MATHIU 13:23 - NIEMNYAN Naga NT (BSI)

²³ Ngale hahsen nâng wênte chhah rãngrãng heh dangeka, Joban nginpa chohtat lahma jienjet loatte mihnyan heh: wawathe ma châthe, wawathe ma roak erok, ngale wawathe ma roakrem hongri eka.”

MATHIU 13:23 Iomraidhean Croise

MATHIU 12:33

“Bãngpa bãngsen medang ako, rimin risen eria; nenâng bãngchhih metong hènko, rimin richhih echoh en. Bãngpa ateri junko ejet e.

MATHIU 13:8

Rohkomin, wanwanthe chhah heh hahsen nâng chatjâ lahma chhahbãng pumma chhahri hongrieka; wanwanthe ma châthe, wanwanthe ma roak erok, ngale wanwanthe ma roakrem chhahri hongrieka.”

MATHIU 3:10

Wâka pa bãngrin khohko thien lahma tonga, penri leribãng chentôpa bãngrin thongma runjoat lahma wennâng thhekmin.

MATHIU 3:8

Nea papwah hung lâlittet ngama khesokli moatlem mo en.

MAK MA RAANGWAH NGINKONGSEN 10:15

Ngama linlin thôkoh eka, henhenma Joban Hahsôngpa are letachha heh rãngrãng danglahma lekep dangeka, ereheh chenthumin rangkhethung nâng leta wãngmin.”

MAK MA RAANGWAH NGINKONGSEN 4:20

Rohkomin ahan mihnyan heh hahsen nâng chatjâte chhah rãngrãng. Thinma Joban nginpa chohtat lahma keplahma chhahri hoangri eka: Wawathe ma roakrem hongrieka, wawathe ma roak erok, ngale khaka ma châthe hongrieka.”

LUK MA RAANGWAH NGINKONGSEN 13:9

Phumma nèpa phukri meri ako, ajahthem asen edanga; eroh komin penri leri medang ako nangma tajoat pheo.’ ”

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

LUK MA RAANGWAH NGINKONGSEN 8:8

Ngale wanwanthe pa hahsen nâng chatjâeka; phumma chhah heh donglahma châtheru chhahri hongrieka.” Ngale Jisu ma athôanko thôkoh wah, “Tat en, nenâng nâ metong hènko!”

JON MA RAANGWAH NGINKONGSEN 15:16

Nema nga rên dangmahha; Ngameba ne renlahma chenthumin lechhihjâ thangma lektôngli penri richhoanthuk eka. Ngale ngamînko Wa ngewah nema chenni thaeken a ereheh atema ekohhèn.

JON MA RAANGWAH NGINKONGSEN 8:47

Henhen Joban tâwah kaera erehehma Joban nginpa ejetat a. Rohkomin nea Joban tâwah dangmet, erohwah nema Joban nginko lejetat dangeken.”

MOATLEM 16:14

Thinkhuchhang wah ni nginkepte pa Thiatira hahwah Lidia dângwah, atea khetchek sengte dângwah. Atea Joban linlin nâng soam atôte dângwah, ngale Pol ma thôeka nginpa jetatrãng ate hung Teso ma laangkohwah.

MOATLEM 17:11

Biria wah mihnyan heh Thesalonika wah mihnyan heh nomemin hungsen rinsen jat dângwah. Thinma Joban nginkongsen ko nyahrãng hung arin kohlahma jetatwah, ngale Pol ma chenni thôkkoh eka ereheh linlin dang ale dangmah a ngama jetrãng rangwo roakweih thinma Joban nyapraang heh weih lahma dângwah.

2 KORINT 9:10

Ngale pitmoatte nâng chhahli chohkohte, erediko phhek achhahte nâng bankên chohkohte Joban ma nema chentô chhahli lemeken a ereheh echoh kohhèn, ngale nea chhahme dângdi Joban ma chhah heh dongphoak thuklahma chhahkosen dangthuk lahma ajah echohhèn en.

FILIPIEN 1:11

Ngale nekhu roandôngko Jisu Krista ngewah asenli moatlem heh echoh en, ngale nema eroh moletma Joban mînpa sensiet letma edongthuk en.

FILIPIEN 4:17

Erepa Ngama nekhuwah hînhô chohhun junko dangmek; rohkomin nekhuma koh amien junko rang chenkep en ngama huneka.

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

1 THISALONIKA 4:1

Lemruchha heh, Chenrohma Joban rinhung sênli roandông jiendôngmin a erepa nema niwah lâhethi. Adângte nea erohjô songtong letma dângwah. Ngale athâng hehmin nima nãng Teso Jisu Krista mînko nenâng erohjô ajahjah Joban rinhun sênli songtongen ngama rosep eka.

2 THISALONIKA 2:10

ngale atema chentô buthi mongthem chhih heh keplahma Ju mahritte mihnyan heh ediapchhah a. Thinma thin Ju khope thin hun achet le toangtang heh lekep di emah chhihjâa.

HIBRU 4:2

Chenrãngma ngako, thinma chohtattah rãngrãng jôba nãngmemin Nginkongsen pa chohtat eki. Rohkomin thinma nginkongsen pa mechohtat akomin, erepa thinrãng sekhota dângwah, chenrãngma ngako, chenthu thinma erengin pa chohtatko, erepa thinma putedâlem nungma kepmah.

HIBRU 6:7

Roantang hahtokkhoh ko rangpat ma sânkat junko hah pumma rangpatti jokeka, ngale erehahpa henhenma khoakhem lahma khiet ali khiet eka ereheh khohko Joban ma rangkoh lahma khiet ali senthuk eka, ngale ere khiet ali pa khiet alite mihnyan rãngma asen dangeka.

HIBRU 8:10

Ade phumma, Ngama are toampa Isrial mihnyan heh demnâng ahokmin sanpoatko esem ang, arepa Teso ma ngaeka: Nga Niem heh Ngama thin kheri nâng ethienkoh ang ngale thinhung khennâng eraangkoh ang. Nga a thin Joban rãng edangang, ngale thin a Nganâng putedâlemte Nga mihnyan rãng edangwak a.

2 PITER 3:18

Ngale nãng Teso ngale Pângte Jisu Krista mînchenchaan pa senthemthem jetletma ne putedâlem pa jêngdong dongwãng chendangen. Ate mînpa jôba athâng hehmin, ngale roantang roangjêng rãng chendonga! Amen.

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.