MATHIU 19:23 - NIEMNYAN Naga NT (BSI)

²³ Erediko Jisu ma ate dijunte hehnâng ngatwah, “Ngama nenâng nginlinlin thôkoh eka: Techhu hehrãngma rangkhethung Hahsông thenâng wângpa nyahrãng alat.

MATHIU 19:23 Iomraidhean Croise

MATHIU 13:22

Suhbuk mongnâng chatjâte chhah rãngrãng heh dangeka, Joban nginpa chohtat lahma hei angem roandông rãng sekmah patritte mihnyan heh, thin hungko chhu alu dânghun pumma Joban nginpa tangbuk eka, erohwah thinma ari hongrimah.

MATHIU 18:3

ngale atema ngatwah, “Ngama nenâng nginlinlin thôkoh eka, nemin hung arin litletma are letachha rãngrãng ledang kenko, rangkhethung Hahsông thenâng chenthumin leta chohwãngmin.

MATHIU 19:22

Chenthu techhuwa ma erengin pa chohtattah diko hungkeke danglahma ngakchhoan wah, chenrãngma ngako atea nyahrãng techhu dângwah.

MATHIU 21:31

Are chhepho wanii kowah henma thinwa ngin kepeka?” “Khhepho chha pumma,” ngama thinma dânthâng wah. Ephumma Jisu ma thinnâng ngatwah. “Ngama nenâng thôkoh eka: thãkho thâte ngale phoangseng chhahte dihiak heh nemako Joban Hahsông thenâng wãngwak eka.”

MATHIU 5:20

Erohwah, ngama thôkoh eka, Niemarang hethôte le Farasi heh noma toangtang dangletma Joban ma huneka moatlem pa memo enkoba nemin rangkhethung nâng tâwâng min.

MAK MA RAANGWAH NGINKONGSEN 10:23

Jisu ma ate dijunte hehnâng tûmlit phoangsû lahma thinnâng ngatwah, “Techhu hehrãngma Joban Hahsông thenâng wângpa chentolat a!”

LUK MA RAANGWAH NGINKONGSEN 18:24

Jisu ma ate hungkê khelahma ngatwah, “Techhu heh Joban Hahsông thenâng wângpa chentolat a!

JON MA RAANGWAH NGINKONGSEN 3:3

Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 3:5

Jisu ma dânthâng wah, “Ngama nangnâng toangtang thôkoh eki” “Henmin jo ngale Juma lechha kako Joban Hahsông thenâng leta wãngmin.

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

1 KORINT 1:26

Ngalemruchha heh, chenthu Joban ma ne roopoatko chenroh dângwah a erepa thonghuntan en. Mihnyan belem junko medang enko nekhuwah mãnchha ba jet ajien dângwah, chaanwin, ngale hahdaangko dongjat dângwah.

JEMS 2:6

Rohkomin nema tangchhih hehnâng thãjõ eken! Phumma ne namnek lahma chêmsiette erediko ne sekhamrãng nginpatte heh tânâng nesiethokte heh hen a? Ereheh a techhu heh ledangne!