MATHIU 14:29 - NIEMNYAN Naga NT (BSI)

²⁹ Jisu ma dânthâng wah, “Karoo!” Ephumma Piter khôankho kowah jâkhoam lahma jokhohma Jisu tânâng khoamkat wah.

MATHIU 14:29 Iomraidhean Croise

MATHIU 14:28

Erediko Piter ma dânjabwah, “Teso, linlin nang medang oko, ngamin jokhohma nang tânâng khoamka thukhang.”

MATHIU 14:30

Phumma atema pôngdong pônghok khelahma chei rewah, ngale ate joko lûmjâkat wah. Ephumma, “Teso pênghang!” ngama Piter raksepwah.

MATHIU 17:20

Jisu ma dânthâng wah, “Nenâng putedâlem pa ajah aho dângkowah nema letajunlo reken” “Ngama nenâng nginlinlin thôkoh eka, nenâng jokangken dôngtô putedâlem metong hènko, nema are hahkong komin, ‘arekowah ireko kao!’ ngama tanga en, eko are hahkong pa eka a. Nema chenmin tamo en!”

MATHIU 21:21

Jisu ma dânthâng wah, “Ngama nenâng nginlinlin thôkoh eka, nememin meputedâlem enko, ngama are phukbãngpa chenroh jienchoaksiet ekanga ererãngrãng nememin tamo en. Atô lolo ledang, nema are hahkong komin, ‘josi ko rutjâkao’ ngama tanga en, eko hahkõngpa erutjâka a.

MAK MA RAANGWAH NGINKONGSEN 9:23

“Ta ang,” Jisu ma ngatwah, “Nang dedema meta oko! ngale hennâng putedâlem tongeka ere hehma chentôpa eta a.”

LUK MA RAANGWAH NGINKONGSEN 17:6

Teso ma dânthâng wah, “Nenâng putedâlem pa jokangken dôngtô metong hènko, nema are mulbary bãngko, ‘nangdede bãngthong rinma phurii lohma josiko nangdede khietrii kao!’ ngama mechien enkomin ne ngin ekephèn.

MOATLEM 3:16

Arepa atemîn chaanma are dakò wako chaan kohlahma sensiet eka. Ngale nema are mihnyan pa khe eken ngale nema ate ejet en, arepa Jisu mînko putedâlem junko sen eka; arepa nekhu chentôma tasû en, Jisu nâng putedâlem pumma jôba ate senthemthem sensiet eka.

ROMAN HEHNÂNG POLMA RAANGWAH SITI 4:19

Ere sanpoatko ate châthe rangpâ dangnemnem dângwah; rohkomin ate sekko thakritko riichoan thãthãjô medang akomin, ngale linlin Sara min chhaho jatjô medang akomin ereheh thonghun lahma atewah putedâlem pa mahho.

FILIPIEN 4:13

Jisu Krista ma Nganâng chaankoh junko chentô sanpoat roakweih Ngama asenli tamo ang.