MATHIU 19:28 - NIEMNYAN Naga NT (BSI)

²⁸ Jisu ma thinnâng ngatwah, “Ngama nenâng nginlinlin thôkoh eka, chenthu roannyan pa mehong tahko, Mihnyan Chhapa ate tôngthin phiakko etonga, ngale ngadijunte nekhu echhi wanii pa, ngademko johtong letma echhi jatnii Isrial mihnyan heh pênmin.

MATHIU 19:28 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

MATHIU 19:27

Erediko Piter ma loatjab lahma ngatwah, “Sûtan” “nima chentôpa thînphethien lihma nang dijun eki. Phumma nima chenni chohmin a?”

MATHIU 20:21

Jisu ma atenâng ngatwah, “nangma chenni hun ekoa?” Dihiaknyu ma dânthâng wah, “Nang Lowang medang tohko, are ngachha wanii pa nang dekhit wathe ngale dekchah wathe tongthuk ang ngama toam mamsem o.”

MATHIU 25:31

“Chenthu Mihnyan Chhapa rangkhethung wah ngintatte heh phangtang demnâng Lowang danglahma katko, atea Lowang tôngthinko etonga,

MATHIU 6:33

Ere noma khebeng thôanko Joban Hahsông pa benglem mêngen, ngale atema newah hun ehèn moatlem heh momêngen, erediko nema lemeken chentôpa atema ekohhèn.

MATHIU 8:20

Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MAK MA RAANGWAH NGINKONGSEN 10:37

Thinma dânthâng wah, “Chenthu nang Hahsông phiak kowah Lowang Tongthinko metong tohko, nang demko dekhit wathe ngale dekchah wathe johtong thuk hi.”

MOATLEM 3:21

Joban ma khema thuma ate mõng asâ heh junma loatjabtah rãngrãng, chentôpa anyan litdâng sanpoat pa mahû hûko ate rangkhethung nâng etonga.

2 TIMOTHI 2:12

Nãngma chêmchei pa arohjô mamtadô lihma metong eko, Nãngmin ate demnâng ejohpên e. Nãngma ate lehun medang eko, ate memin nãngnâng lehun edanghi.

2 PITER 3:13

Rohkomin nãngma Joban ma toamsem tahpa bemlaeki: toangtang mihnyan heh sôngthin the rangkhethung nyan ngale hahtokkhoh nyan pa bemlaeki.

LOATKHESOK 11:16

Erediko ate tôngthin mathah kowah tôngte roaknii wabelii khhepho phannang hehma thindede thhenpa hahko khupjup katlahma Joban nâng soamtô wah,

LOATKHESOK 12:1

Erediko rangnâng nyahrãng adong ngale nyahrãng patritli hôngwah. Dihiaknyu wathema ate khet akhurãng san pa kep rewah, ngale ate dakhen ko dâ pa namnek, erediko ate khoko merit echhi wannii pa phok relahma hôngwah.

LOATKHESOK 20:4

Erediko Ngama tôngthin heh khewah, ngale tôngthinko tôngte mihnyan hehnâng arên rãng chaan kohwah. Eredikomin Jisu ma loatsiettah toangtang ngin phoangthôte mihnyan ngale Joban jabkhab phoangthôte mihnyan ritphetah Ju hehmin khetek. Thinma ngemchhih ngale ate moang hehnâng soamtô mah, ngale thinma thin kheng nâng ngale dek hehnâng ngemchhih nemboat hehmin tungmah. Thin ngakhin lahma Krista demnâng Lowang rãngrãng danglahma hahjatthe rangpâ pên eka.

LOATKHESOK 21:5

Erediko tôngthin kowah tôngte pumma ngatwah, “Ngale ade phumma Ngama chentôpa anyan rãng lâhôantek!” Atema Nganângmin ngatwah, “Arepa raango, chenrãngma ngako are jabkhab pa toangtang ngale dâlemli thôan jabkhab.”

LOATKHESOK 22:2

ngale hahdaang mongtang kowah lempumma jênkatwah. Ngale ere jokhô akêruko roandông chohbãng dângwah, ngale ere bãngko rangpâ pâtheko echhi depnii ari riilahma dângwah, dâjeng theko ditthe riiwah; ngale ere bãngdek heh chentô diak akan wah mihnyan heh khoanchet heh mesietthin dângwah.

LOATKHESOK 22:5

Ere hahdaangko rangnyekmin ahotu dângmin, ngale thinma wentit ba sanphiakmin lelemtumin, chenrãngma ngako, Teso Joban pa thin wenphiak edanga, ngale thinma lowang heh rãngrãng roantang roangjêng rãng epên a.

LOATKHESOK 3:21

Chenroh Ngama phangtang tajien lekma Ewa tôngthin tâko ate kêko tongwãng ekang rãngrãng, henhenma phangtang tajien eka erehehmin Ngama Nga tôngthinko Nga tâko etongthuk ang.

LOATKHESOK 4:4

Ere tôngthin tumlitko ahan tôngthinmin roaknii wanbelii dângwah, ere tôngthin heh khohko roaknii wanbelii khhepho phannang heh khetpo keplahma thinkhoko kem khophok phok lahma tongeka.

LOATKHESOK 7:4

Ngale khengko Joban min tûngte mihnyan heh 144,000 dângmin ngama thôkoh wah. Thin a echhi jatnii Isrial mihnyan hehwah dângmin,