MATHIU 20:24 - NIEMNYAN Naga NT (BSI)

²⁴ Chenthu ahan waechhi dijunte hehma erengin pa leptat phumma, ere pho anaa wanii demko rinkhah wah.

MATHIU 20:24 Iomraidhean Croise

MATHIU 20:23

Jisu ma thinnâng thôkoh wah, “Ngama chohmin chêmchei pa linlin nechhe memin etatha en”, “Rohkomin nga dekchahko hentôngmin a, ngale dekhitko hentôngmin a arepa rênrãng nganâng chaan aho. Erethepa nga Wa Joban ma henrãng khoakhem koheka ereheh rãngba.”

MATHIU 20:25

Ephumma Jisu ma phangtang roamroo lahma thinnâng ngatwah, “nemajet Jews ledangjat mihnyan heh khoko thin pênte heh leng achaanrii lahma pên eka, ngale thin lemsente khhepho phannang heh thinkhoko leng achaanrii wakeka.

MAK MA RAANGWAH NGINKONGSEN 10:14

Jisu ma erepa khelahma rinkhah wah, ngale ate dijunte hehnâng ngatwah, “Letachha heh ngatânâng chenwãngra, nekjektangen, chenrãngma ngako, Joban Hahsôngpa are letachha rãngrãng heh thiak.

MAK MA RAANGWAH NGINKONGSEN 10:41

Chenthu ahan waechhi dijunte hehma erepa tatlahma Jems ngale Jon demnâng rinkhah wah.

LUK MA RAANGWAH NGINKONGSEN 13:14

Jisu ma Pientông jâko khoanchette pa sênsiet phumma Sanagog wah sahhabwa pa nyahrãng rinkhah wah, ephumma atema hongjab lahma mihnyan hehnâng ngatwah, “Nãngma jâerok rangwo khenko moatlem heh moatmin; ere rangwo khenko hûletma khoanchet heh chenmesiet hèn, phumma Pientông jâko dangmah!”

1 KORINT 13:4

Hun achet pa hungmông rinmông ngale mînchênwin; mihnâng phetwânmah, ngale atedede rângthôrii mah, erediko ngamrii mah;

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

JEMS 3:14

Rohkomin nehung nâng mihphetwân, hungngek, ngale chhahnyoak, medang enko, nema ne buthi mongthem pa rângthô letma toangtang lelatnâng dangletma pap nekmo en.

1 PITER 5:5

Ererãngrãng leta lechhih hehmin ne khhepho phannang heh khenko thin nginkepkep dangen. Ngale wathema wathe nâng jienchohsok mînrãng nekhu anga nga numnene tuta dangen; chenrãngma ngako Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dangte mihnyan hehnângba senchoh eka.”