MATHIU 2:4 - NIEMNYAN Naga NT (BSI)

⁴ Atema chentô soam aroakte adong ngale Niemarang hethôte heh aroamma khôanroo lahma thôngphâ wah, “Misaia pa chennge nâng chhatmin a?”

MATHIU 2:4 Iomraidhean Croise

MATHIU 13:52

Ephumma atema thinnâng dânthâng wah, “Are ngaeka pa chentô, niemarang hethôte hehma rangkhethung Hahsông dijunte rãng dangwak eka, erepa hum tângte wama ate pum wah chhahkhem anyan ngale apã aroamma loatsiet rãngrãng dangeka.”

MATHIU 2:3

Chenthu Hirot lowang ma aroh chohtat diko, ate nyahrãng hungkê wah, ngale Jeroselem wah mihnyan hehmin anga nga ate demnâng hungjohkê wakwah.

MATHIU 2:5

“Judia diakwah Bathlehem hahnâng chhatmin,” ngama dânthâng wah. “Chenrãngma ngako Mõng hehma aroh raangwah:

MATHIU 21:15

Soam aroakte adong ngale Niemarang hethôte hehma chenthu Jisu ma patritli moatlem moat kheko, ngale leta lechhih hehma Rangsoamhum khenko, “Devit Chha nâng rô lahma rak tatphumma!” thin rinkhah wah

MATHIU 21:23

Jisu Rangsoamhum nâng ngakhû lahma atema hethô thuko, soam roakte adong ngale khhepho phannang heh hûlahma atenâng thôngphâ wah, “Nangma areheh chenni chaan junma tamo ekoa? are chaanpa henma koh ehoa?”

MATHIU 26:3

Erediko soam aroakte adong ngale khhepho phannang heh soam aroakte adong Kaipas humko aroamma khôanchohmîn wah,

MATHIU 26:47

Jisu ma nginthô thuko echhi wanii dijunte kowah wathe ate mînpa Juda hokkhoam hokwah. Ate demko soam aroakte adong ngale khhepho phannang hehma mihnyan jahmõang dãng apah demnâng chienhokwah.

MATHIU 27:1

Rangkhah rangkhoma chentô soam aroakte adong ngale khhepho phannang hehma Jisu ritphe rãng themawa wah.

MATHIU 7:29

Atea niemarang hethôte heh rãngrãng ledang; chaan demnâng hethô wah.

MAK MA RAANGWAH NGINKONGSEN 8:31

Erediko Jisu ma ate dijunte hehnâng hethô wah: “Mihnyan Chhama nyahrãng chêmchohmin, ngale khhepho phannang, soam aroakte adong, erediko Niemarang hethôte hehma ate roak atoak leweihmin. Atea ritphe erea, rohkomin jârem diko ngakhîn erea.”

LUK MA RAANGWAH NGINKONGSEN 20:19

Niemarang hethôte ngale soam aroakte adong hehma Jisu ere thetheko loatkhhek rãng phungwah, chenrãngma ngako Jisu ma are nginthakthô pa nilelat nâng thôkoh eka ngama thinma jetritwah; rohkomin thin a mihnyan heh ranchei dângwah.

LUK MA RAANGWAH NGINKONGSEN 23:10

Soam aroakte adong le Niemarang hethôte heh khema nâng cheplahma Jisu nâng nyahrãng chaan sekhamwah.

JON MA RAANGWAH NGINKONGSEN 18:3

Juda ma ate demko Soam aroakte adong ngale Farasi hehma chienkatwah Roman sipâhi ngale Rangsoamhum bemte heh sietlahma penri thongko hokwah; thinma dãng apah, wentit, ngale wennan heh semlahma hokwah.

JON MA RAANGWAH NGINKONGSEN 3:10

Jisu ma dânthâng wah, “Nanga Isrial ko hethôte adong wathe, phumma nangma arepa jetmohne?

JON MA RAANGWAH NGINKONGSEN 7:32

Mihnyan hehma Jisu junma huhthômîn pa Farasi hehma leptatwah, ephumma thinma ngale soam aroakte hehma Jisu loatkhhek rãng sipâhi heh chienkatwah.

JON MA RAANGWAH NGINKONGSEN 8:3

Niemarang hethôte ngale Farasi hehma dihiaknyu dela demnâng kaamchhih moatte lohû lahma, thin phangtang mathahko chepthuk wah.

MOATLEM 23:9

Phumma nyahrãng chaanrakmîn lahma, Farasi hehwah Niemarang hethôte hehma tatwah ngale thinma toanchep lahma ngatwah: “Nima are mihnyan ko chenjô achhih chohkhemih! Linlinjô Juma komin ba Joban ngintatte hehma akomin atenâng lâthô kotah!”

MOATLEM 4:5

Eredijâko Jews heh thôte jabte heh, khhepho phannang heh, ngale Niemarang hethôte heh Jeroselem nâng khôanwah.

MOATLEM 6:12

Eroh mothô thôwak lahma thinma mihnyan heh phangtang, erediko khhepho phannang heh, ngale Niemarang hethôte heh Stifen lelatnâng chepsietwah. Ephumma thinma Stifen lolahma ngoang awang heh tânâng siethokwah.