MATHIU 21:19 - NIEMNYAN Naga NT (BSI)

¹⁹ Tema lemkahko phukbãng khelahma phukri lêmsokrãng katwah, phumma phukri lechoh thangma adek lolo tônglâwah. Ephumma atema bãngko “nangma chenthumin penri leri tumin!” ngama ngatwah, ephumma lemlienma phukbãngpa choakjâwah.

MATHIU 21:19 Iomraidhean Croise

MATHIU 21:20

Dijunte hehma arepa khelahma patrit rewah. Thinma thôngphâ wah, “Phukbãngpa lemlienma chenroh jienchoak jâeka?”

MAK MA RAANGWAH NGINKONGSEN 11:14

Phumma Jisu ma Phukbãngko, “Henmemin nangwah phukri lechoh chhahtumin!” ngama ngatthien wah. Ere ngatpa ate dijunte hehma leptatwah.

MAK MA RAANGWAH NGINKONGSEN 11:20

Eredijâ rangkhah rangkhoma, thin lemko khôam jenjenko phukbãngpa lepkhewah. Ere phukbãngpa phak ara ma bãngrin tôkotuk choakjâ lahma dângwah.

LUK MA RAANGWAH NGINKONGSEN 3:9

Wâka pumma bãngpa thong arinma joatpherãng ngama thienlahma tonga; penri risen leribãng chentôpa runjoat lahma wennâng thhekmin.”

JON MA RAANGWAH NGINKONGSEN 15:2

Atema ngawah penri leri bãngphak chentôpa doakphe eka, ngale penri rite bãngphak chentôpa pân reka, erohkoba senthemthem donglahma penri ajah eria.

JON MA RAANGWAH NGINKONGSEN 15:6

Henhen nga demnângjû lejohdang thangma dangeka ereheh a petphe lahma bãngphak choakjâwah rãngrãng echoakjâa; Arerãngrãng bãngphak heh khôantoan lahma wennâng phêkatmin, ngale ere wenko jemkhâm erewak a.

2 TIMOTHI 3:5

Thinma rangsoam niem pa mînrãng lolo keplahma, alinlin rangsoam niem chaanpa thinma lekep edanga. Arerãngrãng mihnyan heh demwah ataangreo.

TITAS 1:16

Ere hehma thin a Joban jette mihnyan ngama ngarii wakeka, rohkomin thin moatlem junko thinma Joban ngin kepmah. Thin a nyahrãng chinnyali ngale ngin lekepte, chenni moatlemsen moat akat rãngjô senmah.

JUD MA RAANGWAH SITI 1:12

Thin a rêsê thhenkhoan hothangma nekhu aroamma hun achhâmin letma jokphhek chhah ekenpa ngeksiet ehèn. Thinma thindede rãnglolo ba thonghunrii lahma sekmah wakeka. Ngale thin a rangpat aho phoam pôngma rângmetphea rãngrãng. Ngale thin a penririi rangkuh komin penri lerite bãng rãngrãng, ngale bãngthongrin ma phuphe lahma choakjâ lahma ritte bãng rãngrãng.

LOATKHESOK 22:11

Henhen pa achhih a erehehma kaamchhih moatjûjû emowak a, ngale henhen pa ngek atek a erehehmin ngek atekjû dângmin; ngale henhen pa asen a erehehma kaamsenjû moatmin, erediko henhen pa Asâthôan a erehehmin Asâthôanjû dângmin.”