MATHIU 16:16 - NIEMNYAN Naga NT (BSI)

¹⁶ Simon Piter ma dânthâng wah, “Nanga Krista ahîn Joban Chha.”

MATHIU 16:16 Iomraidhean Croise

MATHIU 14:33

Erediko khôankho kowah dijunte hehma Jisu nâng soamwah, ngale “Linlin nanga Joban Chha!” ngama Atenâng ngatwah.

MATHIU 16:15

Phumma atema thinnâng chhienwah, “Nema chenroh ngaeken a?” “Nema nga hen edangang ngama ngaeha?”

MATHIU 26:63

Rohkomin Jisu kihchepchep tôngwah. Eredikomin soam aroakte adong pumma atenâng ngatwah, “Ahinte Joban mînko toamsem lekma nangnâng ngaeki: Ninâng thôkohhi, nanga Joban Chha Misaia ne.”

MATHIU 27:54

Chenthu Jisu bemte Sipâhi sahhab ngale ate demwah sipâhi hehma hahtii ngale ere sanpoat kowah chentô dangtah heh khelahma chei rewakwah, ngale thinma, “Linlinjo atea Joban Chha dângwah!” ngama ngatwah.

MATHIU 4:3

Ephumma Jisu tânâng juchhih pa hûlahma ngatwah, “Nanga Joban Chha medang oko, are longheh nâng phhekchhah rãng litjârãng chien o.”

MAK MA RAANGWAH NGINKONGSEN 14:61

Rohkomin Jisu ma khapthejô ledânjabma kihchepchep tôngwah. Eredikomin soam aroakte adongthôan ma Jisu nâng wîenthe ngatwah, “Nanga Asâthôan Joban Chha, Misaia ne?”

LUK MA RAANGWAH NGINKONGSEN 2:11

Thejâ Devit hahko ne Pângte Chhaeka - Atea Krista Teso!

JON MA RAANGWAH NGINKONGSEN 1:49

Nathaniel ma dânthâng wah, “Hethôte, Nanga Joban Chha! Nanga Isrial heh Lowang!”

JON MA RAANGWAH NGINKONGSEN 11:27

Atema dânthâng wah, “Teso, putedâlem ekang!” “Ngama nanga hahtokkhoh ko katte, Joban Chha Misaia ngamemin putedâlem eki.”

JON MA RAANGWAH NGINKONGSEN 20:31

Rohkomin are raangthien eka heh nema chenmam putedâlem en ngama raangthien eka Jisu pa Joban Chha, Misaia, ngale nema atenâng putedâlem junma ba nema roandông tâchohmin.

JON MA RAANGWAH NGINKONGSEN 6:57

Nga a ahînte Wama chienkat ehang, ngale ere junwah ngamin ahîn dangekang. Ererãngrãng henhenma ngaphoang kowah phhek eka erehehmin ngajunma ahîn edanga.

JON MA RAANGWAH NGINKONGSEN 6:68

Simon Piter ma atenâng dânthâng wah, “Teso, nia hen demnâng echhoan ea? Nangnâng roantang roanjêng lethôan roandông kohthin jabkhab pa tongho.

JON MA RAANGWAH NGINKONGSEN 6:69

Ngale ade phumma nima lâpute dâlemtih, ngale nanga Joban tâwah katte Asâthôan pa ngama lâjettih.”

MOATLEM 14:15

“Nema chenni re eken a? Nimin nerãngrãng mihnyan jôba! Nia ako nekhu nâng Nginkongsen pa thôko lahma, nekhuma ledangli moatlem moeken kowah ahîn Joban, ngale rangkhethung, hahtokkhoh, josi, ngale josi khenwah chentô hôante Joban tânâng ngaklitsiet hokrãng netânâng hûeri.

MOATLEM 8:36

Atenii lemko katjenjenko, jo roanche tônglâwah, phumma sahhabwa pumma ngatwah, “Are theko jo roanche tonga. Ngama baptijem keppa chennima tâtângmin a?”

MOATLEM 9:20

Atema Sanagog nâng tintin wãng lahma Jisu pa Joban Chha dângwah ngama thôkoh wah.

ROMAN HEHNÂNG POLMA RAANGWAH SITI 1:4

roh-komin atea Asâthôanju junma, ritwah ngakhinsiet lahma Joban Chha ngama khesokwah.

2 KORINT 1:19

Chenrãngma ngako Silas, Timothi, ngale ngadedema nenâng thôkohtah Jisu Krista Joban Chhapa “Danga” ngale “Dangmah” ngama ngatte dangmah. Erenoma atea, “Danga” ngama ngatte Joban;

2 KORINT 3:3

Are sitipa Krista dedema raangwah ngale erepa nijunma matchhoan eki. Are sitipa sehima raangwah dangmah, ahîn Joban Juma raangeka, ngale erepa longkhanâng raangmin dangmah, mihnyan nyuchha hungkhen nâng raangeka.

2 KORINT 6:16

Joban Rangsoamhum pa moangachaang heh demnâng chenroh jienroammin a? Chenrãngma ngako nãnga ahîn Joban Rangsoamhum! Joban ma ate dedema ngatwah, “Nga a nganâng putedâlemte mihnyan heh demnâng eroamsong ang ngale thindemko khoam achi lekma etongang; Nga a thin Joban rãng edangang, ngale thinmin nganâng putedâlemte mihnyan rãng edanga.”

1 THISALONIKA 1:9

Enâng wah mihnyan heh phangtangma ni netânâng hûthiko nema chenroh tãngroo thia erengin heh thôwak eka, ngale nema moangachaang nâng soamtô letma dangtet pa Joban tânâng hûletma chenroh ahîn Joban nâng soamtô eken a ereheh thôlahma tongwak eka

1 TIMOTHI 3:15

Phumma Nga melektong angkomin, are siti pumma nãng Joban humkâ nâng chenroh molihma tôngmin a ereheh ejetthukho, ereheh dangeka ahîn Joban nâng putedâlemte Asâthem heh, ere Asâthem heh dangeka toangtang pa rôngsiet rãngma thõng rãngrãng.

1 TIMOTHI 4:10

Nima latrii lihma chaanrii moeki, chenrãngma ngako, nãngma ahin Joban nâng tok anaa eki, ate jôba chentô Pângte, ngale ajahthem pejô henhenma atenâng putedâlem eka ereheh Pângte.

HIBRU 10:31

Ahîn Joban deknâng chathok pa chentô cheili thôan dângmin a!

HIBRU 12:22

Phumma nea Zion Hahkong nâng wãngeren, ngale ahîn Joban sôngthin Hahnâng wãngeren, rangkhethung wah Jeroselem nâng wãngeren, ere Theko ate ngintatte heh hahjat jatma tonga.

HIBRU 3:12

Ngalemruchha heh, jetletma dangen, ahîn Joban tâwah lânngak chhoanroh hen hungmin nekchhih en ngale eretô leputedâlem nekdangen.

HIBRU 9:14

Phumma arepa toangtang medang ako, Krista hei pummajã chentôjah bâmsâsiet eka! Roantang roanjêng Ju junma atedede roandôngpa Joban nâng sâpoangpoang kohriieka. Ate hei pumma nãnghung arin heh ledangli niemarang hehwah esâsiet hi, erohkoba nãngma ahîn Joban nâng eta soamtôe.

1 JON 4:15

Nãngma Jisu Krista pa Joban Chha ngama menga eko, nãnga Joban demnâng aroamma tongeki, ngale Joban min nãng demnâng aroamma tongehi.

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.

1 JON 5:5

Henma are hahtokkhoh pa tâjienmin a? Henhenma Jisu pa Joban Chha ngama putedâlem eka erehehma loloba tâjienmin.

LOATKHESOK 7:2

Ngale sankat ngewah ahan rangkhethung wah Joban ngintattema ahîn Joban mîn tûngthin pa semlahma kalahma wîenkhe wah. Joban ma hahtokkhoh ngale josi heh chhihsietrãng chaan kohtah Joban ngintatte wabelii ko chaanmõang rakroowah.