MATHIU 17:20 - NIEMNYAN Naga NT (BSI)

²⁰ Jisu ma dânthâng wah, “Nenâng putedâlem pa ajah aho dângkowah nema letajunlo reken” “Ngama nenâng nginlinlin thôkoh eka, nenâng jokangken dôngtô putedâlem metong hènko, nema are hahkong komin, ‘arekowah ireko kao!’ ngama tanga en, eko are hahkong pa eka a. Nema chenmin tamo en!”

MATHIU 17:20 Iomraidhean Croise

MATHIU 13:31

Jisu ma thinnâng eredikomin ahan nginthakthô thôkoh wah: “Rangkhethung Hahsông pa arerãngrãng. Mihnyan wathema jokangken keplahma ate pitnâng wênkat eka.

MATHIU 14:29

Jisu ma dânthâng wah, “Karoo!” Ephumma Piter khôankho kowah jâkhoam lahma jokhohma Jisu tânâng khoamkat wah.

MATHIU 17:17

Jisu ma dânthâng wah, “Nema putedâlem met, ngale nea mihnyan chhih! Chentô rangwo nga nedemnâng eta johtonga? ngale chentô rangwo ngama nenâng eta chohsûa? naa pa ngatâko sietwênro!”

MATHIU 17:19

Erediko dijunte heh Jisu tânâng thin lolo hûlahma Atenâng thôngphâ wah, “Nima chenrãngma juchhih pa letajunlo rekia?”

MATHIU 17:9

Thin hahkongkho wah ngakkatko, Jisu ma thinnâng ngatwah, “Mihnyan Chha ritwah mangak ngakhinko, are nema chohkhe tetpa hennâng min nekthôkoh en.”

MATHIU 21:21

Jisu ma dânthâng wah, “Ngama nenâng nginlinlin thôkoh eka, nememin meputedâlem enko, ngama are phukbãngpa chenroh jienchoaksiet ekanga ererãngrãng nememin tamo en. Atô lolo ledang, nema are hahkong komin, ‘josi ko rutjâkao’ ngama tanga en, eko hahkõngpa erutjâka a.

MATHIU 8:26

Jisu ma dânthâng wah, “Ne chenrãngma aretô patrii eken a? nenâng dâlempa atôrînne!” erediko Jisu toanchep lahma pông apat pa jeksietwah, phumma kihchepchep jekwah.

MAK MA RAANGWAH NGINKONGSEN 11:22

Jisu ma thinnâng dânthâng wah, “Joban nâng putedâlem en.

MAK MA RAANGWAH NGINKONGSEN 11:23

Ngama nenâng linlin thôkoh eka, henma komin ate hungnâng letûngmaang thangma are hahkongko nangdede josiko rutjâkao, ngama chien lahma atema jab ekapa metkep edanga, ngama meputedâlem ako, erepa metkep erutjâa.

MAK MA RAANGWAH NGINKONGSEN 4:31

Erepa arerãngrãng. Mihnyan wathema rangkhen kowah chentô nomemin kenrinthôan jokangken pa keplahma wênkat eka.

MAK MA RAANGWAH NGINKONGSEN 9:23

“Ta ang,” Jisu ma ngatwah, “Nang dedema meta oko! ngale hennâng putedâlem tongeka ere hehma chentôpa eta a.”

LUK MA RAANGWAH NGINKONGSEN 1:37

Chenrãngma ngako Joban ma letamoli chenjô aho.”

LUK MA RAANGWAH NGINKONGSEN 17:6

Teso ma dânthâng wah, “Nenâng putedâlem pa jokangken dôngtô metong hènko, nema are mulbary bãngko, ‘nangdede bãngthong rinma phurii lohma josiko nangdede khietrii kao!’ ngama mechien enkomin ne ngin ekephèn.

LUK MA RAANGWAH NGINKONGSEN 18:27

Jisu ma thinnâng dânthâng wah, “Chenpa mihnyan nyuchha ma letalia, erepa Joban ma tamoa.”

JON MA RAANGWAH NGINKONGSEN 11:40

Jisu ma atenâng ngatwah, “Putedâlem mere oko nangma Joban chaanpa echohkheo ngama lethôkoh wahne?”

1 KORINT 12:9

Wanthe ngale ere mãnthe Ju pumma jôba ahan wathe mihnyanko putedâlem sen dangthuk eka, ngale ahan watheko atema khoanchet sênsiet chaan koheka.

1 KORINT 13:2

Ngama Joban nginpa mihhung lanlitroh mejienthô angkomin; ngale roangrup metajet angkomin, erediko Joban junma chentô mejet angkomin; ngale hahkong pa lanta moatsietroh putedâlem metong hangkomin - nganâng hun achet pa aho medang hangko, nga a chenni rãngjô senmek.

HIBRU 3:19

Erohwah thin erehahko leta hûwãng thangma nãngma khe eki, chenrãngma ngako thinma putedâlem ho.