MATHIU 15:31 - NIEMNYAN Naga NT (BSI)

³¹ Aba jabmuh jienjab, dekke dake heh sen, dakò heh jienkhoam, ngale mitdoak hehma jienkhe rewah; erepa khelahma mihnyan heh bârit wah; ephumma thinma Isrial heh Joban nâng dangkoh a ngalahma choangpe wah.

MATHIU 15:31 Iomraidhean Croise

MATHIU 15:30

Mihnyan hehma ate tânâng dakò, mitdoak, dekke dake, aba jabmuh, ngale lihân khoanchetma chêmte heh siethû lahma ate dathongko thienhok wah, phumma atema mesiet wah.

MATHIU 18:8

“Nedek ba neda ma ne putedâlem pa memah phethuk hènko, erepa thahdoak letma petphe en! nerãngma dektu datu dangletma khope choh peba, dek ada kaniinii thienletma chenthujô lemutthin papwendô nâng khâmrit rãng phekat noma asen edanga.

MATHIU 21:14

Mitdoak dakò heh ate tâko rangsoamhum ko hokwakwah, phumma atema ereheh sênsietwah.

MATHIU 8:10

Chenthu Jisu ma erepa chohtatko, ate bârit rewah, erediko Jisu ma ate diwah junkhôamte hehnâng ngatwah, “ngama linlin thôkoh eka, Isrial diak khenko are mihnyan rãngrãng dâlemsen machohkhe ekang.

MATHIU 9:32

Mihnyan heh loatchhoan poatko, mihhan khuthema Jisu tânâng juchhih luplahma aba jabmuh wathe siethok wah.

MATHIU 9:33

Juchhih pa junloatkoh rienrien mihnyan pumma jienjab wah, eko anga nga bârit rewah. Thinma ngatwah, “nima arerãngrãng Isrial diakko chenthujô mathatkhe eki!”

MATHIU 9:8

Mihnyan hehma erepa khelahma chei rewah, ngale mihnyan nâng atô chaan kohdi Joban nâng dangkoh a, ngatwak wah.

MAK MA RAANGWAH NGINKONGSEN 2:12

Thin phangtangma sokpoatko, mihwapa ate hempa pelahma tôanchep wah, ngale lemlienma khôamchhoan wah. Thin phangtang nyahrãng bâritwah, ngale Joban nâng rôwakwah, thinma ngatwah, “Nima arerãngrãng chenthumin mathat chohkhe eki!”

MAK MA RAANGWAH NGINKONGSEN 7:37

Ngale erengin tatte chentôpa bârit rewah. Thinma ngatwah, “Atema chentôpa asen moeka!” “Atema nâbamin tatthuk eka, ngale jabmuhmin jienjabthuk eka.!”

MAK MA RAANGWAH NGINKONGSEN 9:43

Erohwah, nedek pumma ne putedâlem pa memah phethuk hènko, thahdoakphe en, nerãngma dek kaniinii thienletma roantang roanjêng lemutthin pap wendô nâng khâmritkat noma, dektu dangletma ju khope chohpeba asen.

LUK MA RAANGWAH NGINKONGSEN 14:13

Erohwah chenthu nema kuhhôan letma phhekchhah menget enko, tangchhih heh, dekkò dakò, ngale mitdoak heh roo en;

LUK MA RAANGWAH NGINKONGSEN 14:21

Phumma haapa ngakwãng lahma chentôpa ate tângtewa ko thôkoh wah. Phumma tângtewa pa nyahrãng rinkhah lahma haako ngatwah, ‘Sitsiak noknyu lemdong hehnâng chhoan en, ngale sumhah nâng katthin lemsiep hehnâng chhoan en, ngale tangchhih, dekkò dakò, mitdoak heh khôansiet hûren.’

LUK MA RAANGWAH NGINKONGSEN 18:43

Ephumma atema lemlienma jienkhe wah, ngale Joban nâng dangkoh a ngama ngalahma Jisu diko junkhoam wah. Chenthu mihnyan hehma erepa khelahma phangtangma Joban nâng rôwah.

LUK MA RAANGWAH NGINKONGSEN 7:16

Thin phangtang chei rewah, ngale Joban nâng rôwah. Thinma ngatwah, “Nãng tânâng mõngdong lâhongtah!” ngale “Joban ma ate mihnyan heh pepângrãng lâkatha!”

JON MA RAANGWAH NGINKONGSEN 9:24

Eredikomin mitdoak dângwah sentah pa rekthe thengak roolahma atenâng ngatwah, “Joban mathahko toangtang thôang ngama toamsem o! Nima ajet are nang sênsiette mihnyan pa papi mihnyan.”