsiet lahma tongeka, chenrãngma ngako atema henjô chhihsiet hunmah, anga nga papwah hunglit lahma chenngak hûra ngama huneka.