MATHIU 16:24 - NIEMNYAN Naga NT (BSI)

²⁴ Erediko Jisu ma ate dijunte hehnâng ngatwah, “Hen akomin nga demnâng chhoan mehun enko, atedede lekpherii lahma, ate bãngphak pa pelahma nga dijunmin.

MATHIU 16:24 Iomraidhean Croise

MATHIU 10:38

Henhen ma ate bãngphak pa lepe thangma nga damãnko toanlahma ngadijun ehanga, arepa ngadijunte tadangmah.

MATHIU 27:32

Thin loatchhoan poatko, Kren hahwah mihnyan wathe ate mînpa Simon ngama lemko chohmîn wah, phumma sipâhi hehma atenâng Jisu ma peka bãngphakpa pêthukwah.

MAK MA RAANGWAH NGINKONGSEN 10:21

Jisu ma atenâng mînchen nungma thongthong sûlahma ngatwah, “Nang rãngma wanthe loloba lemeka. Wãnglohma nangnâng chhahkhem chentô tongho heh phangtang sengwãng lohma ngunpa tangchhih hehnâng koh o, ngale nanga rangkhethung nâng techhu thôan edango; erediko kalohma nga demnâng johchhoan hang.”

MAK MA RAANGWAH NGINKONGSEN 15:21

Thinma lemko mihwa wathe chohmînwah, ate mînpa Simon dângwah, atea thindiak wah sumhah nâng katdângwah. Phumma sipâhi hehma atenâng Jisu bãngphakpa pêthukwah. (Simonpa Kren diakwah dângwah, ngale atea Alexandra ngale Rufus wa dângwah.)

MAK MA RAANGWAH NGINKONGSEN 8:34

Erediko Jisu ma loangchhang ngale ate dijunte heh ate tâko roolahma thôkoh wah. “Nekhuwah henma komin ngadijun hun medang enko, nedede lekpherii letma, ne bãngphakpa peletma ngadijun ha.

LUK MA RAANGWAH NGINKONGSEN 14:27

Hen komin ate bãngphak pa pelahma ngadiko lejunkhoam hangko atea ngadijunte tadangmah..

LUK MA RAANGWAH NGINKONGSEN 23:26

Sipâhi hehma Jisu sietchhoan wah, ngale thinma lemko Kren diakwah mihwa wathe chohmînwah, ate mînpa Simon dângwah, atea thin diakwah sumhah nâng katwah. Phumma thinma lolahma ate khohko bãngphak pa loakko lahma, atenâng Jisu tokdiko pêthukwah.

JON MA RAANGWAH NGINKONGSEN 19:17

Jisu ma ate bãngphak pa pelahma chhoanwah, ngale “Khora sekthinthe,” ngaeka theko pêwênwah. (Erethepa Hibru jabma “Golgotha” ngaeka.)

JON MA RAANGWAH NGINKONGSEN 21:19

(Jisu ma arepa Piter chenroh riilahma Joban mîn dôngthuk min a erengin pa jabwah.) Erediko Jisu ma Piter nâng, “Ngadijun hang!” ngatwah.

JON MA RAANGWAH NGINKONGSEN 21:22

Jisu ma atenâng dânthâng wah, “Atea Nga mangak ngakka ahînma tôngthuk mehun angko, Nangjã tanga chenroh dângmin a? Ngadijun hang!”

MOATLEM 14:22

Pol le Barnabas niima putedâlemte hehnâng toangtang dangletma rongtêngtêng putedâlem rãng rîn akhah wah. Thinma hethô wah, “Nãngma ajahthem chêmchei heh dannekthien lihma Joban Hahsông thenâng wângmin.”

KOLOSIEN 1:24

Ngale Nga nekhurãng chêmrit ko khuhah ekang, chenrãngma ngako Nga phoang nâng chêmrit junko Krista ma ate phoang Asâthem hehrãngma lelaang chêmrii bâthientah heh Ngama laangchêm ekang.

1 THISALONIKA 3:3

erohkoba are chêmchei chohthuk junko nekhu henmin Joban tâwah lengakchhoan edangen. Nekhu dede memin ajet arerãngrãng chêmchei chohthuk ehi pemin nãngma Joban hunsi junko choheki.

2 TIMOTHI 3:12

Jisu Krista demnâng roamlahma henhenma Joban ma huneka rãngrãng roandông dônghun eka erehehma chêmchei chohmin;

1 PITER 2:21

Eroh moatrãng jôba Joban ma ne rooehèn, chenrãngma ngako Krista atedede min nekhu rãngma chêmchoh wah ngale atema nekhu nâng eroh mo en ngama khesok ehèn, erohkoba nemin ate damãnko nekletma ate rãngrãng etadangen.