MATHIU 18:3 - NIEMNYAN Naga NT (BSI)

³ ngale atema ngatwah, “Ngama nenâng nginlinlin thôkoh eka, nemin hung arin litletma are letachha rãngrãng ledang kenko, rangkhethung Hahsông thenâng chenthumin leta chohwãngmin.

MATHIU 18:3 Iomraidhean Croise

MATHIU 13:15

Chenrãngma ngako thinhung thinrin pa batah, thinnâ memin tattumah, ngale mitmemin khetumah. Joban ma ngaeka, ‘Eroh ledang ngako, thin mitma chenkhetah, ngale nâma chentattah, Ngale thin hungma chenjetlotah, ngale ngatânâng chenngak hûwaktha, Joban ma ngaeka, ngale ngama thin chenme siettek.’

MATHIU 18:2

Phumma, Jisu ma letachha wathe roolahma thinmako chepthuk wah,

MATHIU 18:4

Rangkhethung Hahsông thenâng adong thôanpa, are letachha rãngrãng atedede hen numnene dangeka ereheh dângmin.

MATHIU 19:14

Jisu ma thinnâng ngatwah, “Nekjek tangen, letachha heh ngatânâng chenwãngra, chenrãngma ngako rangkhethung Hahsông pa are letachha rãngrãng heh thiak.”

MATHIU 19:23

Erediko Jisu ma ate dijunte hehnâng ngatwah, “Ngama nenâng nginlinlin thôkoh eka: Techhu hehrãngma rangkhethung Hahsông thenâng wângpa nyahrãng alat.

MATHIU 5:18

Thonghun en rangle hah chentô lektong eka, eretôko Niemarang nyapraang kowah phathemin ngale phatû chhamin lemahmin - chentôpa toangtang madang dangkako lemahmin.

MATHIU 5:20

Erohwah, ngama thôkoh eka, Niemarang hethôte le Farasi heh noma toangtang dangletma Joban ma huneka moatlem pa memo enkoba nemin rangkhethung nâng tâwâng min.

MATHIU 6:16

“Chenthu nema lejok lechhah thangma rangsoamko, ahuhkhoanglep heh rãngrãng thhen khukhu nekdangen. Mihnyan hehma lejok lechhah thangma rangsoam pa chenkhehi ngama thinma thhenphãng litsiet wakeka. Ngama nginlinlin thôkoh eka, thinma chohthin pa phangtang râchohtah.

MATHIU 6:2

“Erohwah chenthu nema tangchhih hehnâng chenni komin mechohsû enko, ahuhkhoanglep hehma rangsoamhum ngale noknyu lemdong hehnâng phoang khesok lahma moat rãngrãng rângthôrii letma nekmo en. Thinma arepa mihhehma rângthô chenrehi ngama moeka. Ngama linlin thôkoh eka, thinma chohthinpa phangtang râchohtah.

MATHIU 6:5

“Chenthu ne rangsoamko, ahuhkhoanglep heh rãngrãng neksoam en! thinma anga ngama chenkhêm khehi ngama, rangsoamhum nâng toanchep lahma soamhun eka, ngale noknyu lemdong hehnâng soamhun eka. Ngama linlin thôkoh eka thinma chohthinpa phangtang râchohtah.

MAK MA RAANGWAH NGINKONGSEN 4:12

erohwah, ‘Thinma mesû akomin, jetkhe mah; Thinma mejetat akomin, jetlo mah. Thinma jetloat ngako, Joban tânâng chenngak hûwaktha, ngale atema thinnâng map chenkohtah.’ ”

LUK MA RAANGWAH NGINKONGSEN 13:24

“Kâsek pumma dânkhoamrãng latrii en; chenrãngma ngako ajahthem mihnyan hehma erepumma dânkhôamrãng ehunwak a, rohkomin thinma leta dankhoammin.

LUK MA RAANGWAH NGINKONGSEN 22:32

Simon, rohkomin ne putedâlem pa nekchen chhihjâ eken ngama rangsoam koh eka. Ngale chenthu nanga ngatânâng mengak huthoko nangpho anaa heh hung dongsiet o.”

JON MA RAANGWAH NGINKONGSEN 1:51

Ngale atema thinnâng ngatwah, “Ngama nenâng toangtang ngin thôkoh eka: Nema rangkhethung pa laang lahma ekhe en, ngale Mihnyan Chha khohko rangwah Joban ngintatte heh awângte akatte ditkhoam lahma ekhe en.”

JON MA RAANGWAH NGINKONGSEN 3:3

Jisu ma atenâng dânthâng wah, “Ngama nangnâng toangtang thôkoh eki: henmin atea depnii lengakchha kako Joban Hahsông lechohkhe min.”

JON MA RAANGWAH NGINKONGSEN 3:5

Jisu ma dânthâng wah, “Ngama nangnâng toangtang thôkoh eki” “Henmin jo ngale Juma lechha kako Joban Hahsông thenâng leta wãngmin.

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

MOATLEM 28:27

chenrãngma ngako are mihnyan heh hungpa bajâ tah, ngale thinnâpa hap rewak eka ngale thinmitpa thup rewak eka. Eroh ledang ngako, thinmitma khemin wah, ngale thinnâ memin tatmin wah, ngale thinhung memin chenjettah, ngale thin a ngatânâng ngakhû lahma, Joban ma ngaeka, ngama sênsiet minwah.’ ”

MOATLEM 3:19

Erohwah hunglit letma Joban tânâng ngakhûren, erohkoba atema nepap heh map ekohhèn. Nema eroh memo enko,

1 KORINT 14:20

Ngalemruchha heh, nema letachha heh hung arin rãngrãng nekphoang thonghun en; chhihli nângba letachha heh rãngrãng dangen, rohkomin mihlin phannang heh hung arin rãngrãng dangen.

1 PITER 2:2

Naajengchha hehma roantangma nyong nyuhpoti linlin pa chhahhun rângdang arãngrãng, nememin neju rãngma Ju nyuhpoti linlin pa chhah en, ngale nema eroh mejok en koba dongletma kho epe en.

2 PITER 1:11

Eroh koba nenâng nãng Teso ngale Pângte jisu Krista roantang roanjêng Hahsông thenâng tâwâng rãng chaan ekohhèn.