MATHIU 19:13 - NIEMNYAN Naga NT (BSI)

¹³ Mihnyan khuthema thin chhuchha heh Jisu tânâng ate dekma sahlo lahma rangsoam koh rãng siethok wah, phumma dijunte hehma mihnyan hehnâng ritngat rewah.

MATHIU 19:13 Iomraidhean Croise

MATHIU 16:22

Phumma Piter ma sietchhoan lahma Jisu nâng ritngat wah. “Teso! Joban ma arepa ledang thukmin!” ngale “Arepa nangnâng chenthumin ledangmin!”

MATHIU 19:12

Chenrãngma ngako mihnyan nâng mâmâ jat apat junko dihiak lekep thangma tôngte hongeka: wawathe pa achhat mejû lekepjat hongchha eka; wawathe pa mihnyan hehma dihiak lekepte dangthuk eka. Ngale wawathe pa rangkhethung Hahsông rãngma sênrãngma lekep thangma tongwak eka. Are niem pa chente ma takep eka erehehma chenkep a.”

MATHIU 20:31

Loangchhang pumma thinnâng ritnga lahma kihchepchep tongen ngatwah. Phumma mitdoak wannii pumma, “Devit Chha! ninâng mammînchen hi!” ngama jêngchaan chaanrak rakwakwah.

MOATLEM 2:39

Chenrãngma ngako, Joban ma ate toamsem pa nekhu nângmin, ne chhuchha hehnângmin, ngale hahtaang nâng sôngte mihnyan hehnângmin kohrãng semwah - nãng Teso Joban ma aterãng rooeka mihnyan heh chentô nâng rangkoh rãng sem eka.”

1 KORINT 7:14

Chenrãngma ngako Joban nâng lepute dâlemte delawa pa ate tangnyu demko aroamma dângdi Joban ma kepeka, ngale Joban nâng lepute dâlemte tangnyu pa ate tangwa Kristan demko aroamma dângdi Joban ma kepeka. Aroh lekep medang ako, thin chhuchha pa Joban lejette heh chhuchha rãngrãng dângmin; rohkomin, thin a Joban ma kepeka.