MATHIU 19:16 - NIEMNYAN Naga NT (BSI)

¹⁶ Rekthenâng mihnyan wathe Jisu tânâng hûlahma atenâng chhienhok wah. “Hethôte,” “ngama roantang roanjêng lerii roandông chohrãngma chenni moatlemsen moatmin a?”

MATHIU 19:16 Iomraidhean Croise

MATHIU 19:15

Atema letachha heh khoko dekma sahlo lahma chienchhoan wah.

MATHIU 19:26

Jisu ma thinnâng thongthong sûkat lahma ngatwah, “Arepa mihnyan ma chenthumin letamin, rohkomin Joban rãngma chenjo letathin aho.”

MATHIU 19:29

Ngale henhenma ngarãngma ate hum ahah, pho nya, nyong awa, chhuchha, ngale pitthin jolem heh thînphe eka, erehehma châthe nomemin depjah engakchoh a, ngale roantang roanjêng roandôngmin echohwak a.

MATHIU 25:46

Ereheh roantang roanjêng chêmchoh thinnâng chienkatmin, phumma toangtang heh roantang roanjêng roandông chohthin nâng wângthukmin.”

JON MA RAANGWAH NGINKONGSEN 10:28

Ngama thinnâng roantang roanjêng roandông koh ekang, ngale thin chenthumin leriimin. Henmemin thin a ngadek wah leta nyenchhoanmin.

JON MA RAANGWAH NGINKONGSEN 12:25

Henhenma thindede roandôngko huneka erehehma mahphe erea; henhenma are hahtokkhoh ko thin roandôngko lehun dangeka erehehma thin roandông pemin lemahphe thangma roantang roanjêng roandông echoh a.

JON MA RAANGWAH NGINKONGSEN 3:15

erohkoba henhenma atenâng putedâlem eka erehehma roantang roanjêng roandông echoh a.

JON MA RAANGWAH NGINKONGSEN 4:14

Rohkomin henhenma ngama koh ekang jokowah jok eka ereheh chenthumin jolân lengak riimin. Ngama thinnâng koh ekang jopa, thinhung khennâng thinnâng roandông kohte jokhôrãng edanga, ngale thinnâng roantang roanjêng roandông ekoh a.”

JON MA RAANGWAH NGINKONGSEN 5:39

Nema Joban nyapraangpa weih eken, chenrãngma ngako nema erekowah roantang roanjêng roandông chohmin ngama putedâlem eken. Phumma are Joban nyapraang pumma ngajunma jabeka!

JON MA RAANGWAH NGINKONGSEN 6:47

Ngama toangtang thôkoh eka: henhenma putedâlem eka ereheh nâng roantang roanjêng lethôan roandông tonga.

JON MA RAANGWAH NGINKONGSEN 6:68

Simon Piter ma atenâng dânthâng wah, “Teso, nia hen demnâng echhoan ea? Nangnâng roantang roanjêng lethôan roandông kohthin jabkhab pa tongho.

MOATLEM 16:30

Erediko atema rangsâ nâng loatsiet katlahma ngatwah, “Hethôte, ngama khope rãng chenni moatmin a?”

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

1 TIMOTHI 1:16

Rohkomin Joban ma Nganâng nyahrãng mînchen ehang, erepa Nga a papi thôanjô medang angkomin Krista ma ate hung pa nyahrãng môngsiet lahma Nganâng mînchen pa khesok ehang, erepa khedi wah atenâng putedâlem lahma roantang roanjêng roandông chohte mihnyan hehma jetrãngma khesok eka.

1 TIMOTHI 6:12

Putedâlem ngenâng toatchhoan mînwah rãngrãng senthemthem dango, ngale nangdede rãngma roantang roanjêng roandông khope pa choh o; chenrãngma ngako nangma ajahthem mihnyan heh mathahko nang putedâlem pa rongtêngtêng putedâlem lohma khesokdi Joban ma are roantang roanjêng roandông khope pa chohrãngma rooeho.

1 TIMOTHI 6:19

Eroh memo akoba thinma khediwah thin roandông rãng lesekmah tuli eta khôanthien wak a. Ngale erohkoba thinma alinlin toangtang roandôngpa eta choh a.

TITAS 1:2

erepa roantang roanjêng roandông chohrãngma putedâlem eki. Are roantang roanjêng roandôngpa Joban ma rangbeng hahbeng thuma nãngnâng kohrãng toamsêm wah, ngale Joban ma mothô thômah,

TITAS 3:7

erohwah ate mînchenchaan junma nãngkhu Joban demnâng toangtang dangeki, ngale nãngma dâlemtih roantang roanjêng roandôngpa choheki.

1 JON 1:2

Chenthu erepa mitma jienkheli rãng litjâ phumma, nãngma kheki; erohwah nima erejunma thôkoh eka, ngale nãng Wa demwah roantang roanjêng roandông nãngnâng jetthukthi junma thôkoh eka.

1 JON 2:25

Ngale erepa Krista ate dedema nãngnâng kohrãng toamsêm wah - erepa roantang roanjêng roandông kohrãng toamsêm wah.

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.

JUD MA RAANGWAH SITI 1:21

ngale nãng Teso Jisu Krista ma ate mînchenchaan junko nãngnâng roantang roanjêng roandông kohrãng bemlaeki poatko, nededema Joban ngewah hun achet khenko dangletma tongen.