MATHIU 16:28 - NIEMNYAN Naga NT (BSI)

²⁸ Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 16:28 Iomraidhean Croise

MATHIU 10:23

Chenthu thinma hahdaang wantheko mechêmsiet hènko, hahdaang ahan wantheko danchhoan en. Ngama linlin thôkoh eka, Mihnyan Chha ngakkat mako Isrial hahdaang kowah nemoatlem pa chenthumin leta thôanmin.

MATHIU 16:13

Jisu Kasaria Filipi kêwah hahnâng hûlahma ate dijunte hehnâng ngatwah, “Mihnyan Chha ko mihnyan hehma hen edanga ngama ngaeka?”

MATHIU 24:3

Jisu Oliv Hahhokho ko tôngpoatko, ate dijunte heh ate tâko mihnâng lejetrii thangma hokwah. Thinma Jisu nâng ngatwah, “Arepa chenthu dângmin a” erepa ninâng thôkohhi, “Ngale nang ngakkat sanpoat, erediko rangle hahtokkhoh thôan sanpoat pa khesokrãng chenroh dângmin a ngama chhienwah.”

MATHIU 24:34

Thonghun en, are chentôpa athângwah ahînte mihnyan heh phangtang târit mako edanga.

MATHIU 24:42

Erohwah jetletma dangen, chenrãngma ngako, chenre jâko ne Teso pa katmin a ere rangwopa nema jetmet.

MATHIU 26:64

Jisu ma atenâng dânthâng wah, “Nangma lâpun jabtoh. Rohkomin ngama nekhu phangtang nâng thôkoh eka: Are sanpoat pumma nema Mihnyan Chhapa Achaanthôan Joban dekchahko tonglahma phoamkhohnâng kalahma ekhe en!”

MATHIU 8:20

Jisu ma atenâng dânthâng wah, “Hien hehnâng thin tôngrãng ken tonga, ngale wo hehnâng thinrãng arup tonga, rohkomin Mihnyan Chharãng chenkojô ate boantông rãng the aho.”

MAK MA RAANGWAH NGINKONGSEN 13:26

Erediko Mihnyan Chhapa phoamkhohko tonglahma chaan ahang ngale phiakto phiakja ehongkara.

MAK MA RAANGWAH NGINKONGSEN 8:38

Are Joban lejetrôan ngale papi rôanko mihnyan heh nganâng rêsê, erediko ngama hethô ekang nginkong rãngma rêsê mere ako, Mihnyan Chhamin ate Wa chaan keplahma Asâthôan ngintatte heh demnâng katjâko thinnângmin rêsê erea.”

MAK MA RAANGWAH NGINKONGSEN 9:1

Ngale eredikomin atema ngatwah, “Ngama nenâng linlin thôkoh eka, aretheko chepte khuthe Joban Hahsông pa chaan demnâng kalahma makhe kheko leriite tongen.”

LUK MA RAANGWAH NGINKONGSEN 18:8

Ngama nenâng thôkoh eka, atema thinrãng emoa ngale sitsiak echohsûa. Phumma chenthu Mihnyan Chhapa ngakkat jâko atema hahtokkhoh ko putedâlemte echohkhe karã?”

LUK MA RAANGWAH NGINKONGSEN 2:26

ngale Teso ma toamsem tah Misaia pa lekhema nanga leriimin ngama atenâng ngatwah.

LUK MA RAANGWAH NGINKONGSEN 9:27

Ngale ngama nenâng linlin thôkoh eka, Joban Hahsông thepa lechohkhe thangma ako leriite mihnyan khuthe tongen.”

JON MA RAANGWAH NGINKONGSEN 21:22

Jisu ma atenâng dânthâng wah, “Atea Nga mangak ngakka ahînma tôngthuk mehun angko, Nangjã tanga chenroh dângmin a? Ngadijun hang!”

JON MA RAANGWAH NGINKONGSEN 8:51

Ngama nenâng toangtang thôkoh eka: Henhenma nga nginkep eka ereheh chenthumin leriimin.”

JON MA RAANGWAH NGINKONGSEN 8:52

Thinma Jisu nâng ngatwah, “Athângheh nima linlin lâjettih nangnâng juchhih lâluptho! Abraham min riitah, ngale mõng hehmin riitah, rohkomin athângheh nangma nganâng henhenma putedâlem ehanga ereheh leriimin ngaeko.

MOATLEM 1:11

ngale thinma ngatwah, “Galili wah mihnyan heh, rangnâng sûwên letma aretheko chenrãngma chep eken a? Netâwah toansietwên eka are Jisu pa, nema chenroh rangkhethung nâng wãng lahma khe eken a ererãngrãngjô engak kara.”

1 KORINT 15:23

Rohkomin chentôpa mâmâ khô alemko ngakhînmin: Chentô noma khebeng thôan ko Krista ngakhînmin; erediko ate ngakkat sanpoatko henhen aterãng dangeka ereheh ngakhînmin.

1 THISALONIKA 1:10

ngale nema ate Chha rangkhethung wah ngakkat bemla eken heh thô rewak eka - ate Chhapa Jisu, Joban ma ritwah ngakhînsiet wah, ngale Jisu ma nãngkhu ahokmin Joban rinkhah kowah pesiet ehi.

HIBRU 2:9

Rohkomin nãngma Jisu a poatthe chharãng rangwah Joban ngintatte heh noma arin hôan lahma kheki, erohwah, Joban mînchenchaan junko atea anga ngarãng riieka. Ngale ate chêmrii lahma ritdi nãngma athângheh ate khoko ate choangpe ngale rânghong mînpoan pa khophok rãngrãng phokko lahma kheki.

JEMS 5:7

Ngalemruchha heh, Teso mangak ngaka hung arin môngmông tongen. Thatsû tan en, pitmoatte hehma thinpit wah chhah heh mamun munwãng chenroh rângbem a. Thinma rangcho chobengwah rangpat ngale chojekwah rangpat heh thin pitwah chhah hehrãngma hung arin môngmông danglahma rângbemla a.

2 PITER 1:16

Nima nenâng nãng Teso Jisu Krista chaan demnâng ngakkat nginkong thôko tahheh mihnyan nyuchha ma hôanwah ngin thôkoh dangmah. Nidede mitma Jisu Krista mîndông pa khelihma thôkoh eka.

1 JON 2:28

Ngachhu Ngachha heh, linlinjô ate demnâng aroamma dangletma tongen, erohkoba chenthu ate meka theko, nãnghung dongdong edange, ngale ate katjâ Rangwo ko atenâng rêsê lihma lehuhtong edange.