MATHIU 16:21 - NIEMNYAN Naga NT (BSI)

²¹ Ere sanpoat phumma Jisu ma ate dijunte hehnâng laangthôkoh wah, “Nga Jeroselem nâng metkep katmin, phumma khhepho phannang, soam aroakte adong, ngale Niemarang hethôte hehma echêmsiet hang. Nga ritphe ere hang, rohkomin, jârem diko ngakhîn ereang.”

MATHIU 16:21 Iomraidhean Croise

MATHIU 12:40

Chenroh Mõng Jona ngahdong wokkhen nâng ngihrem penrem tongtah a, ererãngrãng jôba, Mihnyan Chha pemin ngihrem penrem hahken khennâng etonga.

MATHIU 16:22

Phumma Piter ma sietchhoan lahma Jisu nâng ritngat wah. “Teso! Joban ma arepa ledang thukmin!” ngale “Arepa nangnâng chenthumin ledangmin!”

MATHIU 16:28

Ngale ngama nenâng linlin thôkoh eka, Mihnyan Chhapa Lowang danglahma kat lekhe thangma ako leriite mihnyan tongen.”

MATHIU 17:12

Rohkomin ngama nenâng thôkoh eka, ‘Ilija râkatha’ phumma mihnyan hehma ate lejet thangma thinma chenroh huneka eroh Atenâng hôanjôan wah. Erohjô Mihnyan Chha komin thinma ehôanjôan a.”

MATHIU 17:9

Thin hahkongkho wah ngakkatko, Jisu ma thinnâng ngatwah, “Mihnyan Chha ritwah mangak ngakhinko, are nema chohkhe tetpa hennâng min nekthôkoh en.”

MATHIU 20:28

Mihnyan Chha pemin mihnyan hehma atenâng khoakhêm rãng katwah dangmah, atema mihnâng khoakhêm rãng ngale ate roandông pa kohlahma ajahthem mihnyan heh pêsietrãng katwah.”

MATHIU 26:2

“Nema ajet, jânii diko Adankhoam lokuh dângmin, ngale erediko Mihnyan Chhapa rittekthuk rêmin.”

MATHIU 26:47

Jisu ma nginthô thuko echhi wanii dijunte kowah wathe ate mînpa Juda hokkhoam hokwah. Ate demko soam aroakte adong ngale khhepho phannang hehma mihnyan jahmõang dãng apah demnâng chienhokwah.

MATHIU 27:12

Rohkomin soam aroakte adong ngale khhepho phannang hehma atenâng sekhâmko atema chennimin dânthangho.

MATHIU 27:63

ngale thinma ngatwah, “Sir, nima chhemhun eki, are mothô wapa ahîn thuko, ‘nga a jârem diko ngakhîn rêmin,’ ngama ngatwah.

MATHIU 28:6

Ate aretheko ahotu; atema ngatah rãngrãng ngakhintah. Wãngletma ate thientah theko sûwãng tanrên.

MAK MA RAANGWAH NGINKONGSEN 8:31

Erediko Jisu ma ate dijunte hehnâng hethô wah: “Mihnyan Chhama nyahrãng chêmchohmin, ngale khhepho phannang, soam aroakte adong, erediko Niemarang hethôte hehma ate roak atoak leweihmin. Atea ritphe erea, rohkomin jârem diko ngakhîn erea.”

MAK MA RAANGWAH NGINKONGSEN 9:12

Jisu ma dânthâng wah, “Ilija pa linlinjô khekho kalahma chentôpa ekhoakhem kara. Rohkomin Joban nyapraangma chenrãngma Mihnyan Chhama chêmchei chohmin ngale mihnyan hehma ate roak atoak leweih min ngaeka?

LUK MA RAANGWAH NGINKONGSEN 17:25

Rohkomin khebângko atema nyahrãng chêmchoh mêngmin ngale arerôan wah mihnyan hehma ate roak atoak leweih edanga.

LUK MA RAANGWAH NGINKONGSEN 24:46

ngale thinnâng ngatwah, “Aroh raanglahma tonga: Misaia pa metkep echêm a ngale jârem diko ritwah engakhin a,

LUK MA RAANGWAH NGINKONGSEN 9:31

Ngale nyahrãng phiakto phiakja phiak lahma hongwah, erediko ate Jeroselem nâng riilahma chenroh Joban jabkhab pa toangtang jiendângmin a erengin heh Jisu demnâng thômîn wah.