MATHIU 20:15 - NIEMNYAN Naga NT (BSI)

¹⁵ Ngadede ngunpa ngama chenroh kohhun ekanga eroh leta kohminne? roh akole nga chhahme dâng phumma nema phetwân eha?’”

MATHIU 20:15 Iomraidhean Croise

MATHIU 11:25

Ere sanpoatko Jisu ma ngatwah, “Ewa, nanga rangkhethung ngale hahtokkhoh Teso! ngama nangnâng dangkoh a ngaeki, chenrãngma ngako, jet ajien hehnâng lekhesok thangma huhriem lohma nokba hehnâng khesok eko.

MATHIU 20:14

Nang dekbi thãpa thalohma humnâng wãngo. Ngama nangnâng chentô koh ekia eretôjô are khedithôan chepte komin kohhun ekang.

MATHIU 6:23

Rohkomin nemit pa achhih medang ako, ne phoangmin rangnyek dângmin. Phumma newah phiak pa aho medang ako, arepa chentô cheili nyek dângmin a!

MAK MA RAANGWAH NGINKONGSEN 7:22

mihdihiak dela kaamchhih moat, chhahnyoak, ngale lihân chentô achhihli heh mothuk ehèn; mihdiapchhah, pongapa, mihphetwan, mihsethô, ngam apoa, ngale bâatâ thukre ehèn-

JON MA RAANGWAH NGINKONGSEN 17:2

Chenrãngma ngako, nangma atenâng chentô mihnyan nyuchha khohko chaankoh eko, ngale nangma atenâng kohtoh hehnâng atema roantang roanjêng lethôan roandông koh eka.

MOATLEM 13:45

Chenthu Jews hehma mihnyan heh khe phumma thinma mitchekwah; ngale Pol ma thôeka ngin heh junma ate demnâng chhiakmîn lahma Pol nâng dûmmek wah.

1 KORINT 4:7

Henma mihhân noma adong dangthuk ehèn a? Nema chentô cheiken heh Joban ma kohwah ledangne? Sen a, eroh medang ako, nema cheiken heh, hînhô ledang rãngrãng chenroh jienrângthô eken a?

IFISIEN 1:11

Chentôpa Joban hung arin ngale ate mongthem junma dangeka; ngale nãngmin Krista demko aroamma ate Chha dângrãngma ren ehi, chenrãngma ngako, erepa atema rangbeng hahbeng thuma chenroh themawa tah a erejunko jôba moeka.

IFISIEN 2:1

Amako nema nginlekep dâng junma ngale pap junko nea Ju nâng riiletma dângwah.

IFISIEN 2:5

nãngma nginlekep dângjunma junâng riilihma dângthuko, atema Krista demko nãngnâng roandông kephû kohehi. Erepa Joban mînchenchaan junma nekhu khope eken.

JEMS 1:18

Ate hung junma ngale ate toangtang jabkhab junma nãngkhu nâng roandông kohehi, erohwah atema chentô tem atiektah hehwah nãngma khebeng thôan thepa choheki.

JEMS 5:9

Ngalemruchha heh, wathema wathemîn nekchhih thômîn en, eroh medang enkoba Joban ma nenâng achhih ngama lenga edanghèn. Aren rangwopa lânam hutha, ngale lâhong eka.