MATHIU 20:8 - NIEMNYAN Naga NT (BSI)

⁸ “Phumma chenthu sanhêmthah hokko, tângtewa pumma dekbi bite heh sokrãng thieneka mihnyan ko ngatwah, ‘Dekbi bite heh roolohma thinnâng dekbi thãpa koh o, khedithôan wah chepte hehnâng bengkoh lohma khema thôanwah chepte hehnâng khedi koh o.’

MATHIU 20:8 Iomraidhean Croise

MATHIU 20:7

Thinma dânthâng wah. ‘Henmemin ni dekbi birãng sietmahhi,’ ephumma atema thinnâng ngatwah. ‘Roh medang ako, nemin nga angurthong ko kaletma moka en,’

MATHIU 20:9

Wanbangâ sanpoatko dekbi birãng chepte hehnângmin phatherujô kohwah.

MATHIU 25:19

“Melâng rãngpâ diko tângtewa pa ngakhû lahma ate haaheh demnâng atema kohthientah ngunheh phensietmîn wah.

MATHIU 25:31

“Chenthu Mihnyan Chhapa rangkhethung wah ngintatte heh phangtang demnâng Lowang danglahma katko, atea Lowang tôngthinko etonga,

LUK MA RAANGWAH NGINKONGSEN 10:7

Ere humko tongen, ngale thinma nenâng chenni jokphhek chhahthuk ehèn a erepa jokphhek chhah en, chenrãngma ngako moatlem moatte hehnâng thin dekbi pa kohmin. Humthe wah humthenâng nekphoang chhoan en.

LUK MA RAANGWAH NGINKONGSEN 12:42

Teso ma dânthâng wah, “Eroh medang ako henpa dâlemli ngale buthi mongthêmwin haa a? Atenâng ate tângtewa pumma ate chhahkhem heh sûare thuk, erediko hum apum hehmin sûare thuk, ngale haa ahan hehnâng phhekchhah chhah sanpoat thâng roakweih chhahthuk rãng echien a.

LUK MA RAANGWAH NGINKONGSEN 8:3

ngale Joana ate tangwa mînpa Chuza atea Hirot nginpatthin humnâng sahhab dângwah; ngale Susana, eredikomin ajahthem dihiaknyu hehma thindede ngun akem met lahma Jisu le ate dijunte hehnâng chohsû lahma johchhoan wah.

2 KORINT 5:10

Chenrãngma ngako nãngkhu phangtang Krista mathahko atema rênrãngma chepmin. Nãng hei angem roandông poatko henma chenroh motih a erejunko chohmin, asen medang akomin, achhih medang akomin, erejunko anga ngama chohmin.

TITAS 1:7

Chenrãngma ngako Asâthem heh khhepho phannang heh Joban moatlem moatte, erohwah, atea mihma chhihthôli chenmin aho dângmin. Atea ngam poapoa, erediko rinkhahla, khemmok chempa, ngun akem nâng nyahrãng chhahnyoakte min ledangmin.

HIBRU 9:28

Ererãngrãng ajahthem mihnyan heh pap sâsiet kohrãng Krista ma atedede roandôngpa kohlahma ritwah. Phumma ate ademin rekthe engak kara, rohkomin erepa pap sâsietrãng dangmah, rohkomin ate bemlâte mihnyan heh papwah pêsietrãng engak kara.

1 PITER 4:10

Anga ngama, Joban ma mâmâ jatjat hînhô koh ehèn heh senthemthem jienkepte rãngrãng dangletma, nema Joban ngewah chohtet hînhô heh mihhan hehrãng asen dângrãngma kepmin.